流產後遺芝保胎玩謝霆鋒

苦追兩年，張芝終於有喜，雖則經歷兩次流產，但芝顯然未驚過，懶理豬流感肆虐，多次高調出巡，睇到大家一額汗！

眼見新抱唔錫身，拉姑唯有親自出馬，炮製每服價值近萬元的秘傳安胎藥讓芝補身，加上工人、醫生等開支，平均每月保胎費高達20萬；謝霆鋒不僅荷包重創，最大鑊係老婆受流產後遺困擾，日夜苦纏，霆鋒日頭開工、夜晚慰妻，每日睡得幾個鐘，仲慘過自己生。

上週芝在3名工人、助手貼身保護下帶Lucas遊街，懷孕4個月的芝身形大急脹，最少肥了15磅，下圍更升呢變「巨躉」。

自10月霆鋒親證老婆有喜後，傳足多時的Lucas細佬妹終於變成事實，雖然期間有指芝懷孖胎，但遭霆鋒否認，並講明要到下個禮拜才知胎兒性別。


流胎高危

皆大歡喜之際，上月查小欣卻玩反高潮，踢爆之前芝曾兩次不幸小產，惹來各界嘩然。據知，第一次發生於去年慾照風波期間，因情緒不穩出事，第二次則是今年初段，不小心所致，當時本刊收到消息指，芝因流孕心情低落，霆鋒一擲近3百萬買林寶堅尼安慰愛妻。

幸而短短幾個月後，芝又再中獎，由於之前經歷兩次不幸，今次不容有失，據家庭醫生關嘉美解釋：「小產兩次都可以勉強接受，但去到連續3次或以上，就會減低懷孕機會。」

三人服侍

為免再生意外，有傳拉姑曾下達禁足令，不准新抱外出，「拉姑知芝大頭蝦，俾佢周圍去隨時有麻煩，所以要佢日日坐屋企，但坐到3個月度，芝終於頂唔順話要出去吸新鮮空氣。」知情人稱。

狂推Lucas 一落車，芝即從後狂推Lucas行快，心情顯得極為煩躁。

殘樣曝光雖然有重粉遮住熊貓眼，但在拍《線人》時，霆鋒企度都得，勁誇張。

觸傷舊患霆鋒拍戲一向唔錫身，搞到身體五癆七傷，之前拍一場被毆戲時，就有傳令舊患復發。

娛樂八掛大放送★ 為食譜識飲識食街★ 任逍遙旅行萬里路 ★
科技電玩一線通 ★ 寵物地帶 ★ 潮流男女打扮★ 健康之道★ 財經投資★ 五行玄學八卦風水★ 娛樂猛片放送站★ 伴我奔馳 賽馬貼士 提供★
明星靚相大分享(4月刊)★ 明星靚相大分享(5月刊)★ 明星靚相大分享(6月刊)★ 明星靚相大分享(7月刊)★明星靚相大分享(8月刊)★ 明星靚相大分享(9月刊)★ 明星靚相大分享(10月刊)★ 明星靚相大分享(11月刊)★ 明星靚相大分享(12月刊)★ 週刊 及 雜誌(4-11月刊)☆ 週刊 及 雜誌(10-12月刊)☆


 

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄