Kelly又生仔6磅半小龍包出爐
娛圈喜事接踵而來， 39歲的潮媽陳慧琳（ Kelly）榮升第二任媽咪，小龍包出世了！昨日 Kelly透過助手公布喜訊，小龍包重 6磅半，貌似哥哥劉昇同樣有個蝦餃仔，老公 Alex一直在產房陪伴在側，並親手為龍 B剪臍帶及拍下出世過程片段。
其他娛樂名人影片
陳慧琳誕下長子劉昇（蝦餃仔）後，一直希望追女，曾成功人工受孕懷孖女，但不幸地去年三月懷胎五個月的孖女宣告流產， Kelly經過三個月傷痛及調養身體，再接受人工受孕，成功懷有龍 B， Kelly並稱龍 B為小龍包。
老公剪臍帶 放大圖片 
陳慧琳周一才接劉昇放學，話咁快就生咗。
Kelly一直對外公佈預產期為四月，大前日 Kelly還被本報拍到腹大便便接蝦餃仔放學，昨日 Kelly的經理人公司突然以 email及 Kelly網站公佈喜訊：「小龍包今日出世喇！細佬重六磅半，母子平安，遲啲一齊同大家見面啦！」正在醫院休息的 Kelly透過助手 Leo回覆本報， Kelly是在預產期內生產，老公 Alex（劉建浩）早已向公司請假，昨日陪太太入院，入院後， Kelly隨即進行手術剖腹誕下細仔小龍包， Alex一直在產房貼心陪伴 Kelly旁邊，親手為小龍包剪臍帶，又帶備攝錄機為小龍包拍下出世過程片段。Leo並說：「雖然產房血淋淋， Alex一啲都唔驚，仲好興奮好鎮定，大仔蝦餃仔出世時， Alex都有入產房拍片同剪臍帶， Kelly見到小龍包出世好感動，但冇喊。」
產後精神好 放大圖片 
陳慧琳在微博宣佈小龍包出世了。
因為麻醉藥未過 Kelly傷口未算太痛，亦相當精神，暫時仍要臥床休息不能落地抱 BB， Kelly覺得小龍包似爸爸？還是媽媽？ Leo表示：「暫時仲未睇到， Kelly話小龍包同哥哥一樣下巴有個蝦餃仔，好似哥哥好可愛。」而今年七月將三歲的哥哥蝦餃仔因為要返學，暫時仍未睇到細佬，但已知道自己做哥哥了。採訪：葉雪 
Kelly坐月修身後會盡快復出，據知有意今年出新唱片。 資料圖片
陳慧琳6磅半小龍包出世喇!
陳慧琳（Kelly）生咗喇！這位潮媽天后昨日誕下6磅半兒子「小龍包」，母子平安。老公劉建浩全程陪伴入院到剪臍帶，並把最感動一刻拍攝下來。
自09年誕下「蝦餃仔」劉昇後，39歲的Kelly擇定吉時昨日於舊山頂道嘉諾撒醫院誕下6磅半兒子「小龍包」，母子平安。自去年痛失孖女後，Kelly幾經辛苦走出流產傷痛，再接再厲接受人工受孕，勇敢孕育小生命。
今次再得慈姑椗，Kelly舉家開心不已，正值今年是龍年，加上「蝦餃仔」的關係，Kelly一早已為BB取點心系列乳名「小龍包」。昨日順利開刀分娩後，Kelly於下午5時50分於官網公布喜訊，寫道：「小龍包今日（昨日）出世喇！細佬重6磅半，母子平安，遲D（啲）一齊同大家見面啦！」
Alex親手剪臍帶
剛於本周一（19日）還親自接「蝦餃仔」放學的Kelly，昨日在老公劉建浩（Alex）陪同下，秘密到舊山頂道嘉諾撒醫院開刀分娩，入住09年誕下「蝦餃仔」的同一病房及選用同一產房，並由著名婦產科醫生何永超為Kelly操刀，順利誕下「小龍包」。據知「小龍包」的時辰八字與父母及大哥「蝦餃仔」極之相合。
Kelly今次分娩，Alex繼續做緊張大師，除了做「柴可夫」接老婆入院，更親自入產房為「小龍包」剪臍帶，又帶定DV將最珍貴一刻拍下。雖然仍未看出「小龍包」似爹哋或媽咪，但跟「蝦餃仔」擁有同一蝦餃下巴，十分靚仔。
兩公婆爭錫BB
而Alex和Kelly更爭住抱BB錫錫及影相留念，可惜「蝦餃仔」要上學，故沒有第一時間見到細佬。
記者致電恭喜Kelly，她透過經理人公司發言人譚先生說：「我依家精神好好，但啱啱開完刀，麻醉藥未過，所以有啲攰，仲未落到床！」她表示仍未為「小龍包」改名：「因為要改單字，又想個名型啲，所以好難改名！」問會否再追女？Kelly表示BB剛出世，未想到這個問題。Alex這幾天會在醫院留夜，通宵照顧兩母子，絕對是廿四孝老公兼老竇。
第一手消息請下載on.cc東方互動iPhone/iPad/Android Apps
專案組
Kelly昨日於官網報喜，宣布小兒子出世消息，可喜可賀！
本周一，Kelly仍頂着大肚親自接兒子蝦餃仔放學。（資料圖片）
Alex全程照顧老婆Kelly及新生BB，認真廿四孝。
小龍包 把口最叻啱唱歌
繼一索得蝦餃仔後，陳慧琳昨日剖腹誕下細仔「小龍包」。堪輿學家陳子才指「小龍包」五行屬陰性的金，命格乃「食傷生財」，長大後適合從事表演事業：「佢命盤有粒巨門星，代表把口好叻，好適合唱歌，呢個小朋友自尊心好強，天生好聰明，性格都好獨立，異性緣好強！」不過，陳子才表示「小龍包」與父母緣較薄，有機會於五歲後出國留學。
小龍包被指適合從事表演事業，未知會否跟Kelly入行？
星級醫院分娩 09年誕蝦餃仔
Kelly昨日再於嘉諾撒醫院分娩，誕下「小龍包」，而於09年7月10日，她亦於同一醫院由婦科聖手何永超為她剖腹分娩，順利誕下6磅重囝囝劉昇（蝦餃仔），據知當時分娩花費超過12萬6千港元。
其他媽媽級藝人如邱淑貞、陳慧珊等亦喜選此著名星級醫院分娩，而黎淑賢今年大年初三赤口誕下八磅四安士兒子，成為今年娛樂圈首個龍寶寶，而吳綺莉於99年11月19日誕下逾四磅女兒卓林。
09年7月，Kelly（左）到達嘉諾撒醫院，翌日誕下蝦餃仔。
千嬅kelly交換bb經
Kelly昨日誕下「小龍包」，懷孕逾六個月的另一星媽楊千嬅，昨晚身穿米色連身長裙，腳踏4吋船踭鞋，與余文樂出席《第36屆香港國際電影節開幕典禮》。
千嬅得悉Kelly再添丁，戥她高興：「知道佢生咗，Feel到懷孕尾段時間好辛苦、好緊張，腰骨又痛，見佢之前仲送蝦餃仔返學，好犀利！（打畀佢？）之前透過公司交換心得，都多謝佢有教我點買BB用品，但暫時唔打攪佢住。」被問為何仍穿船踭鞋，她表示用來襯裙，至於有否問准老公丁子高，她笑說：「唔好提佢！專登使走咗佢，我旨意樂仔扶我！」近日閒來於家中「下廚」的她，昨日上載整蘋果批照片，賣相一流！而余文樂大懵誤以為Kelly誕龍鳳胎，要記者糾正，他說：「咁快啲追個女。（佢話唔追？）呢啲興之所至，好難講。」
李樂詩懷孕四個月
另一邊廂，剛於大年初三誕下兒子的黎淑賢，昨日產後首度與陳煒及李樂詩（Joyce）等出席活動，而童愛玲則因肺炎缺席。消瘦不少的黎淑賢說：「因為係產後第一擊，好大壓力，希望下次（身形）更好。」而Joyce透露已懷孕四個多月，今胎是兒子，產後會「封肚」停工。
千嬅腹大便便，仍悉心打扮出席支持電影活動。
火速收身的黎淑賢（左）與再度有喜的李樂詩出席活動。
余文樂小心拖實穿上船踭鞋的千嬅。
留言列表
