踏入兔年，藝人當然希望大行桃花運，提升人緣，熱戀中的藝人情侶必定想繼續甜蜜升溫，事業愛情兩得意。去年宣佈離婚的蔡卓妍（阿 Sa），火速跟同門師弟陳偉霆（ William）發展姊弟戀，他們人前人後晒恩愛，這段感情在兔年到底會有甚麼進展？堪輿學家蘇民峰、麥玲玲和司徒法正一致批兩人流年感情凍過水，甚至分手收場，只有區仲德的評價較正面。至於恨做老竇恨到流口水的劉德華，只要努力造人，也有望升呢做兔爸。撰文：比華利
蘇民峰：「狗女阿 Sa夫妻宮相冲，容易有爭拗，佢今年感情有危機，牛仔陳偉霆同兔年相刑，情況唔及阿 Sa嚴重，但都好難同另一半和睦相處，佢哋今年嘅戀情危機四伏。」麥玲玲：「 William喺今年出現刑剋日腳情況，阿 Sa就有合日腳之象，代表兩人易出現爭執，今年兩人感情面臨挑戰。呢種情況同第三者無關，只係佢哋兩人基本性格太接近，容易互有好感而熱戀，亦容易因小事互不相讓，導致感情轉淡。」
放大圖片 
蘇民峰
放大圖片 
麥玲玲
司徒法正：「 William同阿 Sa分別占到青龍同天后星卦象，證明佢哋今年仲會係一對戀人，不過 William嘅青龍卦暗合太陰星，代表會出現第三者。」區仲德：「阿 Sa同 William嘅八字好配合，夫妻宮相生有情，兔年雙方桃花星旺，愛情當可如意，其中阿 Sa有紫微吉星高照，愛情可以甜甜蜜蜜，無風無浪！」
放大圖片 
司徒法正
放大圖片 
區仲德
賭王 可辦喜事化紛爭 放大圖片 
如賭王辦喜事，其家族的爭產風波或可化解。
麥玲玲：「賭王屬雞，生肖同兔相冲，家宅難免出現麻煩，不過只要有喜事就可以化解，喜事包括子孫結婚或生仔，都可以為家宅添旺。賭王尤其要注意正月同二月，煩事會多少少，但最麻煩嘅事（指爭產）都出現咗，幾房太太的長相其實都有福氣，問題有望喺正月底可以解決得到。」司徒法正：「賭王今年冲太歲，家宅問題多，家人會有口舌之爭，要化解一定要做法事。不過始終相冲，就算佢呢次爭產表面上平息，背後仍有暗湧。」
崔建邦 兔年翻身有阻滯 放大圖片 
崔建邦親手打斷了自己的好運，今年想翻身不易。
蘇民峰：「崔建邦原本由舊年開始行五年大運，可惜佢自己犯官非，親手打斷咗自己嘅好運，脫離咗常規，比較棘手，命運係整定，但細微事件上都係靠自己，所以較難化解。」司徒法正：「朱雀星同太常星主藝人星運，崔建邦偏偏冇呢兩粒星相助，相信佢都冇辦法可以冲走衰氣，今年翻身無望。」
陳國強 必領無綫創高峯 放大圖片 
陳國強被指有毅力，可以帶領無綫更上一層樓。
麥玲玲：「陳國強個相生得好靚，佢呢個年紀，運程都行到下顎，佢下庭夠闊夠力，代表夠毅力，做生意好順暢，佢會好有魄力去經營一間公司，身為大機構領導人物，主持行政工作，佢個相好，自然帶旺旗下公司業務，兔年無綫氣勢都會好。」司徒法正：「陳國強流年有太常星輔助，呢粒星主和合關係，人緣好，佢正係新官上任，同下屬關係唔錯，所以喺佢主導下嘅無綫今年將進入一個新局面，仲會喜氣洋洋，收視有上升之勢。」
徐子淇 生仔或要等龍年 放大圖片 
徐子淇今年要添丁，可能有阻滯。
司徒法正：「佢嘅卦顯示元胎格，但坐住太陰位，太陰偏向指女性，所以腹中嘅 BB判斷好大機會係女，要追個仔，子淇仲要努力啲。」區仲德：「子淇命局中有四女二子，女兒星較旺，男丁星較遲，今年辛卯金兔年兒子星墓庫仲未打開，只能添女，祈望喺後年水龍年冲開子星墓庫，索得男丁。」
梁洛施 入李家需耐心等 放大圖片 
梁洛施今年似乎未有望嫁入李家。
麥玲玲：「梁洛施 26歲前夫星不顯，結婚機會低；如強行結婚，對感情發展冇利。凡係夫星不顯嘅人，如果要保持感情穩定，必須盡量將感情事低調處理。」司徒法正：「梁洛施嘅天后星坐得唔夠正，代表佢好難入宮，就算同男友關係好多時都唔見得光，今年結婚嫁入李家機會低。」
劉德華 生兒育女要小心 放大圖片 
劉德華要生兒育女的話，今年要特別努力。
蘇民峰：「屬牛嘅華仔兔年運程會冲父母，要留意長輩身體，特別係農曆二月同八月，但如果有喜事，就可以一喜擋三災，所以華仔今年喺造人方面真係要多啲努力。」司徒法正：「卦象顯示有元胎位，仲坐住粒天后星，代表高貴嘅女性，象徵太太今年好有機會幫華仔生個兔女，不過生產過程同懷孕期間或冇阻滯，所以要好小心。」區仲德：「華仔命中子星入墓，求子極困難，兔年步入吊客星同天狗星困擾，相信求子機緣難有緣份，最快羊年先能冲開子星墓庫，有望一索得男。華仔可以喺正西位放紅燈九支同觀音送子，有助轉運。」
廖碧兒 感情事波折重重 放大圖片 
有傳廖碧兒同陳豪分手後搭上富豪，其形象亦大受影響。
蘇民峰：「 32歲屬馬嘅廖碧兒今年雖然仲行緊桃花運，但夫妻宮相冲，感情發展唔穩定，結婚會離婚，拍拖會分手，今年感情變化好大。佢明年同後年再會行個人高峯運，事業有機會翻身。」區仲德：「廖碧兒命中夫妻宮欠缺財星，兔年無財星同官星入運，偏偏又遇到勾神星同貫索星纏身，感情運未能如意，相信釣金龜必須要多等兩、三年先有機會。」
林欣彤 行足五年高峯運 放大圖片 
林欣彤如能把握行運時機打穩基礎，對星途必有幫助。
蘇民峰：「 20歲嘅林欣彤喺 19到 24歲期間會行五年個人高峯運，肖馬嘅佢一定要把握時機，打穩基礎， 24歲後運程普通，如果喺 24歲前企穩陣腳，對星途必有幫助，否則最快要等到 2016同 2017年，運勢先會再出現大利情況。」
版稅糾紛 有望年中後解決 放大圖片 
五大唱片公司與無綫的版稅糾紛有機會解決。
麥玲玲：「以今年立春八字來說，電影發展相對嚟講比較有利，唱片業發展仲係停滯不前，加上金木相剋，所以無綫同五大唱片破冰一事暫時都唔樂觀，至少要等到農曆七月後先有較確實嘅進步。」區仲德：「處理無綫業務嘅陳志雲復職，雖然兔年佢有白虎同指背星纏身，是非仲未全面解決，但年中後，即農曆八月左右，佢會得到將星同三台星高照，帶動年尾可解決問題，當中包括五大唱片糾紛都可迎刃而解。」 
四位堪輿學家中，有三位都批阿 Sa與陳偉霆的戀情凍過水。
娛樂圈 娛圈 明星 大預言 Sa霆戀 告急
留言列表
