明星靚相大分享☆

鄭嘉穎早前被拍得有女模在家中過夜，前度緋聞女友佘詩曼替對方開心，笑言會致電八卦一番，另對陳豪為討好女友而與她劃清界線，阿佘也覺應有沉冤得雪的一天。

阿佘和陳豪毫不避忌，公然大耍花槍。

阿佘、陳豪、陳法拉、鍾嘉欣等數十位《公主嫁到》演員，穿上整齊戲服為劇集宣傳，其中阿佘與陳豪、嘉欣與黃浩然、法拉與馬國明舉行婚禮為明天首播造勢。

席間阿佘被問到有女模到鄭嘉穎家中過夜一事時笑笑說：「咁開心呀？我知呢啲幻想空間好大，其實男同女可以有純友誼接觸，不過佢哋箇中關係就唔清楚嘞，（你幻想到啲咩？）我幻想到套劇開播有四十點收視囉！」

鄭嘉穎

陳豪否認做媒

阿佘與嘉穎的緋聞雖然已過氣，但阿佘早前不但發短訊向嘉穎賀壽，還笑言稍後會致電八卦「過夜事件」。

對於陳豪為討好女友廖碧兒而公開與阿佘劃清界線，阿佘開心的說：「我一早都係咁講，贊同佢嘅講法，望有沉冤得雪嘅一日，（嬲陳豪講得咁絕？）佢好顧人感受，唔覺佢講嘢咁絕。」阿佘又謂不怕宣傳再被翻炒緋聞，反正自己都控制不來。

另一邊廂陳豪亦否認介紹女模給嘉穎：「我都唔知咩事，後來至知個女仔係同我拍過廣告，拍完之後都冇聯絡。」

馬國明不費吹灰之力，便把法拉抱起。

鍾嘉欣紮行馬揹黃浩然，惜仍力不從心。

阿佘笑言稍後會致電鄭嘉穎八卦「過夜事件」。

法拉狂谷人氣

此外，法拉有份在重頭劇《公主嫁到》及《巾幗梟雄之義海豪情》中參演，她笑言望人氣可以一直「谷」到台慶，問到想不想谷到攞女主角獎？她說：「睇吓谷唔谷到，谷到至算啦！」

左起：黃浩然與鍾嘉欣、陳豪與阿佘、法拉及馬國明齊齊舉行婚禮為新劇造勢。

陳自瑤扭李天翔耳仔，刁蠻造型入木三分。