關仁隱事:「小妖」瞓獻吻冧「肥導」 關仁

 


嗰套專講去夜場喪玩喪蒲嘅電影早排密密開工,最happy當然係「肥導」,每日都有幾十條索女傍住,但就令佢女友「生果」好憂心!生果同關仁呻到樹葉都落埋,話好多女埋男友身,尤其係嗰個日本妹「小妖」。生果話小妖以前同肥導出埠拍嘢時,已經成日自動獻身,每晚臨瞓前都會敲門兼送goodnight kiss,今次套新戲又有小妖份,生果梗係要監場日日實。最令生果睇唔順眼嘅係小妖把聲高八度,佢又識講廣東話,把聲仲咁嬌嗲,係男人聽到都腳軟,搞到生果每日返屋企都要哦吓男友,等佢唔好咁易出軌。撰文:關仁  

arrow
arrow

    stacylife 發表在 痞客邦 留言(0) 人氣()