年屆四十的玉女掌門人周慧敏，多年來養尊處優，閒時拍廣告賺私己錢，不過，08年尾她公開撐「孔雀開屏」的倪震並與他結婚，遭網友鬧爆。至於工作唔多的倪震，自從去年尾其波樓兼酒吧涉嫌開賭枱遭警方調查後，變得生意冷清。
據知最近周慧敏主動聯絡東亞，打着出道25周年的旗號，提議明年三月開個唱，更獅子開大口想開夠8場。不過，東亞有感她婚後人氣不復再，最後表示最多只肯開三場。周慧敏的如意算盤打唔響。


周慧敏多年來保住「玉女掌門人」金漆招牌，甚受廣告商喜愛，嗌價高企；不過自從與偷食的倪震結婚後，遭不少網友圍插，形象大跌。09年，周慧敏除了完成手頭上的合約廣告外，大部分時間都是出席慈善活動。冇拍戲14年的她，去年尾突然接拍同志電影《得閒炒飯》。該片由許鞍華執導，題材大膽，更以陳偉霆及吳君如的牀戲作招徠，可惜雷聲大雨點小，票房唔夠300萬元，未能挽回頹勢。

8場變3場
周慧敏當年在事業高峰期退出，與倪震雙雙移民加拿大，之後回流返港，只拍廣告。問到復出拍電影、開個唱，她曾表示：「只做輕鬆有趣的工作！」近年才轉口風。三個月前，她突然主動向前經理人陳志光（東亞高層）提出明年想開演唱會，更要求在香港開完8場後，再在國內、東南亞甚至美國賭城做巡迴演唱。不過，東亞卻不敢冒險，只表示在港先宣布開兩場，再預留紅館一日作加場之用，看反應再算。
東亞工作人員透露：「Vivian（周慧敏）話06年開完慈善騷，好耐冇開演唱會，又hard sell話慶祝佢入行25年，反應一定好。但公司有保留，呢兩年佢靜咗好多。因此同佢講紅館冇期，要留俾鄭伊健，如果反應好先開part II。」

搵殿堂巨星撐場
周慧敏對今次個唱十分緊張，近日頻頻開會傾個唱細節，又親自聯絡同期寶麗金歌手如李克勤和黃凱芹，亦出盡人情牌邀請張學友、許冠傑和林子祥等殿堂級歌手做嘉賓。同期還會推出一系列紀念產品，如自傳及珍藏相集，藉以配合宣傳，不容有失。
周六晚，周慧敏到佐敦錄音室為電影《得閒炒飯》DVD配音，她證實明年三月開個唱，對於主動提議開騷則避談：「冇話邊方面先提出，大家一齊傾，出年入行25周年，係一個值得紀念嘅日子，場數3場左右。（據聞你初時想開8場，依家減剩3場？）梗係想開多啲，但要睇公司安排。（係咪被倪震影響，工作少咗？）唔關事，工作上我一向好獨立。（會巡迴？）我OK嘅！（擔唔擔心票房？同期有王菲同鄭伊健？）唔擔心。（對演藝事業意興闌珊？開完呢次個唱會否收山？）將來嘅事無人知。」記者致電東亞，但至截稿前仍未回覆。

復出戲票房差
Vivian 14年無拍電影，去年突然接拍《得閒炒飯》飾演女同志，不但有出浴鏡頭兼與吳君如啜爆，又同陳偉霆有牀戲，但票房唔夠300萬。

倪震不會上台
06年周慧敏為慈善開個唱，倪震扮成二人的愛貓「阿豹」給她驚喜，場面溫馨。但今時今日倪震形象負面，難怪問周慧敏復出個唱老公會否上台時，她斷言說：「唔會，之前都上過啦。」

兩大廣告唔續約
周慧敏多年來是廣告商寵兒。跟她合作達五年的資生堂，剛踏入第六年續約期間，爆出倪震偷食事件，周慧敏為保愛情犧牲事業。有周刊指有客人在counter指住其海報表示唔會用該品牌護膚品，令廣告商不敢怠慢，本來09初出街的廣告都急煞停，更傳換上楊千嬅（右圖），為大中華區代言人。


周慧敏晚上到佐敦「Q Studio」為《得閒炒飯》DVD錄國語配音，手上的對白稿做足功課，寫滿拼音。年屆43歲素顏嘅Vivian，依然冇走樣。


電影錄音劇本


問到是否提議開8場，周慧敏避談，但強調已作好巡迴演唱準備。


12月11日老公做司機


工作唔多嘅倪震接載Vivian去錄音室，信主後他在車左後方貼上Jesus（耶穌）貼紙。



倪震在灣仔王子酒店開設的「Joe's Billiards & Bar」，去年尾涉嫌開設非法賭枱（圖）。本月記者到訪，賭枱已冚。







至於多年來與她合作無間的美容中心Elyze，本來出口力撐Vivian，不過去年中約滿後，亦沒有再續約。


這兩年，Vivian工作明顯大減，今年10月只拍了一個Aigle秋冬系列服裝廣告。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄