蔡卓妍（阿 Sa）噚日喺旺角一個商場搞簽名會，同男友陳偉霆（ William）去完泰國度假嘅佢全程笑笑口，似乎玩得好開心。阿 Sa話：「去完泰國又去咗日本幾日做嘢，之後自己又留多幾日，好似一次過放兩次假咁。」之後阿 Sa又話喺泰國兩個人互影泳裝照：「個海灘真係好靚，咁得兩個人，唔係佢影我就我影佢 o架啦。」不過一問到海灘靚定係男友個大隻 body靚，佢就即刻甜笑話：「都幾靚。」但係就唔肯講男友有冇讚自己，仲話如果讚自己身材好就太假喇，因為連自己都會質疑喎。講到有相士預言佢兩個今年之內會分手，阿 Sa就話：「命運就掌握喺自己手上，會信自己多啲。」
放大圖片 
William同阿 Sa去泰國避年，互影泳裝照之餘阿 Sa仲讚佢 body正。
放大圖片 
阿 Sa日前喺微博貼泳裝相，話畀人知佢放緊假。
祝福鄭中基 放大圖片 
阿 Sa餵玩遊戲贏出嘅 fans食糖，唔知喺泰國有冇餵 William？
至於前夫鄭中基同新女友余思敏公開戀情，阿 Sa就話希望大家都一樣幸福快樂咁話。今日就係情人節，阿 Sa話準備好一份好有心思嘅禮物畀 William，但係點都唔講係乜嘢，又話今晚係公司春茗，所以未必會有乜嘢慶祝活動喎。 
阿 Sa噚日心情靚爆，喺旺角出席活動同 fans合照仲做心形手勢。
全站熱搜
留言列表
