現年 35歲嘅黃浩然原來喺上星期二（ 22日）榮升做爸爸，佢老婆莫家嘉喺山頂一間醫院開刀分娩，誕下重 7磅 3嘅囝囝，英文名叫 Kayden。

放大圖片
剛出世嘅 Kayden非常可愛，表情多多。

剛出世嘅 Kayden非常可愛，表情多多。

放大圖片

 

放大圖片

 

放大圖片

 

入產房差啲喊

噚日浩然發相畀傳媒，相中見 Kayden生得好似浩然，仲眼仔睩睩，表情多多。首次做爸爸嘅浩然當然興奮，佢話生仔生女都冇所謂，最緊要母子平安。其實浩然忙緊拍李添勝新劇，所以請咗幾日假陪老婆生仔，佢話要多謝添哥體諒佢喎。浩然話有陪老婆入產房，仲差啲喊出嚟，佢話好感動太太為佢捱咗一刀，畢生難忘。浩然老婆住咗院幾日，好友陳小春同應采兒都有去探 BB。問浩然覺得囝囝似邊個？佢話：「係混合體，我覺得個鼻似我，嘴就似太太。」浩然話家已經開工拍劇，但因為要同老婆輪住照顧 BB，佢已經兩日兩夜冇瞓，佢話自己仲好生手，所以都幾辛苦，佢又話知道好多傳媒關心佢，但因為太忙同想安頓好先報喜，所以冇逐一回覆，想同大家講聲唔好意思。


黃浩然同太太、囝囝影張全家福，認真幸福。

黃浩然 一索得 7磅 B仔 兩日 冇瞓

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄