close
陳法拉、諸葛梓岐呢對「妯娌」一向唔啱嘴形，諸葛公主雖然婚期一改再改，但早前傍實「奶奶」出席「國際創價學會」嘅佛教活動，地位未變；至於法拉則有「老爺」錫，獲賜御用專車加司機管接送。得寵嘅法拉，連早前同大少傳緋聞嘅Hotcha Regen都成功踢走，搞到情敵要搬返東涌居屋。
薛家「大少奶」地位穩如泰山，大獲全勝，難怪呢輪心情勁靚，平日見到記者例必黑面嘅佢，日前為首套孭正嘅新劇《潛行狙擊》開工，雖然曬足全日、又整損手流血，但佢竟然一反常態，大打親民牌，任影唔嬲，有問必答，東姑真係第一次見。
攀石場高達十米，陳法拉拍攝時都步步為營。
法拉一完shot，即跟男友傳短訊，check到實。
首套劇坐正嘅陳法拉，當然搏到盡，攀石損手濕碎啫。
陳法拉出動私伙貼身運動衫，身材表露無遺。
出入有薛老爺座駕接送，地位升呢嘅佢，原來比「諸葛公主」更得薛家兩老歡心。
全站熱搜
留言列表
