無綫台慶劇《荃加福祿壽探案》，星期日（十月二日）吹雞喺將軍澳做宣傳，女主角汪阿姐因有工作在身無到，谷劇重任交由福祿壽負責。


宣傳離不開玩遊戲，福祿壽同陳茵媺、苟芸慧、官恩娜加埋Toby梁靖琪分成三組，組員要一齊穿過切口古怪嘅布景板，務求做到男女演員有身體接觸。同苟姑娘一組嘅王祖藍最守規矩，女孭男過，可惜苟姑娘發軟蹄冇力，唯有同王祖藍交換位置，總算順利過關。
之後輪到阮兆祥同陳茵媺，布景出口較易就，祥仔抱起「豪嫂」，就可以過關，不過當日陳茵媺著住迷你裙，一抱起就露底，Toby同江欣燕反應快，衝出去做遮擋。
最後一組由官恩娜、Toby加李思捷上陣，出名玩得嘅Toby，樹熊式擒住李思捷，蝕底都話之你，相比之下，官恩娜最錫身，即使只係搭住李思捷膊頭，都雙手護胸隔一隔，又係嘅，拍劇酬勞已經唔高，冇理由仲要「倒貼」。 ####


搞到陳茵媺走光都唔知，見到Toby江欣燕衝埋嚟，祥仔先知出事。斷估陳豪應該唔會搵你尋仇。




最好彩都係苟姑娘，同王祖藍一組，唔使蝕底又唔使走光，只係祖藍唔好彩，俾苟姑娘搞到中頭獎。



年底出嫁嘅Toby，扮樹熊夾實李思捷，官恩娜就以手護胸，滴水不漏！


一身高貴打扮嘅江欣燕，擺晒甫士坐樓梯影相，不過俾釘勾住條裙唔郁得，要工作人員救駕！

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄