:《那些年》收 5700萬衝擊港票房冠軍

九把刀執導嘅《那些年,我們一起追的女孩》,雖然喺金馬獎只憑柯震東贏到新人獎,但部戲喺香港票房繼續獨領風騷,截至前日累積票房約 5,741萬,如果計埋噚日票房,呢部戲應該會取代成龍《警察故事 4之簡單任務》嘅 5,752萬票房,成為香港歷年華語片票房榜第 3位,睇走勢仲分分鐘會過埋周星馳嘅《功夫》創下嘅 6,128萬票房,成為開埠以嚟最高票房華語片。同時,中影來年 1月會喺內地發行《那些年》,但屆時戲中打手槍等露骨戲將被刪剪。

放大圖片
《那些年》氣勢強勁,有望打破《功夫》(右圖)嘅票房紀錄。 劇照

《那些年》氣勢強勁,有望打破《功夫》(右圖)嘅票房紀錄。 劇照

放大圖片
劇照

劇照

栢芝 11日收 32萬

講開票房,張栢芝演嘅《楊門女將之軍令如山》喺香港上咗 11日,累積票房只有 32萬,但栢芝要收成千萬片酬,點同片商交代?票房同樣慘淡嘅有劉鎮偉部《東西成就 2011》,上咗 4日收 47萬。九把刀噚日嚟咗香港出席中文大學嘅座談會,個會堂可以容納 400人,結果反應熱烈,全場爆滿之餘,有啲學生要坐樓梯聽佢講嘢,佢一出現場,全場更起哄拍掌。另外,九把刀之前喺 blog話首次逛香港高登討論區,覺得好過癮:「好多字都看不懂,邊看邊猜,真的是津津有味。」不過高登仔就笑九把刀應該睇唔明「粗口」暗語,成日「 Hi前 Hi後」,仲以為香港人好有禮貌㖭!


柯震東憑《那些年》奪金馬最佳新演員獎,陳妍希同九把刀都戥佢開心。資料圖片

arrow
arrow
    全站熱搜

    stacylife 發表在 痞客邦 留言(0) 人氣()