王晶寸擦鞋阿叻插主僕不分
王晶日前寸爆港姐「水平糕」而與老友陳百祥（阿叻）爆罵戰，昨日王晶繼續踩今年港姐面目模糊 ，又指阿叻「唔使擦鞋擦到咁盡」！阿叻立即「着晒」，反寸他主僕不分！
王晶昨日出席新任「晶女郎」童菲寫真集記者會，提到因狂踩今屆港姐而與阿叻互寸，日前他寸爆港姐應全部淘汰，被阿叻揶揄疑患白內障！王晶昨日反擊指好友對阿叻的言論已感麻木：「唔使理佢！（阿叻話你公司老闆陳國強有份搞港姐選舉，勸你唔好亂噏？）唔使擦鞋擦到咁盡嘅！（陳國強有冇叫你唔好講咁多？）佢係其中一位投資者，亦係我好朋友，冇講任何嘢！」
曾跟前退選港姐邱淑貞傳緋聞的王晶，揚言當今除了何守信外，冇人敢質疑他對港姐的熟悉程度。對於今屆港姐，王晶繼續狂踩：「記唔到個樣，好難紅，成班人一樣樣！有印象都只係湯鎮宗個女（湯洛雯），不過十個企喺度就搵唔到！（叫無綫唔好再選？）睇節目策略，我只係觀眾畀意見，當我維園阿伯！」
辣埋「晶女郎」孟瑤
對於被王晶插擦鞋，阿叻昨日接受電話訪問時勞氣地說：「陳國強係我前生意拍檔，依家係佢老闆，叫佢分清楚，我都唔使撈，使擦鞋？傻吓，傻吓！叫佢諗吓邊個要返內地撈啦！佢係咁講港姐，咁佢又捧紅過邊個呀？唔係話畀我聽孟瑤（王晶愛將）紅嘛？佢拍電影都要用無綫啲女仔，叫佢飲水思源啦！」至於候選佳麗王舒銳於港姐Fansbook中，呼籲大家享受參選過程，曾大爆湯洛雯「唔執嘢」的李渼琦則留言指「做愛做的事」，認真坦白！
影視組
阿叻最近與港姐在倫敦拍外景，對佳麗自然有更深了解。（資料圖片）
王晶帶「晶女郎」童菲見人，未知是否他理想的選美人辦？
過氣「晶女郎」孟瑤是否紅過，真的見仁見智！
童菲的寫真集玩Feel，大家感受到嗎？
阿叻着火：佢捧紅過邊個？
王晶日前寸港姐應全部淘汰，被陳百祥（阿叻）指他唔識睇女疑患白內障。王晶昨日繼續出招，彈港姐面目模糊之餘，又叫阿叻「唔使擦鞋擦到咁盡」！阿叻得悉後即被辣着，反擊王晶捧人冇個紅，又暗指有人返內地先有得撈！
王晶昨日出席新任「晶女郎」童菲寫真集記招，獲王祖藍、葉念琛等撐場。提到他日前於微博寸港姐應全部淘汰，即被今屆港姐司儀阿叻揶揄他疑患白內障。王晶笑言一眾好友對阿叻平日的言論已感麻木，不會理會對方。
港姐樣難記
對於阿叻指王晶公司老闆陳國強有份搞港姐，勸王晶不要再亂噏，王晶即寸爆阿叻：「唔使擦鞋擦到咁盡嘅！（陳國強有冇叫你唔好講咁多？）佢係其中一位投資者，亦係我好朋友，佢冇同我講任何嘢。」
王晶
阿叻
曾跟前退選港姐邱淑貞傳緋聞的王晶，揚言當今除了何守信外，沒有人可以質疑他對港姐的熟悉度。對於今年港姐質素，王晶繼續踩：「記唔到個樣，好難紅，成班人一樣樣！有印象都只係湯鎮宗個女，不過10個企喺度我就分唔到！（叫無綫唔好再搞港姐？）都要睇節目策略，我只係觀眾畀意見，咪當我係維園阿伯囉！」
童菲於寫真集內未有過分性感，她笑言性感在於氣質而不是穿得多與少。
王祖藍讚童菲清純又美麗。
籲飲水思源
記者事後致電阿叻告知王晶言論，他得悉後有點勞氣地說：「陳國強係我前生意拍檔，依家係佢老細，叫佢分清楚！我都唔使撈，使擦鞋？傻吓傻吓！叫佢諗下邊個要返大陸撈啦！佢係咁講港姐，咁佢又捧紅過邊個呀？唔係話畀我聽孟瑤（王晶愛將）紅呀？佢拍電影都要用無綫啲女仔，叫佢飲水思源啦！」
另外，一班候選港姐在無綫港姐Fansbook不斷留言谷人氣，王舒銳引用歌手伊能靜說過的話，又以樂園機動遊戲比喻參選過程，呼籲眾人好好享受。而李渼琦則留言指「做愛做的事」，很切合其性格。
文：影視組
王晶寸阿叻擦鞋仔
王晶力捧的新晶女郎童菲，將會推出寫真集。
王晶力捧的晶女郎童菲將出寫真，昨日兩人在觀塘舉行記者會，請來錢國偉、葉念琛和王祖藍等撐場。晶女郎向來賣肉，但童菲卻收起性感，她以普通話說：「這樣就好，寫真集非以性感為主題，也不想為銷量去性感，只希望大家對我有所認識。」
早前王晶揶揄應屆候選港姐質素差，陳百祥（阿叻）反嘲他有白內障，王晶反擊說：「有邊個識佢而會理佢講乜？我由80年開始做港姐，除咗何守信外，冇人可挑戰我對港姐嘅認識，今屆無論身材同樣貌都留唔到印象，惟一聽過係湯鎮業個姪女，不過十個企埋一齊都揀唔番出嚟。」阿叻提醒王晶無綫老闆陳國強也是他的老闆，王晶反譏：「唔使擦鞋擦到咁。」
此外，錢國偉被拍得和神獸天使白雲一杯雪糕兩份食，惹來女友陳宛蔚不滿，他卻否認陳宛蔚是女友說：「普通朋友，影響到人哋男朋友就唔好，我哋成日一杯雪糕七個人一齊食，一杯汽水兩份飲，不過我都要檢討吓。」
採訪：魯萍
攝影：葉君海
留言列表
