2005年港姐季軍林莉上年才轉投模特兒行業,日前屬猴( 30歲)的她以兔女郎打扮同讀者拜年,大騷 42吋長腿,林莉說:「過年會留喺香港同屋企人拜年利是,每年都會買定新衫,仲會買一套紅色內衣,希望新嘅一年可以更加旺。」

望轉戰內地

上年才轉投模特兒行業的林莉,曾被傳有富商男友照顧,是非不絕。雖然起步比人遲,但她信心十足的說:「我搵咗相士睇兔年運程,相士話我上年有是非;踏入兔年係我發力嘅時候,仲會有貴人出現,新一年希望打入內地市場,喺上海、北京行騷。」林莉家有四姊弟,她排第三,姐姐和哥哥都已結婚,家人希望下一個輪到她,她說:「之前有講過,不過家人都明白我嘅工作,所以都冇再催結婚,相士叫我兔年唔使諗姻緣,要畀心機工作,但我好信緣份。」採訪:顏英儀攝影:林德雄


林莉迎接兔年要應節,化身性感兔女郎。

arrow
arrow
    全站熱搜

    stacylife 發表在 痞客邦 留言(0) 人氣()