早兩日Spy經過理大，見學生圍住民主牆起哄，原來有同學投訴S Core的文康大樓4樓的「茶樓」餐廳，話說同學叫咗個美味炒烏冬，睇真啲竟然有大大隻木夾匿埋入面，炒烏冬同木夾已經俾豉油染成啡色，證明比廚師落鑊炒過。同學即時將恐怖場面影低，連千字文放上民主牆！ Spy聽到有同學討論話有機會是廚師不慎將夾着訂單的木夾掉進食物，不過始終好唔衞生，只見「茶樓」在民主牆貼出回應話：「向理大師生表示歉意，並承諾加強員工培訓及改善工作流程，以避免類似事件再度發生！」口脗十足政府高官，去參選特首都得喎！
U SPY：
校園至爆猛料，U SPY一定睇實。 ####
有圖有偈傾，同學發現炒粉加咗料，立刻影低貼上民主牆，即時引得同學圍觀！
U Spy親身去試吓食物有冇問題，雖然冇肚痛，不過賣相同味道差咗啲囉，似乎「茶樓」要改善！
經理封口「茶樓」經理同熟客都有傾有講，但Spy一問加料事件就封口話唔方便回應。
羅同學測量學Yr.3 我覺得成個夾响碟粉都幾嚴重，我唔鍾意嗰度啲調味料周圍放，枱面又油淋淋，感覺麻麻。
黃同學物流學Yr.3 出嚟食嘢避免唔到衞生問題，我相信其他餐廳都有機會發生呢啲事。
文章標籤
全站熱搜
留言列表
