小明呢輪好唔得閒,早排啱啱喺廣州落返嚟拜年,家陣又要坐直通車上東莞。講緊乜?之唔係兒歌天王李家仁又有新歌派網囉!新歌《小明去東莞》由主唱李家仁、曲詞嘅韋然,同埋編曲嘅何沛澄鐵三角炮製,愚人節前噏撈埋個 MV上網,咄一聲就累積咗 15萬點擊,認真犀飛利。

放大圖片
李家仁有新歌出籠,梗係要整多件 T恤&#22175;拍 MV啦!<br/>互聯網圖片

李家仁有新歌出籠,梗係要整多件 T恤嚟拍 MV啦!互聯網圖片

放大圖片

 

rap內地潮語

呢首《小明去東莞》都咪話唔給力 o架,東莞嘅景點、美食好似燒鵝瀨、棗腸就梗係唔少得,最抵死就連歷史人物袁崇煥、林則徐都搬埋出嚟,又 rap埋內地潮語「 undinable」、「裸退」,問你服未。之前李家仁首《小明上廣州》俾網民惡搞咗首尋歡版騎劫,今次上東莞,唔知擔唔擔心又俾人重施故技?李家仁噚日喺電話度話:「唔使怕嘅,任何意見係可以發表。」有冇攞批文拍嘢先?李家仁話:「唔需要喎,因為我係東莞政協吖嘛,已經打咗電話畀政協辦公室,佢有人跟埋我去拍,大家鄉里咋嘛!」李家仁個勢咁紅,唔知有冇諗住同林峯爭亞太區香港最受歡迎男歌星?佢好搞笑咁嘆咗一聲:「唉!我邊度有得爭吖?我呢啲係業餘歌手咋,有乜嘢好爭啫?」不過李家仁提番早排英皇搞春茗,佢上台唱歌嗰陣,林峯都係座上客。網友好關心小明下一站去邊,連李家仁都未知:「未得閒諗呀,啱啱上完東莞又要我諗?等我消化吓先啦!」不過佢自爆又有首新歌聽日( 6日)喺《都市閒情》播出喎,唔知係咪小明返屋企?


李家仁係東莞政協,打個電話畀政協辦公室,就可以去拍嘢。

15萬 網民 跟 小明去東莞 李家仁

arrow
arrow
    全站熱搜

    stacylife 發表在 痞客邦 留言(0) 人氣()