錫仔錫到燶嘅Kelly陳慧琳，到今時今日依然堅守離港工作72小時極限大原則。Kelly唔單只唔捨得個仔，仲唔捨得俾蝦餃仔剪頭髮。


上個禮拜六（十八日），《壹》仔撞見Kelly老公Alex，同蝦餃仔出完街返屋企。見記者影相，Alex同司機都高度戒備，急急腳入屋。雖然《壹》仔睇唔清楚蝦餃仔個樣，但就發覺佢啲頭髮長到掂到膊頭，十足十縮水
鄭伊健。
八珍聽二五講，原來蝦餃仔○九年七月出世到而家，都冇乜剪過頭髮，家陣嘅長度比例，同媽咪嘅髮型差唔多，母子襯到絕，唯有Alex，髮線向上移。


星期一（二十日），Kelly出席活動，提到唔可以同蝦餃分開太耐，所以响北京拍《大鬧天宮》只客串兩日戲，但片酬都有200萬，佢解釋因為捐去做慈善，片商專登提高片酬支持：「如果拍戲可以日薪100萬，我日日拍呀！做茄喱啡都制。」


頭髮長到掂膊頭，由老豆Alex抱實、攞住藍色氣球嘅蝦餃仔，背面睇，仲以為佢係BB女。



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄