清明時節最好講紙紮。可惜我國喪葬傳統，周邊氣氛竟比死亡嚇人，見到紙紮公仔似笑非笑的紅紙臉，真係死嗰個都唔想收。禮制難改，不如在細節革新，來自寶島的新派精緻祭品，有音響有單反更有型爆大宅，經火燄直送天國， hip得來又窩心。記者：蔡俊業攝影：陳盛臣、王文忠

寶島紙紮夠精緻 放大圖片
■紐約風摩登精品小豪宅$10,500（ a）

■紐約風摩登精品小豪宅$10,500（ a）

到底紙紮祭品可以點潮？我必須到紅磡走一轉，來個天國版《更上一層樓》。走進 skea陳列室，四周都是紙紮製品示範單位，但橫睇掂睇，都不是殯儀館或港產鬼片內見慣見熟的鮮紅鮮綠花喱碌廣東大宅，而是設計時尚前衞的歐陸別墅。而且每幢都有尊貴名字，像右方這間叫「紐約風摩登精品小豪宅」，咦，我未去過 NYC喎，就揀這間！門前有大片草地，右邊有凉亭；單位樓高兩層，四處都是落地玻璃，無屏風樓擋住，非常開揚；推開摺叠式玻璃趟門就是客廳，再行前一點就是飯廳，連餐具都準備好了，厲害。睡房呢？一樣景致絕佳，但稍嫌張床不夠長，畢竟我都是個六呎高的小伙子呀，而且男人之家就毋須梳妝枱啦，改做書枱更實際！

放大圖片

 

放大圖片

 

放大圖片

 

放大圖片

 

 

想得出做得到

身旁的推銷主任阿 Tim聽罷便說不用擔心，因為這裏甚麼都可以改，只管開聲。譬如放在枱上的食物，「有客人 send過啲食物畀我哋，要牛腩飯、雲吞麪、連一嚿嚿嘅榴槤都有，我哋都可以做到好精細。」還可以按照先人的性別來調節裝修風格，如果是女性的話就會改用粉紅等顏色，亦可以擺放他們生前最喜歡的照片。以這間「紐約」為例，標價$10,500，就算最貴的「和築典藏風呂兩層豪宅」，開價不過四萬元多點，相比凡間要花七萬銀才買到一呎，認真平到笑！可是 Tim承認，現時在香港陳列的紙紮大宅一間也未售出。「確係價錢問題，因為相比傳統紙紮屋相差十幾二十倍價錢。」 Tim話現時最受歡迎是 notebook，其餘有 sPhone、 sPad、 DC仔及名牌手袋，顧客主要是 20至 35歲的後生一輩。消費模式呢？「佢哋嚟到點都會買部 sPhone或者 sPad等電子產品，平均消費大約$1,000。」（四月內購買現貨可享七折）

放大圖片
■經速遞運港後直接送貨到殯儀館，開盒一刻見到間屋咁靚真係會「嘩」一聲！

■經速遞運港後直接送貨到殯儀館，開盒一刻見到間屋咁靚真係會「嘩」一聲！

放大圖片
■ Tim說蘋果未出白色 iPad時，他們已有白色版。$330（ a）

■ Tim說蘋果未出白色 iPad時，他們已有白色版。$330（ a）

放大圖片
■翡翠首飾五件禮盒裝$1,575（ a）

■翡翠首飾五件禮盒裝$1,575（ a）

放大圖片
■時尚服飾禮盒 26cm裝$650/36cm裝$750-$1,000（ a）

■時尚服飾禮盒 26cm裝$650/36cm裝$750-$1,000（ a）

放大圖片
■護膚系列配有粉底及眼影。$1,312（ a）

■護膚系列配有粉底及眼影。$1,312（ a）

放大圖片
■頂級家庭劇院套裝，背後設有音源輸出插槽。$2,360（ a）

■頂級家庭劇院套裝，背後設有音源輸出插槽。$2,360（ a）

 

a.「香港生命」陳列室（ 2781 2781/5307 1848）紅磡蕪湖街 69A南安商業大廈 6/F

高清手指都做 放大圖片
■歐陽秉志落手設計整單反， 2-3日起貨。

■歐陽秉志落手設計整單反， 2-3日起貨。

別以為只有台灣才有新派紙紮品，香港也有特區代表，就是紅爆紙紮界的設計師歐陽秉志。阿志話有些客人清明前一個月已經落定，「早幾日先嚟訂嘅好少，就算有都整唔切！」客人要求千奇百怪，他坦言沒有想過有些柯打會出現，「有人叫我做嗰啲咩高清手指（高清接收天線），我都唔知係咩嚟嘅，所以一定要佢哋畀幅圖我，正面、側面都要畀，之前未整過所以都幾難。亦都有人叫我整高踭鞋同埋毛毛 boots，啲毛毛真係用紙剪出嚟！」始終是手作仔，非常花工夫，所以收費一點也不便宜，像細細一對高踭鞋收費逾$400，高清手指也要$550，最貴的試過整電子結他和打鼓機，售價過$2,000，比台灣的 skea有過之而無不及。

放大圖片
■毛毛靴或高踭鞋約$400（ b）

■毛毛靴或高踭鞋約$400（ b）

放大圖片
■ iPad連 case是國產貨。$25（ b）

■ iPad連 case是國產貨。$25（ b）

 

b.寶華扎作（ 2776 9171）深水埗福榮街 2C


■誰說紙紮品一定老套、陰森？望着這堆 hip house圍住阿 Tim，堅係想買番間，送畀自己（或叫朋友送）作身後居所也不錯。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄