擁有一部冠軍級戰駒當然係好多男士夢寐以求的目標，不過今次呢架目標只係廿八萬有找。火速到港的 aprilia RSV4 Factory aPRC，就係為紀念成功勇奪 2010年 Superbike World Championship（ SBK）總冠軍而推出，超強電子配備，加上全球限量 350架的矜貴魅力，呢架圓夢之駒更加物超所值！記者：許維雅攝影：伍慶泉Model： Fion
全球限量 350部
一直努力研發電單車超跑的意大利品牌 aprilia，於 08年首次推出的 RSV4就係打正旗號為 09 SBK而生，更找來意大利籍冠軍級車手 Max Biaggi出征。最後只花了兩年時間便修成正果，奪得 2010年 SBK總冠軍之名，的確又幾值得慶賀。為紀念今次於 Superbike戰場上的驕人成績，車廠特別推出了一台 RSV4 Factory aPRC紀念版，只會全球限量發售 350部。雖然咁罕有，但好彩香港代理都成功率先搶到一部火速空運到港，等車迷可以先睹為快。
放大圖片 
■ RSV4能夠贏得 SBK總冠軍，意大利籍車手 Max Biaggi（左四）功不可沒。
放大圖片 
■有 Wheelie Control幫助，即使昂頭起步都可以防止翻車。
意大利色彩包裝 放大圖片 
■對住油缸上 SBK冠軍 1字標記，心情都興奮啲。
於外形粉飾上，呢部 aPRC紀念版充滿濃厚的意大利色彩，其中一個最獨特的地方就係車身兩側底部的綠白紅三色啡軨，顏色夠晒搶眼。加埋一個隨車附送的意大利國旗布冚，自豪地向全世界公告呢部係意大利之光。全車前前後後滿佈世界冠軍字樣及標記來增加紀念價值，實屬意料之內的事，當中包括油缸上的總冠軍標記、車尾後座的 Max Biaggi名稱、底部啡軨的 2010年 aprilia WSBK廠隊名稱及 SBK總冠軍字樣等，就如一匹掛滿獎牌的冠軍馬一樣。除此之外，兩側黑色啡軨上的 RSV4字樣改用了電鍍凸字，顏色上更加混入閃粉底增加豪華氣派，再配合由 190改用 200/55-17尺寸的超闊尾胎，霸氣造型完全凸顯冠軍馬的風範。
超強電子配備勝同級
紀念版的名稱加上 aPRC，意思即 aprilia Performance Ride Control system。希望騎駕表現理想，唔一定由引擎同馬力可以反映出來。引擎規格雖然跟普通 Factory版一樣，馬力同樣維持 180匹，扭力有 11.72kg-m，但今次呢架 aPRC特別版勝在將落場比賽用的全套電子配件放埋落去，如彈射起步的 ALC（ aprilia Launch Control）、增強入彎穩定的 ATC（ aprilia Traction Control）、昂頭時防止車頭過份離地的 AWC（ aprilia Wheelie Control）及唔需要縮油唔需要扣極力子都可以快速轉波的 AQS（ aprilia Quick Shift）。超強電子配備仲有唔同級別程度選擇，好似 ATC就有八個級別的安全程度，調校級別越大，入彎就越穩定安全； AWC昂頭控制功能就有三個級別，三段唔同引擎扭力的發放上限，絕對毋須擔心翻車。大家千祈唔好睇小呢啲電子系統，除咗可以大大增強電單車於高速時的操控性能及行車穩定性，亦增加唔少騎駕時的操控樂趣，連駕駛技巧唔算熟練的鐵騎士都可以安心駕馭呢部超跑。跟普通 Factory版相差約五萬元的車價，相信唔少車主都寧願選擇呢部罕有冠軍車。
放大圖片 
■底部啡軨充滿意大利色彩，上面記載封王事迹。
放大圖片 
■錶板設計不變，但多了好多電子系統設定顯示。
放大圖片 
■三燈車頭設計夠誇張，令辣跑搶鏡更易。
放大圖片 
■ Ohlins懸掛、 Brembo制動等配備都係跟落場用一樣。
放大圖片 
■後座燕子尾的位置有車手 Biaggi的大名。
放大圖片 
■碳纖冚配合加粗的後車胎，型格有霸氣。
aprilia RSV4 Factory aPRC規格
引擎： 999.6cc四衝水冷 65度 V形 4缸馬力： 180hp/12,500rpm扭力： 11.72kg-m/10,000rpm傳動：卡式波箱、濕式六速鏈傳動售價：$278,000查詢： 2385 0181http://www.aprilia.com.hk 
■充滿冠軍相的 RSV4 Factory aPRC全球限量發售 350部，想擁有都要快人一步。
留言列表
