Tokyo Girls Collection TGC DaDa 自認咪大拋窒 Angelica 喜獲紐約傳媒訪問 @ 明星靚相大分享☆

DaDa自認咪大拋窒Angelica

擁有33D巨咪的胸模陳靜（DaDa），昨日首次為日本時裝界盛事《Tokyo Girls Collection》（TGC）行騷，自認胸大的她以比堅尼Top登場，「胸」贏33B混血索模道端Angelica！

近年日本TGC時裝騷成為模特兒比併戰場，今年輪到有「百果園咪神」之稱、擁有33D豐滿上圍的陳靜（DaDa）走上天橋，與一眾日模一較高下！前日啟程往日本的DaDa原本身體抱恙，抵埗後被迫缺席大會安排的綵排，幸而經過一日休息後，昨日正式行騷時已回復狀態，更明益日迷以比堅尼帶來極度震撼！

齋食生果消胃腩

DaDa昨晨7時已抵達大會場地日本橫濱競技場，先作最後綵排，獲安排與當地紅模長谷川潤及Elli Rose於同一化妝間，可謂極受尊重！本身有「肉地」的DaDa，為免露腩示人，只吃生果作早餐充飢。至下午正式開場，DaDa先以碎花裙行騷，由頭到腳都布滿花花飾物，感覺飄逸可愛，然而好戲在後頭，後來換上三點式配短褲，甫出場即引來觀眾熱烈拍掌歡呼，令她愈行愈有Feel，不停扭動身體，自信十足昂然踏步，大晒巨咪！

除了DaDa晒身材之外，同場的F1賽車手畢頓的日本索模女友道端Jessica的妹妹道端Angelica，亦以三點式「較量」，擁有33B上圍的她，雖然身形比DaDa高挑，但上圍震撼程度卻遠不及DaDa，相對自然失色！

「好多女仔靚過佢」

事後DaDa在後台接受訪問，對於「胸」贏道端Angelica，她謙虛地說：「之前試過同佢同場，佢好有魅力同味道！雖然好多女仔都靚過佢，不過佢個樣好特別！（你覺得自己靚過佢？）唔覺！不過某啲地方大啲，每個人有自己優點！我豐滿啲，佢就高過我，腳又長過我！我唔係Super Model，唔會追求好瘦，以健康為原則，要有自己嘅Style囉！」

第一手消息請下載on.cc東方互動iPhone/iPad/Android Apps

專案組

DaDa以比堅尼Top上陣，身材幾乎冠絕全場，勁！

人氣時裝騷TGC獲不少女模撐場，相當熱鬧！

DaDa另一個Look帶點清純，滿足另一種口味。

土屋安娜

SAEKO

道端Angelica同樣以比堅尼Top及晒玉背應戰，但身材高下立見！

TGC攻日踏腳石

自05年開始在日本舉辦的《Tokyo Girls Collection》（TGC），為日本時裝界的大型時裝項目之一，於每年的3月及9月舉行，展示日本青春至潮服飾。TGC的賣點除了雲集大部分日本當紅女模外，更是吸引港模進軍日本市場的台階，過往Angelababy、周秀娜及諸葛紫岐等也曾在TGC「試水溫」。

周秀娜

喜獲紐約傳媒訪問

完騷後，黑人攝影師主動邀請DaDa拍照，本來她都帶點矜持說：「自己着得咁少，好似好多人望住！」但最後仍豁出去任影，更自爆喜獲紐約傳媒訪問：「今次個騷好多人捧場，好新鮮呀！最開心係有紐約記者主動同我做訪問，原來我呢種類型有唔同市場鍾意！」至於大會亦非常尊重DaDa，特別安排她與日本當紅女模長谷川潤及Elli Rose用同一個化妝間。

DaDa任黑人攝影師拍照，更與名模Elli Rose合照。

KARA咪嘴廢舞功

韓國組合KARA以神秘嘉賓身份亮相TGC獻唱2首歌，今次是成員朴奎利完成聲帶結繭手術後首度露面，因她仍未能開聲，只能咪嘴表演。另一成員Nicole亦因腳傷仍未康復，五女未能以勁舞助興，只能坐低表演。至於剛進軍日本市場的人氣女歌手IU則獻唱日語版《好日子》，大晒唱功，另一韓國代表After School成員Nana身穿短褲行騷，大晒長腿。