日本地震新聞日日播,睇得多以為末日就到,心情鬱悶。於是上周末趁 3.19 Super Moon來到淺水灣,眼見沙灘上惡鬥連連!放心,唔係月亮作怪,而是一連兩天舉行的香港首屆沙灘五人欖球賽。雖然天陰、有雨,遇見比堅尼正妹好夢成空,惟有直擊參賽者埋身肉搏攬欖止癮吧!記者:蔡俊業攝影:梁細權、林栢鈞


其他副刊影片 天有不測風雲 放大圖片
■ Alex說明年必會再搞「沙攤五人欖球賽」。

■ Alex說明年必會再搞「沙攤五人欖球賽」。

陽光與海灘,從來一不離二,豈料採訪「香港沙灘五人欖球賽」( Hong Kong Beach Fives)前幾天冷鋒來襲,氣溫驟降不特止,還要天陰有雨,搞到我勁驚比賽當日「落狗屎」。雖然最終沒有雨,但依然低溫,寒風下,青春少艾們又怎會穿比堅尼?事實上,就連負責籌辦今次賽事的 TCOB總監 Alex Brazendale亦慨嘆天有不測風雲,「天氣真係無人控制到,今朝(周六)早仲有落雨,但打 Rugby其實係講氣氛,所以無論天晴定係天陰都係現場氣氛要緊。」曾到過大球場睇 Sevens,如果要比氣氛,淺水灣這邊當然無得比:人家一邊聽勁歌一邊跳舞,觀眾奇裝異服扮鬼扮馬,甚至闖破防線落場(裸)跑,平台上酒杯碰酒杯,觀眾席則膊頭碰膊頭玩人浪,完場更會放煙花;相反今次大會原意將淺水灣變成嘉年華,有啤酒飲,有攤位玩,又有小欖球及吹氣棒等紀念品送,連大喇叭都在播 Bruno Mars和 Justin Bieber的歌,營造氣氛的條件有了,但冷風一吹,感覺仍大打折扣。計我話如果在炎夏舉行,效果可能更 High!可是 Alex說揀三月,主要因為配合另外兩個大型比賽。

五欖十欖再七欖

欖球迷應知道,這星期香港 Rugby界最為忙碌、熱鬧,事關短短九日內三個大型欖球比賽連番登場,包括周三及周四( 23/3及 24/3)在跑馬地舉行的「香港十人欖球賽」( Hong Kong Tens);緊接就是周五( 25/3)於大球場揭幕,撲飛難過買 iPad 2的「香港國際七人欖球賽」( Hong Kong Sevens);而三賽之頭炮就是「沙灘五欖」。個人經驗,「十欖」、「七欖」見得多,就連「小童欖球賽」都去過,奇就奇在未聽過有「五欖」,還要踩泥沙,是否屬香港獨家的全新 Crossover?當然不。其實沙灘欖球在歐洲歷史不短,源自意大利東北的 Forum Iulii Rugby Club於 2001年始創「 International Beach Rugby Cup」;英國「 Beach Rugby Wales」今年亦來到第六屆;連鄰近的新加坡及台灣早有沙灘欖球隊。來港十年,生於新西蘭的 Semi Lafeta是欖球迷,去年開設視頻網站 RugbyAsia Channel,專門報道本地欖球新聞,他指近年欖球在港日趨普及,「如果真係要推廣 Rugby,首先就要話畀大眾知道佢嘅有趣一面,令到大眾享受同朋友睇比賽嘅時刻!」與 Alex共事、將於周五代表香港出戰 Sevens的基夫( Keith Robertson)則認為,國際七欖和沙灘欖球比賽,形式和目標上分別頗大,「前者是讓世界各地派出最強球手去爭奪獎項,相反在沙灘上打欖球感覺就較為隨意。同埋今次呢個比賽,市民可以免費入場,相對國際七人欖球賽要畀錢買飛,我覺得今次比賽更加能夠畀市民知道咩嘢係欖球,對於推廣呢項運動絕對係好事!」

放大圖片
■ Semi說近年欖球文化在港越見普及。

■ Semi說近年欖球文化在港越見普及。

放大圖片
■基夫:「喺沙灘打波其實比喺草地打更辛苦!」

■基夫:「喺沙灘打波其實比喺草地打更辛苦!」

放大圖片
■阿 Jack:「間唔中有睇澳紐嗰邊嘅人打 Rugby,身邊唔係好多朋友講,我覺得呢類活動可以令到多啲人認識欖球!」

■阿 Jack:「間唔中有睇澳紐嗰邊嘅人打 Rugby,身邊唔係好多朋友講,我覺得呢類活動可以令到多啲人認識欖球!」

放大圖片
■ Crystal:「打 Rugby喺香港唔算 common,就算係 HK Sevens都唔係好多人知。我都係咁啱有朋友打先接觸到,今次係免費參與,都有宣傳作用!」

■ Crystal:「打 Rugby喺香港唔算 common,就算係 HK Sevens都唔係好多人知。我都係咁啱有朋友打先接觸到,今次係免費參與,都有宣傳作用!」

 

期待明年風光無限 放大圖片
■ Macy(紅圈者)和隊友並非因為打波所以咁開心,而係嚟到現場免費派發的《 2011香港欖球月曆》。

■ Macy(紅圈者)和隊友並非因為打波所以咁開心,而係嚟到現場免費派發的《 2011香港欖球月曆》。

話雖如此,推廣繫於宣傳,就算宣傳也未必能夠立即見到成效。今次有份組隊,以「 Taice」隊名參加女子組的 Macy,大約四年前因朋友介紹而開始接觸欖球,她說直到現在依然有很多人對欖球一知半解,「一聽見打 Rugby就覺得好恐怖、好痛,『我咁斯文唔會玩啦!』咁樣,但其實欖球都可以好斯文嘅!」而 Macy當年正是因其好友阿 Wing介紹而加入打欖球行列,她認為近幾年香港欖總加強了宣傳,又在中學招攬年輕人,港人對欖球認識已比以前好得多,只是她認為今次宣傳明顯不足。旁邊的 Macy點頭認同,「如果我唔係 Like咗 Air Asia的 facebook,都唔知有今次活動,平時都唔係好見到有廣告宣傳。」畢竟都是第一次舉辦,作為籌辦單位, Alex直言宣傳力度往往和贊助費有關,「當你去搞一個 Tournament,有越大筆預算就能夠做到越多嘢。當然今次係第一次搞,所以總有好多改善空間。」他說明年會堅持續辦「沙灘五欖」,我就希望,明年今日,陽光再現,欖球場四周,比堅尼妹風光無限。

Beach Fives直擊 放大圖片
■基夫在比賽前夕分球衣,勁 Colourful!

■基夫在比賽前夕分球衣,勁 Colourful!

放大圖片
■埋身肉搏搶分,五人攬埋一嚿!

■埋身肉搏搶分,五人攬埋一嚿!

放大圖片
■欖球作為其中一項最激烈的運動,難免出現拉衫這類碰撞。

■欖球作為其中一項最激烈的運動,難免出現拉衫這類碰撞。

放大圖片
■真係打到瞓低食晒泥!

■真係打到瞓低食晒泥!

放大圖片
■披頭散髮,遠望以為見鬼,原來是參賽者為免受傷而戴牙膠。

■披頭散髮,遠望以為見鬼,原來是參賽者為免受傷而戴牙膠。

放大圖片
■場內落力打,場外睇得勁肉緊。

■場內落力打,場外睇得勁肉緊。

 

沙灘嘉年華 放大圖片
■比賽首天雖然有雨,但仍然吸引不少市民到場參觀。

■比賽首天雖然有雨,但仍然吸引不少市民到場參觀。

放大圖片
■遊戲攤位有騎牛牛和氣墊樂園,小朋友玩到癲晒!

■遊戲攤位有騎牛牛和氣墊樂園,小朋友玩到癲晒!

放大圖片

 

放大圖片
■啤酒+靚女,呢種場合當然唔少得!

■啤酒+靚女,呢種場合當然唔少得!

放大圖片

 

放大圖片
■現場有為小朋友提供化裝扮鬼扮馬!

■現場有為小朋友提供化裝扮鬼扮馬!

放大圖片
■老虎仔起飛腳,勁可愛!

■老虎仔起飛腳,勁可愛!

放大圖片
■場外可以跟爸爸打波。

■場外可以跟爸爸打波。

放大圖片
■全場最吸引是這個搞鬼影相攤位,影 7秒短片就有 80頁的 Pic Filp,免費!

■全場最吸引是這個搞鬼影相攤位,影 7秒短片就有 80頁的 Pic Filp,免費!

 

Tackle連環拍

Tackle是其中一種打欖球技巧,當球員遭敵方碰撞時跌倒,球員必須立即放低欖球,讓其他人去搶。

放大圖片

 

放大圖片

 

放大圖片

 

放大圖片

 

 

國際七欖 vs沙灘五欖

到底沙灘打欖球與草地賽相比有何分別呢?基夫介紹說:「喺沙灘上面好難企得穩,跑就更加難,所以比喺草地上面打體力消耗更大。所以打沙欖比賽時間較短,而且比賽場地亦都較細。」大會資料顯示,淺水灣的場地面積為 30米× 20米,約為國際七欖場地的一半面積(七欖在大球場打,面積相等於草地足球場)。在大球場跑到索氣,在沙地上走也不見得易捱,很多球員比賽完畢後,都攰到在廣告板旁躺下休息。

放大圖片
■打草地要穿釘鞋,在沙灘則必須赤腳。

■打草地要穿釘鞋,在沙灘則必須赤腳。

放大圖片

 

 




■等看比堅尼蕩漾沙灘的好夢落空了,不要緊,看這班女球員於泥沙上追逐,比看三點式更肉緊。

arrow
arrow
    全站熱搜

    stacylife 發表在 痞客邦 留言(0) 人氣()