曹格年前醉酒失控,深夜在中環街頭飛踢好友側田,還意圖用路牌襲擊,醜態畢露,他也差點賠上事業,原定去年加開的演唱會宣佈取消,嘗盡一沉百踩的滋味。幸好在前輩藝人的開解下,令曹格茅塞頓開,下月開騷正式宣佈重生。

曹格將於下月 20日舉行世界巡迴演唱會,因為「喺邊度跌低,就要喺邊度企番起身」,於是安排香港成為個唱首站,曹格日前在銅鑼灣接受本報專訪時說:「呢一個演唱會對我個人嚟講係好重要,不論係事業、成長階段,都係一個轉捩點,我想將 11月變成我嘅重生,希望大家喺演唱會度見證我行番出嚟嘅第一日。」

放大圖片
積極重生的曹格,前晚為無綫的《勁歌金曲》開心演出。

積極重生的曹格,前晚為無綫的《勁歌金曲》開心演出。

放大圖片
曹格妻兒在醉毆事件後與他關係更密切,還成為他戒酒的動力。資料圖片

曹格妻兒在醉毆事件後與他關係更密切,還成為他戒酒的動力。資料圖片

戒酒讓家人安心 放大圖片
曹格年前街頭醉毆側田,兩人友情未變,但曹格事業一度陷低潮。資料圖片

曹格年前街頭醉毆側田,兩人友情未變,但曹格事業一度陷低潮。資料圖片

雖然曹格身邊仍有不少朋友支持,但同時也有不少人落井下石,他有感而發地說:「我唔怪得佢哋,係我自己做錯,我相信有啲人永遠都唔會原諒我,但係有啲人會原諒我,我會將精神擺喺啲原諒我嘅人身上,做番好自己,唔會再鑽牛角尖,我今次只係過咗其中一關,人生仲有好多關過。」問曹格有否為醉毆事件感後悔,他說:「我覺得所有過程係一個學習,嗰刻梗係後悔,但係正如華仔(劉德華)所講係好事,佢話上天畀緊機會我,你識把握咪 OK,唔識把握咪收工囉,家我同屋企人嘅關係好咗,我識得同佢哋分擔啲唔開心嘅事,我仲會暫時唔飲酒,挑戰吓自己,清醒啲諗嘢,我要做番比以前好十倍,令佢哋唔使再擔心我。」

為阿爺留一張凳

談到今次演唱會,曹格表示並不是 09年個唱的延續篇,將會重新編排流程,他說:「今次唔係一個 show,真係好多歌嘅演唱會,我會唱廣東歌、四大天王嘅快歌同埋 80年代嘅英文歌,所以換衫嘅機會唔多,可能會喺台上即除即着。」他續說:「 11月仲係我阿爺生日,我想做好自己畀阿爺睇,所以我會留番一個位畀佢,等佢知道個孫好乖,跌低識得爬番起身。」採訪:何慧斯攝影:陳慧安髮型: Ray Ip of尚 Hair化妝: Chris Wong


曹格選擇香港作為世界巡迴演唱會首站,是為了「喺邊度跌低,就要喺邊度企番起身」。

arrow
arrow
    全站熱搜

    stacylife 發表在 痞客邦 留言(0) 人氣()