近日因為莫少聰同孫興喺內地涉吸毒被捕，再次令人關注到藝人吸毒嘅問題，台灣藝人蕭淑慎之前因為吸毒而被判入獄一年七個月，仲要進行 148小時勞動服務，但法院判佢可以緩刑四年，希望佢可以改過自新。可惜蕭淑慎冇珍惜機會唔潔身自愛，竟然喺緩刑期間再次吸毒，警方驗出佢再次吸食安非他命三次。由於蕭淑慎喺緩刑期間再犯，當地法院下令佢噚日即時入獄服刑。警方話蕭淑慎要即時入獄服一年七個月嘅刑期，但如果佢喺獄中表現良好，服刑超過一半就可以假釋，所以估計最快約明年三月就可以出獄。
面容蒼白牙黃 放大圖片 
噚日蕭淑慎因再吸毒要即時收監，見佢面色蒼白，真係好嚇人。 台灣《蘋果日報》
身穿粉紅外套嘅蕭淑慎，面容蒼白兼有一棚啡啡黃黃嘅牙，真係同以前嘅靚女樣有天淵之別，可見毒品真係害人不淺。蕭淑慎原本下午兩點報到，但係佢直到五點先現身，佢解釋：「因為臨時接到檢方通知，又推不掉下午二時一場已安排好的公益活動，活動後已趕到地檢署報到。」
放大圖片 
蕭淑慎一直都以性感形象示人，可惜因吸毒而前途盡毀。 資料圖片
蕭淑慎嘅經理人聲稱佢心情好平靜，中午仲同媽媽提前食母親節大餐，其實佢如果能夠戒毒，相信先係送畀媽咪嘅最好母親節禮物。檢方確認蕭淑慎身份後，傍晚時分佢就同另一女被告一齊被扣上手銬，由法警押去囚車，佢行緊時仲儍笑，腳上露出個紋身，真係睇見都令人欷歔，之後佢就同其他犯人搭囚車去台北女子看守所服刑。 
蕭淑慎同另一位女犯人扣上手銬，露出腳上紋身，佢見到鏡頭仲不自覺咁儍笑。 台灣《蘋果日報》
吸毒案勞動服務 蕭淑慎陪老人打麻將
全站熱搜
留言列表
