iOS遙距拍片兼收音　攝聽 Phone魂 @ 明星靚相大分享☆

iOS遙距拍片兼收音　攝聽 Phone魂

用 iPhone玩遙控玩具絕唔係新鮮事，曾經勁 Hit嘅 AR.Drone直升機玩上天當然過癮，今次呢部「間諜坦克」落番地一樣震撼！霸氣外形兼備攝錄同收音，加上 WiFi控制範圍達 200呎，令 iPhone同 iPad變成好玩「攝聽 Phone魂」！記者：韓繼聰攝影：陳盛臣Model： Alice@ That's Model、傑仔@GME

其他副刊影片聲畫兼備　黑夜照影放大圖片
■車身體積唔小兼有啲斤両，都幾墜手。

■車身體積唔小兼有啲斤両，都幾墜手。

呢部坦克外形真係攞滿分，恍如一架上月球嘅探測車。除咗可以作基本的前後左右移動外，最大賣點就係可以監視兼偷聽。車頭設置的鏡頭可於行車時即時傳送影像至 iPhone。平時玩遙控車，多數用眼望住架車，但玩呢架「間諜坦克」就可以以第一身視點操控，即使車身離開視線範圍仍可控制自如，加上即時傳聲，感覺就好似坐在車中一樣。而更強嘅係鏡頭設夜視功能，喺較暗嘅環境一樣睇得清清楚楚，玩落更有軍事 Feel。實玩測試，影像傳送非常流暢清晰，更可拍攝硬照，相片即時存入 iPhone，雖然相片質素一般，但勝在好玩方便！美中不足之處係唔可以拍攝短片，亦未能遙控調校鏡頭角度，否則呢部「間諜坦克」的可玩度一定更大！另外，收音方面，雖少不免有些雜音，但聽人說話亦尚算清晰，用嚟偷聽八卦秘密都夠晒用。

放大圖片
■車身前方設有鏡頭，可惜未能以遙控控制角度，只可作手動調校。

■車身前方設有鏡頭，可惜未能以遙控控制角度，只可作手動調校。

放大圖片
■叫得坦克，當然要以履帶推動，型之餘，亦能應付更多障礙。

■叫得坦克，當然要以履帶推動，型之餘，亦能應付更多障礙。

放大圖片
■需以 6粒 2A電推動，幾大食㗎。

■需以 6粒 2A電推動，幾大食㗎。

放大圖片
■黑暗環境下開啟夜視功能，即可清楚睇到「監視目標」。

■黑暗環境下開啟夜視功能，即可清楚睇到「監視目標」。

WiFi接駁　 G Drive體感放大圖片
■控制器介面簡單易用，影像傳送亦相當流暢清晰。

■控制器介面簡單易用，影像傳送亦相當流暢清晰。

「間諜坦克」以 WiFi直接連接 iPhone，並不需要另加額外訊號發射器。只要利用 i系機，包括 iPod Touch、 iPhone或 iPad單撈專用 App，接上坦克的 WiFi網絡，即可控制，開始你嘅監視任務！由於 WiFi訊號比較強，喺無障礙下，最遠遙控距離可遠達 200呎，而即使有牆阻隔，亦可在 100呎範圍內控制。操控方面，兩邊前後掣，分別控制左右轆的前進和後退，利用不同組合即可做出前、後、左、右、自轉等動作。而佢嘅 G Drive功能就更簡單，以體感操控，同用軚盤揸車差不多，玩唔慣遙控嘅女生一樣可以操作自如。另一特別功能，就係佢可以記錄行車路線，然後再自動重新行一次。玩家大可 Set番條指定路線畀佢，等佢自動巡邏，夠晒過癮！

放大圖片
■上 Apps Store打「 Brookstone」即可免費單撈遙控 App。