被小小超李澤楷視為旗下 now寬頻電視秘密武器遊戲節目《撳錢》,預計大灑過億作獎金,前晚節目由一名幸運兒獨得十萬獎金,參加遊戲的人數較首播日急增近 9,000人,節目播映時有不少觀眾上網搜尋資料作答,因而造成網絡大塞車。


其他娛樂名人影片

李澤楷一向視 now台的直播遊戲節目《撳錢》為 2011年重頭武器,其玩法等同互動式的《百萬富翁》遊戲。節目已於大前日播出首集,之後由星期二至日每晚 10時 35分開始,至本月 20日 now用戶都可以免費試玩。透過電視台自行開發的 ipman系統,觀眾安坐家中就能參與比賽,只要答中每晚由 15人智囊團開出的 8條問題,就能贏得 10萬獎金。由於問題內容不乏一些冷知識及時事常識,就如首集當中兩條問題分別問到「香港銀行公會最新統計,以下哪區的自動櫃員機最多?」及「 101號巴士線,由觀塘裕民坊開出後的第 6個站是哪一個?」網民為求在 45秒內從九巴及銀行工會網站上找答案,令網絡瞬間出現大塞車。

放大圖片
C君昨日收到題目後即被「囚禁」,過着斷六親的生活,與外界通訊均受監視。

C君昨日收到題目後即被「囚禁」,過着斷六親的生活,與外界通訊均受監視。

放大圖片
各《撳錢》節目主持人開廠前都要交出手提電話,以保障 8條題目不會外洩。

各《撳錢》節目主持人開廠前都要交出手提電話,以保障 8條題目不會外洩。

馬啟仁心急送十萬 放大圖片
大前晚就是因為這條題目,引致無數網民同時間登入九巴網頁,令伺服器被迫關閉。

大前晚就是因為這條題目,引致無數網民同時間登入九巴網頁,令伺服器被迫關閉。

該節目的參與人數亦由首日 17,000多人,激增至前日第 2日播出的 26,000多人,而前晚節目的十萬元獎金,已由節目主持之一馬啟仁( Keyman)昨日親身送到鰂魚涌給得獎者。由於玩法簡易收錢快,相信會掀起一股像當年由《百萬富翁》開創的尋金熱潮。Keyman昨日送完十萬獎金心情興奮,他說:「因為最初試機都係幾千人,唔知過萬人嘅時候會點,而主持每晚都係冇稿,好講求大家之間嘅默契,同埋每晚都好想送錢出去,有個完美嘅結局。」 Keyman又指主持《撳錢》後,令他覺得學海無涯:「我家覺得自己好無知同好多嘢都唔識,諗起學海無涯呢幾個字,我諗諗吓都應該去進修一吓。」曾任足球評述員的 Keyman表示主持《撳錢》與講波感覺截然不同,他說:「以前就要分析出場陣容同場比賽,要專業一啲,家就可以剔除咗呢個框框。」問到 Keyman身邊的朋友會否經常問他取貼士?他表示:「初時都有 o架,我哋四個主持人每人只會知道兩條題目同答案,之後就唔可以同其他三個人討論,加上一入廠就要交出電話,唔可以上網同打電話。同埋我講題目時唔可以輕率咁表達一啲意見,驚會畀錯貼士觀眾。」 Keyman指自己都想於放假時參與遊戲,他打算到朋友家中一齊玩,他說:「我自己同家屬係唔可以玩,但又好想玩,我覺得呢個節目嘅其中一個好處,就係令一班人一齊去做一件事。」

C君接收題目斷六親 放大圖片
now台《撳錢》節目為 2011年重頭武器,其玩法等同互動式的《百萬富翁》遊戲。資料圖片

now台《撳錢》節目為 2011年重頭武器,其玩法等同互動式的《百萬富翁》遊戲。資料圖片

節目每晚有四位主持,每位主持獲分配兩條問題及答案,其中一位主持人 C君就揚言保密程度猶如警察辦大案一樣,他說:「當獨立收到兩個問題同答案之後,就會同幾位負責對稿嘅同事困喺一間房度,之後所有短訊、 MSN、上微博同講電話,都會有人係身邊聽住睇住你。」C君笑言自下午 5點打後收到題目到晚上 11時多節目結束這段時間,可以用斷六親來形容。對於前日播出的第二集 C君加入不少高登網站文化,例如大叫人做「巴打」,令網友歸屬感大增。 C君表示不擔心會有其他收費電視台有樣學樣,製作同類形節目對打,他說:「我哋構思到發展呢個咁勁嘅 ipman系統製作經年啦,人哋要追都係幾年後嘅事。」

now台歡迎敵台對撼

對於觀眾搜尋答案引致網站大塞車, now香港頻道副總裁杜之克昨接受電話訪問時說:「好多人會用網絡嘅搜尋方法,但我哋冇特登令人哋嘅網站登入唔到,好多香港網絡嘅設計係唔預太多人喺同一時間登入,我哋又冇理由遷就,出問題就惟有唔太頻密地指向某機構。」至於獎金會否再加碼?杜之克說:「如果參與人數再激增,我哋係會討論嘅。」會否擔心其他收費電視出招對撼?他笑說:「真係嘅話係好事。」採訪:何永寧攝影:陳慧安

過 8關搶 10萬 放大圖片

 

now 101台遊戲節目《撳錢》掀起一片觀眾搶答熱,其實 8條問題包羅萬有,要連過 8關也不容易,前晚( 2月 10日)第二集的題目如下,讀者不妨試玩作熱身。Q1 如果今集沒有人成功撳錢,獎金將會如何處理?A:做員工花紅B:加落下一集C:捐去公益金D:揼落鹹水海Q2 香港身份證上,出生日期下有「 W」,代表持證人?A:擁有香港入境權B:擁有香港居留權C:報稱在澳門出生D:報稱是香港孤兒Q3 根據土地註冊處紀錄,下列哪個屋苑,今年最高成交呎價並未超越 25,000元?A:天璽B:擎天半島C:凱旋門D:君臨天下Q4 「香港郵政」會拒絕接受哪種郵件?A:附有鈔票B:算命廣告C:載有水蛭D:附有鑽石Q5 網民稱哪位古人為 Johnny?A:蘇軾B:唐太宗C:杜甫D:孔子Q6 以下哪一樣有鷓鴣成份?A:鷓鴣酒B:鷓鴣菜C:鷓鴣斑D:鷓鴣麻Q7 非法營辦醫院首次定罪的量刑為A:罰款一千元B:罰款一萬元及監禁六個月C:罰款十萬元及監禁兩個月D:罰款一百萬元Q8 一個正常成年人,肺氣泡的表面面積,大約相等於A:北京天安門廣場B:跑馬地馬場C:標準雙人網球場D:麻雀檯檯面

答案

Q1: BQ2: CQ3: BQ4: BQ5: DQ6: AQ7: AQ8: C


小小超(小圖)大灑億元打造的 now台王牌節目《撳錢》參與人數與日俱增,該節目的主持人昨晚開廠時興奮得跳起來。

大贏家教路

前晚第二集《撳錢》得獎者李家民( Chris)第一次參加電視遊戲節目,即獨得十萬元獎金。任職廣告媒體採購部的 Chris表示前晚經過一番部署才參賽,由他負責上網搜查資料、女朋友負責㩒遙控、妹妹的男朋友負責計時及提示時限,他說:「其實搵資料時,最重要係打兩個 key words,千祈唔好打一個,因為個範圍太大。」 Chris又指選答案要靠自己的判斷,他續說:「好似非法經營醫院嗰條,好彩 Keyman講係 1966年,咁我就推測當年買層樓都係兩萬,所以就揀咗罰一千呢個答案;另外郵政局嗰條,就因為工作關係知道拒收算命廣告;最後一條肺氣泡,係因為讀生物時讀過,所以我好肯定自己唔會錯。」

怪錯女朋友

另外 Chris透露於身份證上「 W」一字這條問題因於網上找不到答案,幸好女朋友答中,他說:「因為女朋友有朋友係外地人,咁四個答案中得澳門一項屬於外地,咁就揀咗,但係答完之後係廣告時間,我覺得應該揀錯,都有女友咁揀,原來佢真係啱咗,仲要番佢。」 Chris表示會將十萬元獎金用來與家人去旅行,他說:「其實之前我都 plan咗同屋企人去北京,噚晚玩之前就話中咗就用呢十萬做 sponsor。」 Chris指朋友得知他中獎後,都有邀請他一起再玩,他亦有信心會再奪獎金。

高登熱話:自組智囊團 放大圖片

 

《撳錢》有得玩、有錢派、又有話題,完全滿足香港人柴娃娃、趁熱鬧及博彩的心態,難怪節目一出已獲熱烈追捧,每晚節目播出前幾分鐘,網民已 stand by討論區熱烈追 post參與討論,尤以高登討論區最多人聚集,大大降低網站的瀏覽速度。由於遊戲容許玩家在互聯網搜查答案,網民甚至自發性組成高登智囊團,在 45秒限時內鋪出問題及答案,齊齊為十萬元奮戰。不過 now亦清楚高登仔必為此遊戲而瘋狂,更出動高登的專用表情 icon(圖),連主持之一的 C君也拍宣傳片,自稱是高登 CDROM,向高登巴打問好。


馬啟仁昨日親身帶同大支票,到鰂魚涌頒獎給前晚獨得十萬元獎金的大贏家李家民(左)。

 

arrow
arrow
    全站熱搜

    stacylife 發表在 痞客邦 留言(0) 人氣()