近日小小超李澤楷旗下 now寬頻電視遊戲節目《撳錢》掀起熱潮，無綫方面不敢怠慢，準備推出《華麗明星賽》和魔術比賽兩個全新遊戲節目迎戰。不過無綫今趟未有效法 now大灑金錢，反而找來從未做過 game騷主持的草蜢孭飛，放棄昔日污糟邋遢遊戲模式，廣邀藝人鬥靚鬥品味，將草蜢打造成華麗版「獎門人」。
無綫與 now寬頻電視一個免費一個收費，市場上雖然並非競爭對手，但對於近日 now的派錢遊戲節目《撳錢》，無綫未敢掉以輕心。
放大圖片 
now的《撳錢》因為大灑金錢而掀起熱話。
放大圖片 
馬啟仁（右）日前向得獎者頒贈 10萬元支票。
齊鬥靚鬥高貴 放大圖片 
由曾志偉主持的《獎門人》不時被批評玩法核突又三級。資料圖片
據悉，無綫將於本月底和下月推出兩個全新遊戲節目，分別為《華麗明星賽》（暫名）和全港魔術公開賽，雖然無綫未有計劃像 now大灑金錢在遊戲節目送過億獎金，但會以新鮮作招徠，包括力邀入行 25年、從未做過 game騷主持的草蜢（蔡一智、蔡一傑和蘇志威）擔任《華麗明星賽》主持，及首次舉行魔術比賽，將草蜢打造成華麗版「獎門人」和發掘港版大衞高柏飛（ David Copperfield），希望一新觀眾耳目。《華麗明星賽》將於本月 27日晚 9時翡翠台首播，每集猶如《獎門人》邀請多位藝人與現場觀眾玩遊戲，但就有別昔日瘋狂及污糟邋遢模式，改為鬥靚鬥高貴鬥品味。記者前日致電《華麗明星賽》監製陳旭亮了解時，他說：「個 game分幾部份，例如要藝人試酒估吓酒係乜嘢年份，又會考吓藝人嘅儀態等等。不過嚟緊我哋仲要同草蜢試 game，所以好多細節未落實。今次係草蜢第一次做 game騷主持，希望畀到觀眾新鮮感。」
招募魔術高手
至於魔術比賽節目將於月底公開招募全港觀眾參加，暫定 15集，下月推出，形式如《超級巨聲》般，參賽者將經過淘汰賽後再晉身決賽，由專業魔術師擔任評判，勝出的港版大衞高柏飛除獲獎金獎品外，更有機會簽約無綫晉身娛圈。採訪：林妃 
草蜢成員（左起）蔡一傑、蔡一智和蘇志威本月底將首度為無綫做 game騷主持一償心願。
資料圖片
留言列表
