明星靚相大分享☆

So Comment 蘇施黃

覺士道佐敦道交界，入口在佐敦道

Kuc?
Kuc = Kowloon Union Church位於佐敦道4號的紅磚教堂。隔籬有一座英式建築物，好有款的兩層小窄花園。前年見開始裝修。2012年翻新完畢，雪白的外牆，爛窗又換了，原來這屋本是Union Church的牧師住的，好大好靚㗎，一人住兩層。後來牧師走了，現任牧師住一層，將很多地方平租給NGO，多有人情味，政府係咁就好嘞！而樓下一層現叫「Kuc Space」，係畀公眾入去坐吓、飲吓、食吓、玩吓（有一大箱boardgames）

Kuc Space...
由一位懂得古董，古老嘢的人裝修的，裏面好多枱櫈係一間已結業的餐廳贈送的，sofa又唔知邊個送的，但所有舊東西加一些新燈、風扇，非常舒服，可spend一個lazy afternoon。所有人都係volunteer。我食完啲碟和杯，朋友走時自己拿去洗返才走。開放時間：星期一至五10am-6pm

食物
廚房只有焗爐和電爐，但很乾淨，所有食物都係由自願者煮一些拿手好戲，那天的lunch乃係由一位希臘女士做的flat bread + chili cheese $15 他們只預備了10份lunch，我去到時已沽清。只可以食carrot cake $15，好moist，好食。Cheese Scone $15，好香芝士味和raisin scone $15。而有位自願者正在做lemon cake，可惜要第二日才有得食。由於剛開始，所以只有星期一和四才有lunch供應，其他日子只有cake和新鮮蔬菜、水果做的juice、咖啡或茶。大家不妨去Kuc Space過一個寧靜的下午，連廁所都好pleasant的，我覺得好似返了我母校，樓底高高，英國式到不得了，長木地板，地磚全是舊的，可愛極！

Kuc Space 地址：佐敦道4號（近覺士道）電話：2367 2585

蘇施黃資深電台人，天生異「口」，除了講嘢叻，食嘢同樣嘴刁，近年開咪、上電視做主持都不離教人食得精，吸引大批粉絲跟佢搵食。 ####