Mr.一直以來都備受譚詠麟的提攜，他們更有機會與校長合作出碟《 Rolling Power》。除了推出新碟外， Mr.最近搬到新 band房，他們警告歌迷不可再在 band房守候，擔心他們的安危。
五人樂隊 Mr.的舊 band房位於黃竹坑，只有 500多呎，最近他們搬到九龍某工廠區的 1,200呎新 band房，地方寬敞了，就連工作的速度都快了，成員 Alan說：「家喺呢度，生產力奇高，大家做嘢都快手快腳咗好多，我有信心喺呢個新地方，我哋可以作多好多歌。」
放大圖片 
曾有粉絲半夜三更躲於舊 band房等偶像，令 Mr.很擔心 fans的安全。
放大圖片 
阿倫最近與 Mr.合作推出新碟， Tom（左三）跟譚校長合作獲益良多。
曾有粉絲匿廁所
Dash表示一早已警告歌迷不可以在 band房守候，因為曾經有 fans於舊 band房的女廁躲起來，他說：「我都知個新地址瞞唔到幾耐，我成日都同佢哋講，支持我哋可以去活動同音樂會支持，但千祈唔可以喺度等。之前有個女歌迷半夜匿埋喺女廁，我哋真係好擔心佢哋嘅安危。同埋換轉我做父母，都唔鍾意自己個仔女咁樣去追星啦。」此外， Mr.與譚校長合作的新碟《 Rolling Power》已經推出，他們與校長一起合作的日子，可謂獲益良多， Tom說：「佢做事好認真，但係又好識享受，睇得出佢好鍾意呢個樂壇。雖然佢係一個重量級嘅前輩，絕對冇架子，成日同我哋打成一片，中間又會滲啲做人嘅道理畀你聽。」
羨慕校長人緣佳
MJ表示十分期待與校長出外做宣傳，每次去到不同的地方都會有很多人朋友爭着招呼校長，令他體會到出外靠朋友這句說話，他說：「次次同校長做完宣傳，實會有好多朋友帶佢去食嘢，有時會有成隊車隊車我哋去，佢人緣真係好好。」至於 Ronny現時就擔心自己的普通話未能應付內地宣傳，他說：「我啲國語係咁多個當中最差嘅一個，有時就係將廣東話講歪少少就當係，所以家都要惡補。」採訪：李珮洳攝影：仇志德 
Mr.最近搬到九龍區的千二呎新 band房，地方闊落，作曲速度都加快。
留言列表
