無綫劇集《讀心神探》查案兼解構心理的情節，雖被批評抄橋，但仍吸引不少人追捧，於台慶月更每晚緊接登場的《義海豪情》播出，有份演《讀》劇的黎諾懿明刀明槍叨光，認為必定可以帶挈《讀》劇收視再更上一層樓，他還希望今年能夠參與台慶頒獎禮，即使自己沒有提名，戥朋友獲獎高興，也心滿意足。
黎諾懿在無綫劇集《讀心神探》中與林保怡、田蕊妮和周美欣等藝員是重案組探員，有趣在於查案過程中，加入不少推測和解構罪犯心理，包括眼神、肢體語言的出發點，內容曾被指抄襲美劇《 Lie To Me》，黎諾懿不置可否，只謂：「唔理抄唔抄，但劇種都新鮮，好多解構都係由美國心理學書中抽出來。」
三字頭扮 80後 放大圖片 
黎諾懿扮 80後 o靚仔十分入戲，特別是他的「豬豬聽電話」鈴聲，是典型的 o靚仔本色。
黎諾懿出道時曾為無綫力捧新人，惜後來事業停滯不前，今年初才被無綫再次發掘，分別接拍電影，又在中、港開劇，較深刻的是《讀》劇，飾演典型 80後，引發不少港式 o靚仔笑話，其實已為人父的黎諾懿早想抹甩 o靚仔味，他說：「都成三字頭，唔係少年偶像殺 o靚妹，要有另一個階段，令人覺得似番個成熟男人，我都積極改變自己。」黎諾懿真空一年冇劇推出，適逢今次《讀》劇安排在台慶月推出，已經佔盡優勢，他說：「咪當集中火力去闖，頭大半年我都出咗去做第二啲嘢，見識唔同嘅世界，冇所謂，男人最等得。」
盼《讀心》收視高 放大圖片 
黎諾懿在《讀》劇中與林保怡演重案組探員，在查案過程中解構罪犯心理。劇照
黎諾懿又對今次劇集充滿信心，還擺明叨別人光說：「我哋時間接住《義海》播，啲人一定會睇埋《讀心》，叨吓光希望更高收視。」黎諾懿表示近兩年也沒有份參與台慶頒獎禮，原因是冇劇提名，今年他希望能夠參與，戥朋友獲獎高興。採訪：卓寶花攝影：陳順禎場地提供：面譜（尖沙嘴） 
黎諾懿近兩年沒機會參與台慶頒獎禮，他希望今年能突破困局，即使戥人高興也想參與。
留言列表
