上星期五（13日）下午，媽咪姐去尖沙嘴一個新開嘅細商場shopping，個場水靜鵝飛，其中一間賣男裝衫嘅舖頭，有個四眼妹sales見無客人就吸吓塵。


媽咪姐睇真啲，原來呢位性感sales係陶喆前緋聞女友Zoey（岑潔儀），間舖頭係佢嘅，佢趁拍烏蠅時間就打掃吓間舖。不過媽咪姐最大發現唔係拋胸吸塵場面，而係佢嗒羅仲謙糖嘅煲電話粥內容。
事後媽咪姐打俾Zoey，話聽到佢講電話讚羅仲謙，係咪好冧對方？佢笑住咁話：「吓，嗰次我同朋友吹吓水啫，我唔識佢，我朋友鍾意佢多啲。（你係咪想溝佢？）梗係唔係啦，不過有機會合作嘅話我唔區o架，哈哈！」睇嚟傅穎要睇實謙謙嘞！


Zoey着住吊帶迷你裙踎喺地吸塵，酥胸半露，可以話係全場最性感嘅sales。


Zoey同電話中人講：「羅仲謙個胸真係好大，大過啲女，哈哈哈……咁佢都幾靚仔，胸肌又勁，我都幾鍾意佢，我覺得佢掂囉！」


羅仲謙
又有人落疊！（設計對白）


Zoey舊年10月俾雜誌影到同陶喆啜爆，因而傳出緋聞。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄