啱啱過去的四月愚人節「維園霆鋒」龍心因為喺《城市論壇》上語出驚人，而成為網絡大紅人，不少巴打絲打火速起他底，發現他唔係咩美國三藩市福X幫第二把交椅，而係一個感情曾受到打擊，言行怪異的三十六歲中佬。
而近日「維園霆鋒」又有新搞作，近日於網上就廣傳兩段關於他的短片，一段疑似是情慾短片，短片開始時就見他赤裸上身，表情享受地呻吟兼哼歌仔，期間就聽到他詢問另一人：「鍾唔鍾意呀？正唔正呀？」，對方就嬌聲嗲氣地答：「鍾意，正！」至於另一段短片就是疑似「維園霆鋒」正在開解一個只用白色大毛巾包裹身體的女子，從二人的言談話題中，大約得知女方有感自己不了解自己，生活上有枷鎖，故揾「維園霆鋒」來做聆聽對象，但「維園霆鋒」就九唔答八，無端端又話係社會的錯，一陣又話係父母的錯，搞到個女仔都唔知點答好。總之千錯萬錯，邊個錯都好，最錯就係識到「維園霆鋒」，搞到自己成為網絡大紅人。
於短片中就見「維園霆鋒」狀甚享受，不停呻吟兼哼歌仔。
片中除了「維園霆鋒」外，還有另一個皮膚白滑的人伏在他的一雙大腿上。
另一片中，只用白色大毛巾包裹身體的女子和「維園霆鋒」傾談心事。
文章標籤
全站熱搜
留言列表
