明星靚相大分享☆

徐子珊上月出席聖誕騷時谷胸上陣，露髀又刻意露三角黑底，睇到觀眾噴晒鼻血，唔怕蝕底。 caption_pure: "徐子珊上月出席聖誕騷時谷胸上陣，露髀又刻意露三角黑底，睇到觀眾噴晒鼻血，唔怕蝕底。"
封面
國金軒飯局迫認頭　徐子珊股惑殼王
2010年01月13日
《美麗高解像》上週大結局，最高收 34點，唔算大收，但劇情多影射藝人總叫有話題。劇入面一心向上爬博紅的徐子珊最後改邪歸正，展鳳姐伍詠薇就變植物人，下場正路冇驚喜。
不過現實版高青雯就估佢唔到。 30歲徐子珊， 04年當選港姐，緋聞由最初的舞台劇導演溫迪倫、天王黎明及導演游乃海，每段緋聞男角都可以在事業或金錢上幫徐子珊一把，最近更有傳搭上 K富商。
原來 K富商正是與唔少姐仔傳過緋聞的殼王陳國強，兩人更在元旦週內，於 ifc國金軒內癡纏飯局，姣爆子珊施軟功令殼王在友儕間確認身份，去年底子珊更由海怡半島遷入月租 3萬的貝沙灣豪宅，一招股惑得米。
去年徐子珊三棲發展，拍劇、拍戲更唱埋歌，不久前忽然進駐貝沙灣，表面聲稱獎勵自己，似乎合情合理，但實情子珊近月獲身家 20億的富豪殼王陳國強賞識，大老闆照住，更上一層樓。

去年做埋歌星，走性感路線的徐子珊每次表演都落力扭籮扭腰跳勁舞，呢位港版籮霸，高登仔視佢為女神，估唔到連閱女無數嘅殼王都吸引到。

同老婆表現恩愛的殼王陳國強，多年來跟多位女星傳出緋聞，不過全部不獲殼王承認。《蘋果日報》圖片

游乃海有女友

徐子珊週日（ 10日）出席百萬行活動時，全程黐實《美麗高解像》拍檔王祖藍，包唔會傳緋聞啦！

生於 80後、現年 30歲的徐子珊，自 04年獲選港姐冠軍後即屢傳緋聞，一入行因拍廣告而溝掂天王黎明，更因此飛甩唔係靚仔零名氣的舞台劇導演男友溫迪倫， 06年被名導杜琪峰睇中拍《跟蹤》，其實背後得阿杜愛將、新晉導演游乃海關照才有機會，緋聞一傳幾年。
「游乃海其實本身都有個拍咗好多年拖嘅女友，佢同子珊係拍《跟蹤》嗰時撻着，為咗方便兩個人見面，子珊喺海怡半島租咗個竇搬出嚟住，等個男友可以成日上去 hea半同居，子珊都知自己係咩身份，但佢唔係志在要人，係想游乃海幫佢發展電影事業。子珊一向語氣都好倔，不過佢呢排真係囂出面，搬咗入貝沙灣，貴晒啦！」知情人士說。據知子珊月前撇甩游乃海搬離海怡半島，以月租 3萬搬入貝沙灣，而向來少穿名牌的她，最近亦頻以名牌亮相。
纏綿夜宴
子珊進駐豪宅，徐父徐母則仍踎在將軍澳居屋，不過徐父最近就獲得 48萬星級 7人車代步，子珊總算有父母心。
「幾個月之前，殼王已經搵人搭路識子珊，子珊好快就得到殼王寵幸，前個星期，子珊、殼王同幾個老死富豪去咗 ifc國金軒食飯，嗰晚殼王仲專登搵咗美麗華國金軒嗰邊個御廚（美麗華與 ifc同屬四叔李兆基旗下）嚟整畀佢哋食，子珊坐殼王隔籬，全程孖公仔，大家知咩事啦！」
「點都唔會認！」
週一（ 11日），子珊前度男友游乃海接受本刊電話訪問時，一聽見徐子珊搬入貝沙灣即嚇到嗱嗱臨想收線。「我唔清楚，冇聯絡。（幾耐？）拍完戲都冇。（攞獎後冇見過？）嗰啲唔係事實嘅嘢唔回應喇。（子珊係咪因為殼王所以飛你？）總之就唔係事實，唔回應喇，唔該晒。」
而徐子珊週一晚則透過經理人 Atom回應：「今年子珊收入多咗，自己有能力租得起貝沙灣，絕對冇靠任何人。星期日有記者問起呢件事，子珊都係第一次聽到陳國強個名，佢仲反問我邊個係殼王，子珊覺得奇怪點解會扯上關係。佢點都唔會認呢件事，因為根本就冇！」殼王都唔識？問吓郭羨妮咪知己知彼囉！
VIP房御廚招呼
據知徐子珊和殼王在前個星期到 ifc國金軒的 VIP房晚餐，有傳當晚更借將美麗華國金軒的大廚曾超列親手為兩人炮製晚餐。

北京烤鴨
據知二人亦有品嘗曾師傅的招牌菜「油泡鮮蟹鉗」同「北京烤鴨」。
油泡鮮蟹鉗

從將軍澳到貝沙灣
F：《 FACE》　徐：徐父
F：你個女搬咗入貝沙灣喎！
徐：聽聞過。
F：幾時搬 o架？
徐：邊時邊日搬就唔知嘞！
F：你識唔識陳生？
徐：邊個陳生？
F：陳國強殼王呀！
徐：唔識。
F：有冇一齊食過飯呀？
徐：我哋一家人成日食飯，總之個女嘅嘢你問番佢啦！

04
04年啱啱摘完港姐后冠的徐子珊，從美國加州大學戴維斯分校日文系畢業的番書妹，被揭與家人同住將軍澳裕明苑居屋， 94年買入價 110萬，而且出入都要自己拉喼一腳踢。

市值$230萬

08
被無綫力捧的子珊搬離居屋，為與導演男友游乃海同居，獨自搬到港島南區海怡半島，逐步升呢。
 
市值$500萬
 
09
為配合番一線花旦身份，子珊極速進駐豪宅貝沙灣，以 3萬月租升格做上等人。但其座駕仍然係唔使廿萬的 bB，就算俾人照顧都冇咁張揚。
 
市值$1,300萬

聽聞過佢搬！(真實對白)
徐父週日回應女兒黐殼一事時表現冷淡：「我唔知邊個陳生喎！」

徐子珊近期愈着愈豪，而且件件名牌，同當年初入行的娘爆衣着相差極遠。

件件名牌︰元旦去「叱咤」
Balenciaga連身裙逾萬元、 Christian Louboutin長靴$8,500

Jeremy Scott約$3,000

姐仔殺手
54歲已婚富豪陳國強，為德祥企業集團有限公司主席，身邊女伴氹氹轉，加上殼王對女友好細心，試過親自買漢堡包畀女友好鬼 sweet，大禮豪宅亦毫不手軟，殺女有一手。

05年︰磨住跳
葉璇在北京夜店中，被偷拍到跟殼王跳辣身舞，更不停在殼王身上係咁磨。《壹週刊》圖片

06年︰黐到實
當年有傳殼王力追張玉珊，就連張玉珊遠赴加拿大公幹，殼王都跟到實。

06年︰出實 Q
06年初殼王揼本追郭羨妮，當時殼王即使不便現身片場探班，亦派 4名實 Q傍實索妮，認真細心。《蘋果日報》圖片

黐親有 so

04
舞台劇導演溫迪倫係徐子珊選美嘅提名人，二人因合作舞台劇而撻着，但隨住奪冠子珊名成利就，溫亦列入被飛之列。《壹週刊》圖片

參選
24歲至參選港姐嘅徐子珊唔怕遲，人生經驗豐富行少啲冤枉路啦！《壹週刊》圖片

05
選完港姐即拍住黎天王拍電訊廣告隨即升呢，咁又係，試問有幾多個出爐港姐可以有呢種待遇呢？

收車
同黎天王拍廣告拍出緋聞，飛起前度舞台劇男友更獲天王送廿幾萬 Mini Cooper代步！

06
演過冇幾多套電視劇即被杜琪峰睇中做電影女主角，新演員拍新導演游乃海（右），好易擦出火花。《蘋果日報》圖片

游乃海本身有女友，徐子珊甘願做第三者。

08攞獎
徐子珊因《跟蹤》在金像獎中攞埋「最佳新人獎」，子珊受游乃海帶挈，跟足 3年。《壹週刊》圖片

邊個最淫
最近高登網友發起「 TVB女星邊個最淫選舉」，結果大部分網民都選徐子珊，仲強調佢早前上兒歌頒獎禮都露坑騷吓 quali，真係正咁話！

徐子珊 3年前代言「纖型 22」，由原本 25吋腰減到 22吋，仲扭埋蛇腰大戰 hip hop勁舞，成個索晒。

淫眼、 AV嘴、蛇腰、豐籮《蘋果日報》圖片

出道性女
06年徐子珊出席鄧萃雯主持港台節目《性在有心》大談性經，仲自爆：「喺美國讀書時啲女仔朋友喺床上好主動，我就被動及主動都會！」結果被樂易玲照肺，冠以「性女」之名。