貪新忘舊是旅客強項,何時何日,布吉曾是港人避寒天堂,每季唔走一轉就直頭身痕,但後起新秀,如蘇梅、斐濟等地都有青出於藍之勢,是時候提升一下自己了,去年中就有 Westin Resort開業,我於是起行去體驗一下,睇過度過後,或者會是你今年情人節之選。記者︰吳美美攝影︰楊錦文

印式滴油滴暈精 放大圖片
■起雙飛的 Heavenly Synchronize Massage。約$1,589/80分鐘

■起雙飛的 Heavenly Synchronize Massage。約$1,589/80分鐘

這一家 Westin Resort是集團旗下於布吉的第一家,剛於去年 8月開業。由機場至酒店距離約 45分鐘車程,落腳時分正好是日落西山。擁有全海景的 lobby,伴住白茶香薰,有時候寧願坐在這裏上網,反正 Wi-Fi免費又全 resort可用。小記住在 25座的房間,山路較斜,所以要坐 tuk tuk才夠馬力上山( call車時間亦算隨傳隨到)。整個 resort共有 261個房間,每間都面向海景兼有露台,景就一定無敵,房內設備也是意料之內的佈置舒適,可以免提。坐擁海景當然要好好利用,非常之咁建議大家朝早報名去 Horizon Pool做 Yoga、 Pilates等,全程 30分鐘,對到正個海,我相信我個身可以伸得更長!上完堂記住嘆杯免費特製 smoothies,足料又好飲,簡直完美排毒半小時。但我自覺未郁得夠皮,嘆個 spa先至真正排出毒素身體好,由外靚到內直至情人節。 Resort內就有一家 Heavenly Spa,是威斯汀旗下於泰國的第一家,為咗能嘆至頂峯,選擇了「 Heavenly Synchronize Massage」,兩位治療師用本土製椰子按摩油齊齊有節奏地給你作全身按摩,佢哋話最啱睡眠質素欠奉、容易焦慮兼易有壓力的人享用。不過,當大家只掛住搞個 body時,我就指明話要做「 Shirohara」,其實就是源自印度專攻頭部的按摩:先將按摩油透過狀似漏斗物體倒喺太陽穴,再至頭皮,按吓按吓,滋潤頭髮時,兼改善失眠,香港情侶們啱晒!

放大圖片
■ Shirohara是印度式按摩,集中 relax頭部。約$558/45分鐘

■ Shirohara是印度式按摩,集中 relax頭部。約$558/45分鐘

放大圖片
■土產椰子按摩油約$40( 60ml)

■土產椰子按摩油約$40( 60ml)

放大圖片
■好鍾意 spa的蘑菇外殼,好可愛。

■好鍾意 spa的蘑菇外殼,好可愛。

放大圖片
■晨早 8點半上一堂 30分鐘 workout堂,醒神。

■晨早 8點半上一堂 30分鐘 workout堂,醒神。

放大圖片
■部份 villa位於天台位置,感覺更加接觸天同海。

■部份 villa位於天台位置,感覺更加接觸天同海。

放大圖片
■房內的床被名為「 Heavenly Bed」,似瞓天堂咁舒服。

■房內的床被名為「 Heavenly Bed」,似瞓天堂咁舒服。

 

The Westin Siray Bay Resort& Spa Phuket地址: 21/4 MOO 1 T.Rasada A.Muang, Phuket 83000

爆房前平選 Guest House 放大圖片
■門口有 cafe位,但暫時只供應汽水啤酒。

■門口有 cafe位,但暫時只供應汽水啤酒。

我明,香港人供樓已經負擔好大,去布吉未必可負擔 resort價錢。放心,小記已有後着,找了一間品味與平價並重的「 Phuket 346」。 Soi Rommani整條街在兩年前曾被翻新一遍,外牆都髹咗唔同顏色,對比周圍都是灰色的舊區已夠醒目,因而吸引當地人開 guest house,整條街就有三家。「 Phuket 346」是最 hip的,外面擺了幾張枱凳畀人飲杯嘢。內裏分上下兩層,下層是 gallery,擺滿泰國本土藝術家的作品,附近亦放了幾張梳化讓人慢慢欣賞作品之餘,又可當作 common room。走入去有個露天小魚池及開放式廚房,佈置簡單之餘用具亦頗齊全。樓上有三間房,每間可以容納兩人(都係雙人床),全部內附企理浴室一個,佈置格局相當簡潔,可以講話幾有 modern feel。價錢亦相當超值,約$328-$404,真係布吉難搵。上年 12月至開業,仲未好多人識得搵上門,當日到訪就未有住客,但相信爆房指日可待,有心人要住趁早。

放大圖片
■特意闢個位置放魚池,格調高晒。

■特意闢個位置放魚池,格調高晒。

放大圖片
■我覺得個窗應該加裝窗花,睇落幾危險。

■我覺得個窗應該加裝窗花,睇落幾危險。

 

放大圖片
■樓上三間房佈局大致相同,只在大小分別。

■樓上三間房佈局大致相同,只在大小分別。

Phuket 346地址: 15 Soi Rommani, Old Phuket Town, Phuket 83000

布吉下白泥即捕即食

Blue Elephant的確華麗,但肯定有人想食得親近大自然一啲。我們找到一間距離 Westin Resort只需 15分鐘車程,專食海鮮的「 KHONTHAI 2 Restaurant」,所在位置靠近大海沙灘,有啲似香港下白泥,你會見到有人正在捉海鮮。而小記將要食嘅就是出自佢哋手中,捉完即食,夠晒新鮮,今日捉乜食乜。店內有位置放晒魚、蝦、蟹俾客人任擇,磅完再考慮點煮,咖喱、清蒸、煎炒都得,似足香港避風塘做法。不過位置的確幾唔方便,一定要坐 tuk tuk或租車先可以去到。

放大圖片

 

放大圖片
■燒得肉身剛好的燒龍蝦。約$192

■燒得肉身剛好的燒龍蝦。約$192

放大圖片
■呢啲名副其實叫全海景餐廳。

■呢啲名副其實叫全海景餐廳。

放大圖片

 

 

KHONTHAI 2 Restaurant地址: 10/111 Srisena Road, Muang, Phuket 83000

殖民大樓廚房實戰 放大圖片
■殖民地色彩大樓內有充滿藍色調的 bar枱,兩者幾夾。

■殖民地色彩大樓內有充滿藍色調的 bar枱,兩者幾夾。

布吉要食泰菜,真係唔難,但難道你想帶另一半,喺情人節當日到 market一路流汗,一路逼住食泰菜?單係諗我都已經覺得殘忍。靚地方食泰菜,又要有 gimmick,的確我有一個喺手。位於舊城區中心的 Blue Elephant,去年 3月開業於一棟擁有殖民地色彩的大樓內,其實佢有個更冗長名稱「 Blue Elephant Governor Mansion Cooking School& Restaurant」,因乜事咁長氣呢?一方面,大樓前身是殖民地時期產物,一方面這裏開設正宗的 cooking class。小記都體驗到佢哋的正宗,先在一間類似課室地方睇大廚示範講解一次,大家可以坐低慢慢 mark notes,先至走入實地戰場慢慢煮。每人一個地頭,有齊用具新鮮材料,唔似得酒店內柴娃娃地俾客人玩玩吓的 cooking class。煮完一輪,又可以擦餐勁,但先講講 Blue Elephant來頭。她於比利時以至曼谷等共有 11間分店,糅合新舊泰國菜煮法。小記眼見食物擺放得相當精緻,特別歡喜小食頭盤,例如前菜就以鵝肝、芋頭配帶子,夠得體矜貴啦。再上茄子、青咖喱蝦配羊肉卷,由於我哋成班記者踩場,負責人特別安排 set menu,每人約有六道菜加甜品,每人約$341,其實好抵啦!仲未完,大樓內分了兩邊,一邊是餐廳,一邊是充滿藍色燈的 bar位。 Bartender所冲調的飲品的確唔錯,透心凉又易入口。我自己就唔係好飲得酒,所以叫咗杯 Andaman Breeze,由香蕉、菠蘿、荔枝冲調,健康又散熱。

放大圖片
■隻色同 bar枱襯到絕的 Andaman Breeze。約$58

■隻色同 bar枱襯到絕的 Andaman Breeze。約$58

放大圖片
■ Cooking class的大廚作風輕鬆識搞笑。

■ Cooking class的大廚作風輕鬆識搞笑。

放大圖片
■鵝肝、芋頭配帶子小食,第一次見鵝肝出現泰菜中。

■鵝肝、芋頭配帶子小食,第一次見鵝肝出現泰菜中。

放大圖片
■茄子、青咖喱蝦配羊肉卷,隻蝦大得好突出。

■茄子、青咖喱蝦配羊肉卷,隻蝦大得好突出。

放大圖片
■餐廳裝修好有傳統高級泰國餐廳格調。

■餐廳裝修好有傳統高級泰國餐廳格調。

放大圖片

 

 

Blue Elephant Governor Mansion Cooking School& Restaurant地址: 96 Krabi Road,Tambon Talad Neua,Muang District, Phuket 83000

Resort in Phuket 放大圖片

 

溫馨提示:好想講 resort內有間叫 daily treat的小食店,當中的芋頭雪糕好好味,大家要記得試。每球$21

Travel Memo

持 BNO或特區護照免簽證。泰國領事館: 2521 6481港龍假期 3日 2夜套票,包括香港布吉來回機票連 2晚酒店,$2,699起。查詢︰http://www.cxholidays.com

1港元約兌 4泰銖(文中價錢已折算港元)220V,兩扁腳插座

放大圖片

 

泰國布吉下周多雲, 23-31℃

旅行 旅遊 泰國 布吉 情人選 搽油 排毒 起雙飛

arrow
arrow
    全站熱搜

    stacylife 發表在 痞客邦 留言(0) 人氣()