壹周刊 1022期三個豪宅揸手　楊受成寵幸　容祖兒變億萬富婆 @ 明星靚相大分享☆

富婆容祖兒分別以「 JSY ENT」、「 Maxfame」及「 Gainchance」三間公司持有過億物業。
娛頭
三個豪宅揸手　楊受成寵幸　容祖兒變億萬富婆
2009年10月08日
今年是容祖兒入行十周年，付出十年最好時光，除了賺到天后銜頭，和她口中所說的一大堆回憶，也包括三個共值過億的豪宅揸手，進身富婆之列。十年英皇路， Joey一直深得老闆楊受成寵幸，公司重要時刻，她必定陪伴老闆左右，地位超然。
近日地產界盛傳容祖兒扑槌購入天璽十七樓一個三千多萬豪宅單位，連同她已經持有三個豪宅，包括兩個市值四千萬的松柏新村單位，以及一個二千多萬名門單位，相當富貴。
再買松柏新村
十年英皇路，容祖兒成功進身天后之列，除了靠一把靚聲，更重要是，其精靈乖巧，聽教聽話的性格，一直深得老闆楊受成痛錫，地位多年沒變，即使近日外傳同公司的泳兒得寵指數颷升，對 Joey仍沒絲毫影響。
今年三月廿一日，楊受成便以一百二十萬投得，以容祖兒英文名 Joey Yung縮寫而成的「 JY」車牌，送給她作為入行十周年的賀禮。「真的不好意思，在這種經濟形勢下，老闆竟然花這麼多錢……其實老闆曾經對我說，要投 JY車牌給我……」 Joey說。
為慶祝入行十周年，同一時間，容祖兒於今年三月，秘密以三千五百七十九萬，再購入松柏新村 D座一個高層單位，連同她原本自住的 C座高層單位，兩個松柏單位現已升值到八千萬，加埋她於○七年，以二千多萬買入的名門物業，屈指一算，容祖兒絕對是億萬富婆。
「 Joey係英皇一姐，亦係老闆愛將，多年來工作量驚人，收入當然唔少嘢，不過， Joey九九年簽約英皇十五年（包括十年死約及五年生約），最初公司抽佣高達八成，直至 Joey開始走紅，得老闆力捧，抽佣才按年遞減，但到今時今日， Joey嘅總收入，英皇依然抽佣四成！」一名熟知英皇運作的員工說。

○五年，英皇集團六十三周年晚宴，楊受成與一姐祖兒祝酒。

○四年，霍汶希細妹結婚，楊受成與容祖兒一同出席婚宴。

賀入行十年，容祖兒開騷，老闆楊受成與太太拉大隊撐場。

週日完騷後，容祖兒出席完慶功宴，凌晨一時返家仍精神奕奕。

天璽送阿媽
雖然公司抽佣抽得多，但容祖兒仍然富貴。近日地產界便盛傳容祖兒，已扑槌購入位處西九龍的豪宅天璽，一個市值三千多萬的十七樓單位，身家再下一城。
「話係買俾佢（容祖兒媽咪）嘅喎！」地產界業內人士說。
十年人事，容祖兒賺過億豪宅，相反，曾一度在英皇收入超越 Joey的 Twins，卻未見如她富貴。
「其實孖妹（ Twins）一度係英皇收入之冠，不過，阿 Sa咁耐以嚟，就只係買過一個七百幾萬嘅漾日居單位，自從佢將漾日居放售後，手上暫時再無揸貨，而阿嬌因為淫照出事，更一度手停口停，手上兩個加埋二千萬嘅物業，連供樓都成問題！」知情者說。

上海上野英皇文化發展有限公司成立當晚，楊受成向國內富商推介祖兒是 Hong Kong No.1。

容祖兒精乖伶俐，見到老闆楊受成母親，即急忙上前扶實對方，連老人家亦對她讚不絕口。

今年三月二日，楊受成在英皇駿景擺壽宴，做完嘢祖兒趕住到賀。

容祖兒先後收過老闆楊受成贈送三個以 JY做代號的車牌，公司地位無人能及。

公司開心果
事實上， Joey善解人意， EQ亦是同門之冠，因而令老闆楊受成另眼相看。
「 Joey好聰明，佢對老闆嘅意見通通言聽計從，出晒名聽教聽話，佢清楚晒老闆嘅喜好，有時老闆唔開心，佢搞吓笑唱吓歌，就氹番老闆，連 Mani都話佢係公司開心果。
「老闆成日同人讚 Joey好旺佢，係佢嘅福星， Joey更加從無諗過離開英皇，佢曾經講笑咁同人講，生係英皇人，死係英皇鬼，氹到老闆讚佢係香港 No.1，唔似得陳奕迅、謝霆鋒咁等夠鐘就走人。」知情人說。
除了今年贈送過百萬的 JY車牌，早於容祖兒廿一歲及廿二歲那年，她便先後收過楊受成送的 JY616及 JY6車牌，六月十六日正是 Joey的生日。

容祖兒和阿 Sa都是英皇賺錢金蛋，不過論身家，阿 Sa就遠不及做咗富婆的 Joey。

雖然與謝安琪分開做訪問，祖兒卻不時偷望宿敵阿 Kay。

去年八月北京奧運開幕禮，容祖兒、謝霆鋒在英皇力薦下，可以拍住劉德華、周華健、孫悅、汪峰等上台演出。

在上海拍攝《十月圍城》的謝霆鋒，正密謀約滿離開一手栽培他的英皇娛樂。（《蘋果日報》圖片）

保持單身
在英皇地位超晒班，每逢公司重要時刻， Joey都例必陪伴楊受成左右，公司周年晚宴或春茗，她亦必然坐正主家席。
得楊受成寵幸，容祖兒曾公開說，如果自己不是簽了英皇，一間背後不斷力撐她的公司，以她這樣不起眼，根本不會走紅。
二十九歲的容祖兒，夠富貴，但至今亦無拖拍，一度傳過緋聞的日本仔陳方藤，都只是影子男友。為保一姐地位，容祖兒似乎亦樂於繼續單身。
未搵夠
過去兩年，容祖兒主力開演唱會搵銀， 08年的《 Starlight容祖兒演唱會》開了兩次，加埋 23場巡迴演唱會，執過千萬。

共賺 3,449.5萬



蝕得甘
英皇集團旗下共有 53名藝人，但並非個個係生金蛋的搖錢樹。雖然業務瓣數多，但多年來英皇業績未如理想， 08年更勁蝕六千多萬，在同年六月一度發出盈利警報。截至今年 6月，英皇則錄得盈利約 700萬，但拍電影方面支出龐大，未必能轉虧為盈。