昨日剛剛落幕的香港國際七人欖球賽（欖七），五千張門票一粒鐘沽清。能一票在手踩入大球場的固然型爆，但有一班後生仔女做啤酒妹賣場刊執波仔，能夠賺外快之餘，仲可以慳番千幾蚊一張的門票！記者：蔡俊業攝影：梁細權


其他副刊影片 一日賺兩千 放大圖片
■從事文職的 Gobe在 Sevens場內做 Beer Girl賺外快，「呢度可以同客人互動，做文職只係對住電腦。」

■從事文職的 Gobe在 Sevens場內做 Beer Girl賺外快，「呢度可以同客人互動，做文職只係對住電腦。」

場內啤妹人多勢眾，青春滿分，走幾步隔幾秒便能碰上。驟眼看她們有如舊式廣東茶樓的點心姐姐，兩邊膊頭揹起托架直接叫賣，只是點心換成一 Jug啤酒，紮辮的 Gobe便是其中一位。她本身從事跟單文員，閒時收工後都會賣啤酒賺外快，「平時返兼職，如果返得足，一個月可以搵到萬幾蚊，喺呢度每日做六至八個鐘，一日可以賺到千幾二千蚊，而且難度只係一買同一賣嘅 difference！我哋 basic都有錢，時薪好似係$50！」條數係咁計：她和其他 Beer Girls以$180向啤酒公司購買一 Jug啤酒，然後以$190的價錢轉售街客，每賣出一 Jug，即袋$10。入過場的人都知道，外國人飲啤酒如飲水，喪買喪飲下啤酒銷情自然好。

辛苦但好賺 放大圖片
■ Stephanie經職業中介應徵為嘉士伯 Beer Girls。

■ Stephanie經職業中介應徵為嘉士伯 Beer Girls。

另一位啤妹 Stephanie說，由周五下午兩點到受訪的六點為止，四小時已售出 40 Jug啤酒，成功淨袋$400大元，平均計時薪$100，為最低工資的三倍有多。但 Stephanie直言介意「啤酒妹」三個字，影相亦只肯見頭不能見啤酒。 Gobe說這份工好賺是好賺，但多與少還得看彩數，有時客人幫襯旁邊另一位而不幫襯自己，惟有勤力多走幾轉，揹起托架在球場內左穿右插，上落樓梯，「有時行到上去觀眾席都未必有人幫你買，六至八個鐘係咁行，揹得越耐就越攰，收工後真係攰好似到俾人打完咁。捱完三日之後，通常我哋呢班女仔都會去揼骨鬆一鬆！」

放大圖片
■外國人鍾意邊睇 Rugby邊將啤酒當水飲， Beer Girls生意自然好。

■外國人鍾意邊睇 Rugby邊將啤酒當水飲， Beer Girls生意自然好。

放大圖片
■近年 Rugby西洋味漸淡，越來越多香港人到場飲酒睇波過 Happy weekend！

■近年 Rugby西洋味漸淡，越來越多香港人到場飲酒睇波過 Happy weekend！

 

義工學英文 放大圖片
■ IVE王同學（左）及吳同學均說做 Sevens義工大開眼界。

■ IVE王同學（左）及吳同學均說做 Sevens義工大開眼界。

有人不怕捱苦為賺錢，亦有學生來到大球場當義工增長見聞。人群中，除了一班綠衣 Beer Girls之外，不難發現另一班身穿大會官方深藍色 Tee的義工團隊。在大門入口右邊的場刊售賣處，便有四位義工一邊高舉場刊，一邊哼唱「 Official Programme」叫賣，他們都是來自 IVE的學生。 Kelvin是唯一男生，他說來到 Sevens現場做義工是學校實習的一部份，所有同學必須參加，再經大會分派到不同崗位，「我同幾位同學就喺度負責賣場刊，有部份就會去做 media嘅工作。」他說這次機會能夠讓他見識 Sevens的現場氣氛，「原來班球迷真係好熱情，見到佢哋有時真係會興奮到除衫，又會悉心打扮，真實過喺電視機面前睇！」但更大得着其實是與外國人打牙骱，「就算香港係國際都會，自己平時都唔會點樣講英文，而睇呢項運動始終係外國人居多，所以講英文係做義工短期內嘅最大得着！」同為 IVE學生，主修康體文娛業務（ Leisure Studies）的王同學及吳同學就經大會分派到入口中央舉牌叫賣場刊，王同學直言這裏靚女多外國人更多，「呢度真係一個增強英文嘅好地方。」旁邊的吳同學便指除了提升英文水平外，也為自己修讀的科目來一次真實參考，「可以學到一個國際盛事係點樣搞，點樣做人手安排。而我自己都覺得好大開眼界，因為都係第一次參加咁多人嘅活動，氣氛好好，下年有機會一定再嚟睇！」

放大圖片
■ Kelvin（右一）和三位同學在場刊銷售處高唱「 Official Programme~~~！」

■ Kelvin（右一）和三位同學在場刊銷售處高唱「 Official Programme~~~！」

放大圖片
■樹仁大學英文系 Alice（左二）曾在東亞運接待韓國隊隊長 Jun-ki，竟在 Sevens再遇。

■樹仁大學英文系 Alice（左二）曾在東亞運接待韓國隊隊長 Jun-ki，竟在 Sevens再遇。

 

教你執波仔 放大圖片
■執波仔成員要欖總千挑萬選才有資格落場。

■執波仔成員要欖總千挑萬選才有資格落場。

HK Sevens作為全球最大型的七人欖球賽（最多參賽隊伍、最高獎金及最多得分），能夠有份參與統籌及支援的經驗非常難得。大會資料指出今年 Sevens共有 380位義工，另外還有 32位 Ball Boys負責執波仔。不過原來所有義工都不設公開招募，而是從城大、教院、 IVE及白英奇等七家院校的酒店管理及康體文娛業務學科招來的大專生，還有部份是有參加公開試體育科的中學學生方可以委派成為 Sevens義工。至於 32位 Ball Boys事前需要參加香港欖球總會為期一年的培訓課程，經挑選後再接受另一輪培訓，包括學習球例及比賽流程等，方能夠在大球場上執欖波，而且年齡必須介乎 12至 16歲。家長們想讓小朋友參與，不妨致電欖總查詢。（電話： 2504 8311）

扮嘢黨出動！ 放大圖片
■孖寶兄弟呀！男女男一個「嬲」字？

■孖寶兄弟呀！男女男一個「嬲」字？

放大圖片
■英國人 Tom在中環買戰衣，以粉紅兔兔現身。

■英國人 Tom在中環買戰衣，以粉紅兔兔現身。

放大圖片
■裸體圍裙上身，低成本出位。

■裸體圍裙上身，低成本出位。

放大圖片
■比卡超同史迪仔都可以做 friend！

■比卡超同史迪仔都可以做 friend！

放大圖片
■照睇樣，應該是墨西哥擁躉！

■照睇樣，應該是墨西哥擁躉！

放大圖片
■新聞是化妝的靈感來源，有人食住個勢抗輻射！

■新聞是化妝的靈感來源，有人食住個勢抗輻射！

放大圖片
■ Body painting全身要$600。

■ Body painting全身要$600。

 

Sevens Snap! 放大圖片
■正門入口多了一幅大漫畫，點中球迷神經，惜未能成為景點。

■正門入口多了一幅大漫畫，點中球迷神經，惜未能成為景點。

放大圖片
■球場外圍勁多豆釘等攞簽名，二撇雞（右二）猛叫：「 Argentina！」

■球場外圍勁多豆釘等攞簽名，二撇雞（右二）猛叫：「 Argentina！」

放大圖片
■港隊打完比賽立即要離開，簽名時間無多，有機會簽到的女 Fans自然四萬咁口！

■港隊打完比賽立即要離開，簽名時間無多，有機會簽到的女 Fans自然四萬咁口！

 

後記賺了個 Kiss 放大圖片

 

Sevens一票難求，今勻記者憑採訪證「免費」入場，定必恨死親朋戚友！但實情根本一點也不筍，我與攝影師由進場開始便圍住大球場上上落落，又影相又拍短片，真係一場波都無睇過，慘！幸而，還是可以用耳朵感受現場超熱烈氣氛，可惜首天賽事場內居然沒有人發起玩人浪?!最後任務總算完成，突然有位西洋美少女叫我幫佢影相，做完好心我都攞咗部 iPhone出嚟同佢合照，點知佢居然作狀錫埋嚟，仲要錫了幾次。朋友笑道：「你賺到啦！」哦，原來入場人士好多都係醉翁之意。


■ Sevens門票有價有市

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄