New York Knicks官方App追睇林書豪
近期NBA最Hit的人物，相信非紐約人隊（New York Knicks）的華裔球員林書豪（Jeremy Lin）莫屬，先後帶領球隊擊敗新澤西籃網、猶他爵士、華盛頓巫師、洛杉磯湖人、明尼蘇達木狼等球隊，成為東岸Player of the Week，令到全球華人、美國NBA迷都瘋狂，仲幫佢改咗Linpossible（不可能）、Linsanity（瘋狂）等型仔花名，簡直是華人之光。想幫Lin打打氣，原來可以靠iPhone Apps，皆因紐約人隊官方Apps最近啱啱上架，隨時翻睇Lin嘅精彩表現，力撐Lincredible！
尋找潛力股
林書豪季初仍不被紐約人重用，仲曾經畀球隊下放至次級聯賽D-League，點知Lin就大打爭氣波，其超班的表現，成功吸引紐約人隊注意。雖然D-League整體水準不及NBA，但亦隨時臥虎藏龍！《D-League Center Court》就有大量D-League比賽資料、消息，睇實賽程，話唔定又畀大家發掘幾個好似林書豪嘅優質潛力股。
《D-League Center Court》下載費用︰免費
官方最準確
由寂寂無聞的後備球員，到近幾場爆發，平均每場攞20分以上的林書豪，取得正選後即變身球隊的救世主，甚至成為球隊以至紐約市最炙手可熱的人物。作為球隊官方App的《New York Knicks Official App》當然已經有齊Lin以及球隊賽程等資料；其中必睇當然是Videos，除了NBA賽事精華之外，更有獨家的場外訓練、訪問影片，想更了解Lin必單撈！
《New York Knicks Official App》下載費用︰免費
直播全面睇
林書豪的比賽一場比一場精彩，早前更加攞到職業生涯新高38分，擊潰高比拜恩的湖人隊；唔想錯過佢每一球精彩入波的話，就一定要下載《NBA.TV》。App提供每日比賽結果、得分表，更有不同的影片、精華，隨時都可以緊貼今期NBA熱話。如果你係LEAGUE PASS用戶，更可以透過iPhone睇比賽直播及重播，唔喺屋企都可以欣賞到林書豪的風采！
《NBA.TV》下載費用︰免費
實境打籃球
見到Lin剷籃又得、射球又準，真係令到一眾籃球粉絲技癢。坐喺Office冇機會打波都唔緊要，《NBA: King of the Court》呢隻App就結合Location-Based以及實境功能，仲會自動搜尋附近的球場，然後再將球場實境上融合虛擬籃球場，仲可以上網同人鬥射波準，夠晒刺激！
《NBA：King of the Court》下載費用︰免費
球鞋粉絲
NBA球員的表現固然重要，不過球星腳上的波鞋同樣也是焦點所在。《ReleaseDates》是著名波鞋網站Sole Collector推出的Apps，提供大量波鞋的推出消息，由復刻以至新款的都有齊，仲連NBA球員比賽着邊款鞋的資料都有，啱晒一眾波鞋粉絲！
Vincent
留言列表
