吐口水
左:睇吓你夠唔夠我揪?真實對白
右:我忍你!真實對白
黃浩對本刊記者極之挑釁,更向記者連吐口水 4次,其間又用粗口辱罵記者家人。

徐淑敏( Suki)去年 12月嫁經營飲食生意的商人黃浩,娶得姐仔老婆黃浩果然氣吞天下,上週五( 22日),本刊記者在中環蘇豪區採訪佢兩夫妻用膳,估唔到黃浩不但出言恐嚇兼郁手郁腳、更前後四次向記者臉上吐口水!面對黃浩的鹵莽行為,難得受辱記者極力克制,只說:「我忍你!」
事後,黃浩以護妻心切和「一緊張就會流口水」來為如此言行解話,本刊在此衷心恭喜與黃浩一拍即合的徐淑敏,以及兩人相識短短一個月就極速製造的骨肉,恭喜兩位有個氣概不凡、口水橫飛的丈夫和父親。
四年前參選港姐時,年僅 21歲居於青衣邨的徐淑敏,因為驕人 D Cup上圍、以及有年長 27歲的工程師中坑男友黃重生駕駛寶馬接送成為風頭躉。唔聲唔聲,與中坑分手後的 Suki,去年尾突然傳出與黃浩相戀兼且極速有餡: 6月經麥玲玲做媒結識、 7月懷孕、 10月承認有餡兼公布婚期、 12月圓婚,行事高調的二人結婚造人甚至度蜜月,事事愛與各大傳媒分享,點知黃浩先生會忽然大發雄威振夫綱。

睥到行
黃浩接受有線電視訪問時話本刊記者差點撞到老婆 Suki,令佢極之驚慌,但從相中所見 Suki笑到見牙唔見眼,記者又同你兩夫婦起碼隔成張枱,黃浩先生眼神已經好重殺氣。

扯眼鏡
黃浩怒氣沖沖奔向記者,忽然又一手傾電話一手扯開記者眼鏡,唔知咁算唔算挑釁呢?

埋身嗌
打我吖!郁我吖!乜×嘢呀!×你老×!真實對白
黃浩報完警之後,情緒更為高漲,更用胸頂撞垂下雙手嘅本刊記者,又大叫「打我吖!」,其實條街咁闊,講嘢做乜要行咁埋呢?《蘋果日報》圖片

Call差人
佢哋好似想綁架我!真實對白

縮住走
黃浩對本刊記者就囂到爆,但差人到場,即刻 180度變臉,以受害者姿態話:「佢哋好似想綁架我。」之後上七人車走嗰陣又扯埋晒窗簾,一時狂躁一時低調,好難捉摸呀!

唔插手
有 6個月身孕嘅 Suki,身形脹到成個水桶,面形比之前更圓潤,見丈夫凶記者,佢一直坐於餐廳內,至黃浩發洩完,始坐上七人車走人,黃太今日非同凡響。

黃浩發惡前後兩小時,搞到 Suki喺餐廳呆等兩個鐘,之後由保安護送「受驚」嘅 Suki返上車。

忽然發難

上週五( 22日)晚上約 10點,挺着 6個多月大肚子的 Suki與黃浩在蘇豪撐枱腳,行蹤又湊巧被多間報章雜誌掌握,齊齊在該意大利餐廳外守候拍照,其間本刊曾入內拍照。懷孕以後照樣到處旅行、常常出門的 Suki,神態自若看着餐廳外的記者,與友人談笑,想不到, Suki笑意盈盈坦然面對,黃浩卻打起電話吹雞,等到兩個從 dragon-i夜店班來的黑人救兵一到,立即衝出餐廳向本刊記者發難。
衝出餐廳的黃浩,直衝到本刊記者面前,伸手搶走記者眼鏡,再出言挑釁:「乜×嘢呀,乜×嘢呀,郁我吖!郁我吖!」記者再三退讓意圖與黃浩保持距離,黃浩卻步步迫近更朝着記者臉上吐口水。記者則繼續克制說:「我忍你!」

撩隻揪

挑釁不果的黃浩則追着記者到對面馬路,再三發射「口水彈」,又報警求助:「我家俾人威脅!」其間由兩個黑人保鑣左右護駕的黃浩繼續對記者窮追猛打:「打我吖!睇吓你夠唔×夠我揪?唔使我搵人同你打!」不只言語威嚇,黃浩再用粗言穢語辱罵記者家人,等到警察到場,黃浩竟再說:「我唔知佢係唔係想綁架我同我太太?」

火速成婚
黃浩曾經講過鍾意 Suki夠純情,所以二人相識一個月之後就拍拖,第二個月就宣布奉子成婚,不過 Suki純情,黃浩卻狂爆粗,驚唔驚嚇壞老婆呀!《蘋果日報》圖片

口水偉論
週日事件見報後,有線以電話訪問黃浩,黃浩竟以自己「一緊張好易流口水」解話,超爆笑!

記者:「佢冇文化!」

Suki 06年參選港姐,為大熱之一,同中坑前度黃重生經常被傳媒採訪。但黃生一直冇發脾氣,很有修養!《壹週刊》圖片

最後,在警方調停下,雙方和解收場,黃浩亦帶着 Suki由司機接載離開,翌日接受有線電視電話訪問的黃浩,竟然對自己行為解釋話:「我醫生好清楚,我份人一緊張好易流口水,我可能講緊嘢啲口水就飛咗出嚟囉!」
當街當巷對準別人臉上連吐四次口水,卻說成是先天緊張口水失控,被 37歲黃浩當街「挑釁」的本刊記者表示:「聽講黃浩喺澳洲讀大學,但係佢向我吐口水嘅行為好冇文化,就呢啲行為我睇唔出呢個人有接受過高等教育囉!其實我入得呢行,咩人都遇過,亦預咗會有啲唔禮貌唔講道理嘅人有身體碰撞,唔通喺條街度同佢用口水互吐咩!」
係囉,本刊記者又唔會流口水又唔會吹雞叫黑人壯膽,更加唔會當街撩人隻揪,如果黃浩先生身患頑疾,本刊深表同情,下次 Suki為女兒添置用品時,不妨叫太太買多條口水肩畀你啦,唔好再失禮喇!

眼凸易爆火

玄學家司徒法正說:「眼凸好似金魚咁樣嘅人,多是性格火爆暴戾,而且好自我中心,如有不順自己心意,便如敵人一樣對待。其餘特徵好似兩個眉頭接近、鼻孔外露、腮骨外露、國字面、頭尖額窄、面下半部比上半大又冇肉者,通常都係比較蠻不講理嘅人。」


黃國桐律師:洗完面都可以追究!

「吐口水要睇吓點吐,如果佢只係細路仔,講嘢唔小心噴到,就唔算!但如果係蓄意,絕對構成普通侵犯罪。至於搶眼鏡,亦係一種襲擊,也可以構成普通侵犯罪。有機會留案底及罰錢,同埋係可以事後追究,冇需要 keep住啲口水唔洗面。」

唔撐吐口水

黃浩吐口水後,除咗接受有線訪問發表偉論,更與友好傳媒交心,淡化自己言行,可惜公道自在人心!網上多個網站留言板不少都不值黃浩行為!證明人工式洗腦係冇用嘅!

黃浩吐口水新聞出街後,當日已有一名為「強烈要求政府禁止像癲狗的人在街上向市民吐口水」。至週一截稿前,已有近 200人參與。


高登插人品


Baby Kingdom鬧嘔心

王氏夫婦見報多

今次黃浩突然向本刊記者吐口水,表面上討厭娛樂記者採訪,其實他們經常曝光,自從傳出 2人結婚消息之後, 2人常出現各大報章、雜誌,無論買結婚戒指、睇醫生,都非常巧合地被傳媒採訪,而喺 2人結婚當日,黃浩邀各大傳媒高層包括報紙、雜誌、電視台出席婚宴,更准許在場記者入場直擊婚宴,猶如記者會一樣,與當日抗拒傳媒判若兩人。

睇醫生
至去年 10月, Suki自從同黃浩拍拖後,連睇醫生覆診都俾記者影到。《壹週刊》圖片

買戒指
去年 9月,兩公婆去卡地亞買結婚戒指,咁啱又被傳媒撞破,當晚又唔見佢咁大反應。《忽然 1周》圖片


 

arrow
arrow
    全站熱搜

    stacylife 發表在 痞客邦 留言(0) 人氣()