由秋入冬，天氣乾燥得不得了，狂搽護膚品也沒用。其實想皮膚滋潤有光澤，應由內開始調理，最簡單莫如多飲滋補湯水。想更進一步，由中醫師處方的燉湯或老火湯，對症下藥，幫你強身健體迎接寒冬。記者：林佩婷攝影：王文忠Model：露比
放大圖片 
■客人大可先找陸建南醫師診個症把個脈，再揀合適湯水，對症下藥，不過要另外收費。
九龍城的陸補軒，驟眼看和一般藥材舖沒甚分別，一列長長的藥櫃，中醫師正專心地替客人把脈。但走入店內，就發現裏面有數張枱仔，客人正在喝的不是黑漆漆的中藥，而是一盅盅燉湯！這些燉湯原來由陸補軒的中醫師陸建南所處方，在舖後的廚房煲製，熱騰騰的拿出來。時值秋冬，不少湯款都以花膠作主打，花膠大大塊，食落有咬口，真材實料。
即日燉湯上埋超市架
陸建南醫師的父親陸順海本身也是中醫， 77年由佛山偷渡來港，先於沙田南北行做幫櫃連中醫，並因為治好病人而打響名堂。「當時有位女士乳腺生瘤，老闆幫佢睇咗幾個月都唔得，我就話不如等我試吓，點知真係俾我醫番好唔使做手術，佢仲送咗塊牌匾畀我。 80年前我接埋仔女落嚟香港，跟住就有中藥行找我跳槽，打理埋參茸部，六年後決定自己創業。」位於九龍城的「國際中西藥行」，初期由陸順海負責中藥部，兒子陸建南打理西藥部；後來福建中醫學院來港招生，陸老醫師便叫兒子報讀， 94年畢業回港更開多了一間藥店，由兒子打理。年輕人創意多，陸建南的想法亦特別多。「做生意梗係要跟時勢，最初開中西藥行，又賣埋化妝品；之後又賣海味； 97年前更開始向超市模式發展，賣埋家用雜貨，增加至五、六間分行。」 97年金融風暴，環境惡劣，陸醫師的藥行也受影響，再次想轉型。「環境差自然要變，剛好有客人要求我哋提供湯水，自己覺得 OK，同阿爸商量後便開始籌備，不過一直未成事；直至 03年沙士，我哋煲凉茶贈飲，年輕人對中藥認識大增，又有人重提湯水供應，終於喺 05年開咗『陸補軒』，除睇症外，每日還有即製凉茶和燉湯，湯方都由我設計，再於店內執藥材燉，可謂半藥半湯。」燉湯一出大受歡迎，尤其年輕人鍾意飲湯但又懶得在家煲。 07年陸建南的妹妹 Winnie瞄準 OL市場，提議將即日煲好的湯水密封包裝於超市發售，更成功在吉之島上架，生意逐步建立起來。或有人問，藥材燉湯是否人人可飲？陸醫師就說他的湯方以老少咸宜為主，材料互相平衡。「例如藥材本身溫燥，就會加養陰滋補藥材去中和；體質虛不受補的，飲藥材湯驚燥，就可以飲啲平和嘅如黨參花膠等。再唔係冬蟲草可以壯內臟、固腰腎、平和補氣。」安排周到，難怪高峯時日賣三百盅。店內每日供應十多款燉湯，不時轉款，分清潤滋補、功能湯水和滋補養顏三系列，原盅燉製保證原汁原味。
放大圖片 
■陸順海非常支持兒子的燉湯事業，「每款湯水都老少咸宜，咩體質都啱飲！」
放大圖片 
■一盅盅密封老火湯，供外賣或堂飲。更增加了密封錫紙包裝，方便客人買走。
湯水功效冬蟲草燉花膠湯$93
每盅都有 3條冬蟲草，固腰補腎，又啱容易精神緊張人士飲用。
放大圖片 
放大圖片 
舞茸菇石斛海參鮑魚湯$75
新登場款式，足料，飲落清甜，可提升免疫力，健脾祛濕。
放大圖片 
放大圖片 
鮑參翅肚湯$65
名字夠矜貴，黨參補氣，魚翅含豐富鈣和鐵質，可防骨質疏鬆。
放大圖片 
放大圖片 
螺片鮑魚燉花膠湯$57
最受歡迎的招牌湯，用上原隻大花膠，滋陰養顏，更可預防糖尿病及腎病。
放大圖片 
放大圖片 
陸補軒（ 2382 1293）地址：九龍城衙前圍道 94號地下
平靚正$10老火湯 放大圖片 
■全因老爸喜愛飲湯，做仔的甘生最後選擇開湯舖。
兩父子同是中醫的甘老先生和兒子，一開始同時經營中藥店和湯水舖，最後更索性專賣湯水，全因甘老先生愛飲湯。「我本身好鍾意飲湯，自己又做中醫，會加藥材去煲，所以差唔多 80歲身體都咁好！」 03年開始於地舖幫人睇症煲湯，只靠口耳相傳已做出成績，後來搬到尖沙嘴樓上店，地方更大，索性以賣湯水為業。不單止煲湯，也兼賣小菜，好些是功能藥膳，也可補身。除了滋味補身的藥材湯，也有街坊老火湯共七款，日日不同。部份藥材湯更是獨家藥方配製，出面都未必有得飲。「藥材湯有分補氣血、補腰腎等，每朝一個大桶煲足五、六小時，材料同火候都不可和一般家常製作同日而語。好似龜苓湯最少要煲五小時，飲落甘甜、滋陰排毒，最啱煙酒過多人士飲用；海龍海馬花膠湯，補腎養顏；至於響螺雞湯，加入淮山、杞子、龍眼肉煲六小時，不但有明目功效，更可補肝補腎。鹿尾羓湯加入杜仲、巴戟、鹿茸等材料，壯陽補腎，男士飲最好。」
放大圖片 
■甘老先生每日親自揀選至靚藥材煲湯。
至於店內的家常老火湯，每碗更只由$10起，成本平過屋企自己煲。每日有不同款式，其中一款叫「神秘湯」，就看當日在街市買到哪些新鮮材料而定。訪問當日的「神秘湯」是龍脷葉羅漢果豬骨湯，「秋天轉季，喉嚨好易唔舒服，龍脷葉、羅漢果加埋豬骨去煲，化痰又止咳。」甘生更話每款湯都特地調配過，溫而不燥，任何人都合飲，若有問題更可以即席向兩位查問。
龍脷葉羅漢果豬骨湯$18 放大圖片 
「神秘湯」天天不同，是日的龍脷葉羅漢果豬骨湯，化痰止咳。
響螺雞湯$30 放大圖片 
加入淮山、杞子、龍眼肉煲六個鐘，明目補肝腎。
海龍海馬花膠湯$40 放大圖片 
滋陰養顏又補腎，海龍和海馬對去痰火更有療效。
龜苓湯$50 放大圖片 
有排毒作用，最啱煙酒過多、虛火人士飲用。
粟米紅蘿蔔湯$10 放大圖片 
加紅棗煲四個鐘，比家常煲的更清甜，十蚊碗，抵。
華豐藥業保健藥療營養湯（ 2312 2581）地址：尖沙嘴加拿芬道 33-35號發利大廈 4樓 3號室
話你知鹿尾羓加薑汆水去羶 放大圖片 
據甘氏兩位中醫師講，其實燉湯和老火湯的功效差不多，可能燉湯逐盅密封燉製，飲落感覺更原汁原味。此外，冬天很多人會買鹿尾羓回家燉製補身，甘老先生就教大家一個秘訣：「就咁煲鹿尾羓飲會好羶，最好先加嚿薑汆一汆水再煲就唔怕嘞。」 
■中藥店兼賣滋補燉湯，由中醫處方，功效更佳。
留言列表
