高海寧心胸廣 儍氣誘宅男
高海寧（高Ling）憑着34D上圍，成功吸引到大眾的注意力，令知名度大大提升，不過也被定型為胸大冇腦一族，其實高Ling的好身材只是其中一個優點，她的開朗儍氣性格更加誘人，難怪迷死一眾宅男。
高海寧的出現，大眾目光自動對焦在其34D上圍之上，高Ling直言自己不是風情萬種的人，頗介意拍劇總要做第三者角色，幸好做飲食節目令她有機會表現開朗、真我一面，最終身材以外的優點為人發現。
喜獲監製賞識
最近高Ling就因開朗性格，獲無綫監製文偉鴻邀拍新劇《法網狙擊》，對此高Ling說：「最開心係監製覺得我係冇機心同單純嘅女仔，今次演見習檢控官，完全唔使性感，終於有人睇到性感以外嘅我。」然而，高Ling明白自己需保持競爭力，故仍會行健康性感。高Ling性格可愛，被人取笑她蠢，總是以哈哈笑回應，她坦言從沒不開心：「我係反應慢get唔到，但我好玩得，好似《五覺大戰》嘅兩包米，我都係後知後覺，但節目好笑，是但啦！」那可覺自己蠢？高Ling笑說：「我真係覺得自己蠢㗎！父母太保護我，冇經歷就唔識，不過我希望保持呢份樂觀同儍氣，咁係最開心！」
被細佬笑烏歪
除了身材好，高Ling的儍氣其實更有殺傷力，談到討論區內有「有高海寧咁嘅家姐，每日生活要點過」的話題，網友自是對女神諸多遐想，但高Ling竟倒自己米說：「試過出街有人邀請合照，我問細佬點解佢唔要同我合照？佢竟然話：『日日都見到你，最烏歪個樣都見到，瞓醒、瞓到流口水個樣都睇過晒，完全唔想同你影囉！』佢只掛住打機，都唔騷我！」高Ling就是憑這份儍氣，已叫宅男愛死她。採訪：羅美倫 攝影：林德雄服裝、場地：Vivian Chanelle 化妝：Christy Lam 髮型：Match Tong@Hair（又一城）
高Ling最近在《法網狙擊》中演見習檢控官，同劇還有苟芸慧、王君馨及陳庭欣等。資料圖片
在《食得峰騷》（右圖）和《五覺大戰》中，高Ling都不介意騷身材。電視圖片
身材豐滿的高海寧，希望大家注意她好身材之餘，也可欣賞她其他優點。
留言列表
