香港壹週刊 1027期丁子高假打工　揭楊千嬅老公有底身世 @ 明星靚相大分享☆

揭楊千嬅老公過億家世丁子高被爆假打工

被踢爆於今年8月在美國拉斯維加斯秘密註冊結婚的楊千嬅，正式成為丁太后，外間一直好奇只是打工仔的丁子高如何搞定身家過億的天后？

一句講明白，家裡有錢！老爸丁永方是上海大地主，並在上海開設三間製衣廠及一間紙箱廠，身家以億計。為賀兒子娶媳婦，丁永方更在上海豪宅區嘉里華庭，買下一個兩千多萬豪宅，送給兩人做愛巢，更出錢給丁子高開公關公司。

多年來，丁子高一直將家底隱藏的十分密實，極少向人提及父親生意及身家，據知楊千嬅突然知道都嚇了一跳。

身家厚底的丁子高，之前被問及會否由老婆出錢搞婚禮，即激動表示：「我唔會用老婆一毫子！」 caption_pure: "身家厚底的丁子高，之前被問及會否由老婆出錢搞婚禮，即激動表示：「我唔會用老婆一毫子！」"
娛頭
丁子高假打工　揭楊千嬅老公有底身世
2009年11月12日
被踢爆於今年八月在美國拉斯維加斯秘密註冊結婚的楊千嬅，正式成為丁太，外間一直好奇打份工的丁子高如何搞掂身家過億的天后？
一句講晒，屋企有！老豆丁永方是上海大地主，並在上海南區開設三間製衣廠及一間紙箱廠，身家以億計。為賀初歸新抱，新老爺更在上海豪宅區嘉里華庭，買下一個二千多萬豪宅，送給兩人做愛巢。
多年來，丁子高一直將家底冚得密一密，極少向人提及父親生意及身家，唔聲唔聲，千嬅都傻唔晒。
隱形富豪
成功追掂名氣和身家都同自己相距一大截的楊千嬅，戀情修成正果，外界一直認定「楊丁戀」女尊男卑，打工仔丁子高高攀天后楊千嬅。
意想不到的是，丁子高其實禾稈冚珍珠。父親丁永方是上海隱形富豪，有四間廠，廠房面積過百畝，身家厚底。
老豆有米，丁子高絕口不提。○七年與千嬅開始拍拖，因為風流賬多而一度被指是情場老千，他亦未有開腔平反。
「佢爸爸喺上海有幾塊地，喺上海南區開咗幾間廠，包括三間製衣廠，三年前再開多一間紙箱廠，單係紙箱廠機器，都要幾千萬一部，不過，佢係生意人，唔係咁熟娛樂圈，為人低調，所以就算阿 Real初初入行，都唔會提到老豆，怕影響佢嘅生活！」知情者說。

6/11
千嬅與大班友人離開餐廳時，雖然發現記者，但已經做咗丁太的她，未有刻意彈開，反而一手拉實老公，然後再向記者友善打招呼，新婚甜蜜表露無遺。

在酒店門外，丁子高見到友人的小朋友，即父愛大發抱起小孩，再回頭與友人傾個不停。

上週五，千嬅跟公司高層開完會，即由老公接載到中環，與友人晚飯。

凌晨離開日本餐廳，略有醉意的丁子高，見到記者雙手合十 say goodbye，與老婆乘友人車離開。

望子承衣鉢
丁父搞製衣生意前，九十年代亦曾經開設皮革廠，當年銷售點便多達一百間，後因為偷竊猖獗，生意額控制唔到，最後被迫結業，後來再搞製衣廠，生意愈做愈大，憑製衣廠起家。
主張白手興家的丁永方，一直希望兒子丁子高繼承衣鉢。
「雖然阿 Real老豆○三年同佢媽咪離咗婚，之後再結婚有第二個家，不過，兩房人感情好好，阿 Real同媽咪都經常返上海探老豆。阿 Real係獨生子，佢老豆其實好想個仔接手做製衣，幫佢打理啲廠。○四年阿 Real唔再做娛樂圈，都返過上海製衣廠幫手，不過，佢最後都因為無興趣，寧願返香港做 PR公司！反而佢家姐就有喺上海幫老豆打理製衣廠！」知情人說。

上週三，日本珍珠首飾品牌 Mikimoto，舉行酒會，負責做 PR的丁子高與千嬅同場出現，但未有合照。

前年丁父生日，丁子高與母親齊飛上海賀壽，兩房人關係融洽，丁父嚟緊更會打本給丁子高開 PR公司，對兒子事業非常着緊。

雙親送樓
八月美國拉斯維加斯註冊，玩完驚喜，二人將於明年九月擺喜酒。為賀兒子新婚，丁父近日便斥資二千多萬人民幣，購入上海嘉里華庭二期一個二千多呎單位，送給一對新人。
「阿 Real爸爸見個仔做嘢做得好積極，但又唔想佢一世靠打工，所以決定俾錢支持佢開 PR公司，應該仲會喺上海搞 office，所以出年阿 Real有好多時間要留喺上海，佢老豆咪買間屋俾佢囉，揀嘉里華庭係因為阿 Real姑媽喺嗰度有物業，覺得個盤有質素，所以揀嗰度。」
有父親開水喉射住外，丁母黃淑晶亦計劃在港物色一個愛巢送給兒媳。
「離婚嗰陣，阿 Real爸爸俾咗層樓同幾千萬佢媽咪，所以丁母呢排都有四出睇樓，希望喺出年佢哋擺酒前，搵個二千幾呎嘅單位，送俾佢兩個。」

11/10 7:30pm
千嬅忙拍戲，丁子高則與友人到清風街吃火鍋，之後再獨自揸車返回與母同住的陽明山莊寓所，至於千嬅則要明年擺酒後才正式搬埋去同老公一齊生活。

今年八月十一日，千嬅與丁子高在美國拉斯維加斯註冊結婚，丁生一句：「你俾我陪你走埋人生嘅日子！」成功贏得天后芳心，突然而來的婚禮，千嬅一臉冧爆。

兩年內唔生
做咗人老婆，楊千嬅事業心依然，除拍戲外，明年亦會舉行演唱會，故兩年內均無生育計劃。
「千嬅對娛樂圈仲好大興趣，短期內都無打算生 BB，加上佢老公都想創一番事業，咁積極搞 PR公司，都係想做啲成績俾人睇！唔想啲人成日話佢黐老婆名氣！」楊千嬅身邊友人說。
之前日接夜趕拍彭浩翔執導的電影《談戀愛》，楊千嬅幾乎半個月無見老公丁子高，直至近日電影煞科，趁住到北京埋位拍賀歲片《財神到》前，千嬅與老公亦密密出動，約友人聚會。
上週五（十一月六日），晚上八時多，千嬅與丁子高連同大班友人到中環 Central Park Hotel食日本菜。見到友人的小孩，兩年內不計劃生育的丁子高開心抱起對方，大過手癮。
一餐晚飯食到近十二點，離開餐廳時，似乎飲了唔少的丁子高，與千嬅乘坐友人坐駕離開，未有自己揸車。

23/10
婚後仍然繼續忙碌的千嬅，本身是工作狂，揚言無打算退出，暫時亦無生 B計劃。

趕拍新片《談戀愛》，千嬅每朝天未光開工，每天只能睡數小時，連與老公見面的時間都沒有。

丁子高家姐丁茵妮，一直在上海替丁父打理製衣廠業務，日前她將新開設的第三間製衣廠外貌放上 Facebook。

千嬅手持由丁子高設計的 MR鏈墜，原來是丁子高表姐所開的珠寶行出品。

打工闊少

拍拖期間，千嬅常與丁子高母子三人行。

今年 30歲的丁子高，原名丁浩霖，曾在紐西蘭升學的他 99年參加全球華人新秀大賽入行，組成組合 VRF入樂壇，出了兩張唱片，星運平平，最為人熟知反而是他跟小室徒弟 Zoie、李彩華、佘詩曼等傳過緋聞。
○二年， VRF解散，丁子高轉到上海替父親打理家族製衣生意，做了不足半年，因為對製衣行業興趣不大，返港加入 IPS做 PR，近年已成為老闆 Peter Wong的得力助手，月入約四萬元。不過，有富貴父母撐腰，打工仔丁子高仍可與母親以九萬元租住二千呎陽明山莊。
開花結果
楊千嬅和丁子高拍拖近三年，其間男方先後兩次求婚，終在今年八月修成正果。

07年 9月︰千嬅被拍得與丁子高在金鐘太古廣場同車出現，二人關係曝光。
07年 10月︰千嬅舉行演唱會，丁子高高調睇足五場，更和千嬅父母同坐一行，「姊弟戀」浮面。
08年 1月︰千嬅再被拍到在丁子高位於跑馬地寓所打邊爐，還體貼地為男友揼骨。
08年 10月︰千嬅與丁子高在上海見家長前後腳返港，千嬅在機場守候男友時被傳媒撞到正。
09年 8月︰千嬅與丁子高被揭發於 8月 11日在美國拉斯維加斯秘密註冊。