明星靚相大分享☆

周柏豪早前在微博力撐師妹連詩雅慾照事件，因而被網民狂轟撐錯人，對師妹憐愛有加的柏豪，為免連詩雅再被追問事件，前晚兩人出席活動時，柏豪繼續硬挺師妹，並不惜自揭曾拍裸照，又自爆想在鬧市裸跑以轉移大眾的視線，認真廿四孝師兄。

現年26歲的周柏豪和22歲的師妹連詩雅前晚到九展出席「業餘飛鏢聯賽嘉年華」活動，柏豪因在微博留言力撐拍慾照的連詩雅而被網友狂鬧。

更衣室大解放
柏豪自言有人已向他報告，但他沒有看有關留言，他說：「入行咁耐識選擇聽定唔聽，冇影響心情。我入行後先識佢，覺得佢好畀心機做嘢、好學同做音樂，喺我面前好乖，一定支持佢。」深得師兄力挺的連詩雅大為感動，並表示要請食飯答謝柏豪及所有公司同事，她自言從未試過做一份工作所有同事都力撐自己，大家關係就像一家人，令她十分開心。身旁的柏豪為免師妹被記者追問，不惜自爆曾與同性在更衣室內拍疑似裸照，他說：「嗰啲係以前嘅嘢，每個人都影過好多好樣衰嘅相，我都有，你哋問我啲朋友攞，我最激係男同男影，喺更衣室鬥影，唔係親密。」

裸跑轉移視線
至於是否裸照，柏豪直認都可以這樣說，並強調並非因為身軀見得人，只要影出來沒肚腩夠靚就得，他笑說：「做乜講呢啲嘢，總之佢（連詩雅）影嗰時係細路仔，家好似抹殺咗佢努力工作，嗰日佢喺公司開記招，我仲提議不如我去時代裸跑轉移視線，不過講就天下無敵。」連詩雅即笑指師兄裸跑及裸體都不好，以免冷親。柏豪亦覺得現時科技發達，四周圍都可以拍到照片，不單止藝人，所有人都要小心及不要信錯人。採訪、攝影：胡比

擁有模特兒身形的周柏豪曾試過袒胸露毛拍攝唱片封套。黑白圖片

連詩雅日前淚流滿面開記者會交代慾照事件。資料圖片

周柏豪前晚不惜自爆曾拍裸照來力挺師妹連詩雅。

愛在微博分享照片及感受的周柏豪日前因力撐師妹連詩雅而遭網民狂轟。