明星靚相大分享☆

曾經公開講過，經常俾老婆鬧到冇聲出嘅台灣總統馬英九，上個禮拜雙十國慶，大家終於感受得到台灣第一夫人周美青御夫嘅霸氣。

話說當時兩公婆响台上睇緊表演，突然有位著住紅色高衩旗袍嘅女侍應，埋去彎低身問馬總統要唔要飲水。呢個時候，周美青用佢充滿醋意同怒火嘅眼神，「睥」完女侍應再「睥」老公。可能feel到有殺氣，原本見到靚女笑騎騎嘅馬總統，即刻收番晒笑容，擰轉面望一望太太。女斷正，馬英九為咗贖罪，遞杯水俾老婆飲等佢下一下火，點知周美青皺晒眉唔領情，仲怪老公點解地下有杯水，仲要問人攞。當眾俾老婆鬧，最慘係整個過程俾電視台拍低晒，馬英九家有惡妻，台灣女人溫柔柔呢句說話係時候要改寫。

旗袍女侍應一埋身，周美青已經唔歡喜，之後責怪老公地下有水仲要攞，馬英九後來遞水俾老婆贖罪，但周美青好決絕話：「我不要，我不喝！」其實現場收唔到音，不過國語睇嘴形都知講乜。 ####

2010年舊年同今年嘅雙十國慶，總統夫人周美青著住同一條裙現身，外界有唔同解讀，有人認為佢夠節儉，有人覺得佢唔尊重場合，點都好，起碼唔似扁嫂，貪埋成堆SOGO禮券。（台灣《蘋果日報》圖片）

怒睥

家訓

唔領情

馬英九講過，老婆先係一家之主，囡囡僅次其後，家中地位排第二，愛犬「馬小九」排第三，身為總統，馬英九只係排第四，名副其實做「阿四」，陰功！