薛凱琪賣性感 Eason嫌唔夠

薛凱琪（Fiona）一連兩晚的處女紅館騷於前晚正式落幕，風騷的Fiona獲陳奕迅（Eason）做尾場壓軸嘉賓，令Fiona驚訝得跌坐台上。鬼馬的Eason打量Fiona一身性感的舞衣時，更驚嚇彈開，台上Eason更大爆方大同只愛音樂、不愛美人的秘密。

Fiona一開場即以十五分鐘的勁歌熱舞打頭陣，除騷長腿和性感舞姿，更不時俯身微露事業線吸引觀眾眼球。台上Fiona風騷大唱情歌冧粉絲，唱至情深處，更不禁落淚哽咽。過氣緋聞男友房祖名即上台遞紙巾拭淚，更不介意親手接過「雲吞」放入自己褲袋。細心的祖名只獲Fiona一個握手，反觀台上Fiona特別優待方大同，除出場兩次，更獲伊人多番擁抱。

大同被揭秘密

演唱會尾聲，祖名笑言：「好消息！今日嘉賓點可以得我哋兩個咁少？所以今次我哋搵到成龍！」見Fiona一臉愕然，祖名即大叫：「唔係，係陳奕迅先啱！」Fiona一見Eason從後台步出，更驚訝跌坐台上。Fiona高興得兩次擁抱Eason，豈料即被Eason上下打量性感舞衣，搞笑的Eason更驚嚇彈開：「吓，乜原來裏面有條褲㗎？你知㗎啦，我哋呢啲結咗婚嘅人係咁㗎啦！」未幾，Eason大爆方大同秘密：「佢淨係會對音樂、結他鋼琴興奮，對其他都冇興趣㗎啦。」二人最後合唱一首《陀飛輪》為演唱會畫上完美句號。

Eason緊緊擁抱Fiona，又嫌對方的性感舞衣內有打底褲。

放大圖片

Fiona唱到感動落淚，細心的祖名即上台遞紙巾給她。

最想大食一餐

完騷後移師慶功宴，緋聞男友方大同全程陪實，更坐在Fiona母親身旁。問到Fiona是否當方大同一家人？Fiona笑言：「我信教嘅，全部人都係一家人！（佢哋盡晒做緋聞男友責任？）絕對唔會用呢個字眼，我開騷前已經唔理人哋點諗，一係唔請，一係就兩個都要請。（以為成龍？）有一秒真係以為係，好開心Eason嚟，因為我知佢去盧凱彤個騷。」Fiona笑言完騷後最想大食一餐，盼有機會開演唱會part2。

文：音樂組

陳奕迅趕住撐Ellen又攬又咀

盧凱彤（Ellen）在藝術中心舉行的四場音樂會前晚結束，剛從深圳返港的好友陳奕迅（Eason）即偕同父親陳裘大捧場，還有何韻詩與父母、林二汶等支持。尾聲時，Ellen唱出Eason的《愛是懷疑》，終引得Eason跑上台開腔Rap幾句。Eason表示Ellen稍後做其結他手，到福建做巡迴表演，但他用英文將「福建」說成像粗口諧音，令觀眾爆笑！Eason稱看着Ellen成長，見她15歲拿着結他比賽，朋友之中，Ellen令他感到驕傲！兩人三度擁抱及互吻。Eason完騷後，即趕到紅館再為薛凱琪做嘉賓。

Eason由內地趕返港支持Ellen，又肉緊獻吻。

今日我至狼：
Eason連搞兩女勁 High

Eason先咀性向成疑嘅 Ellen，再挨落 Fiona嘅長頸（圖），似乎仲狼過振英喎！

陳奕迅（ Eason）大前日才在深圳舉行個唱，但前晚已回港連搞兩女，但各位不要誤會，實情是他先到演藝學院捧盧凱彤（ Ellen）尾場音樂會，還好 high地送上兩個香吻；接着再趕到紅館捧薛凱琪（ Fiona）尾場，趕完又要講，難怪他穿上一件「 I Can't Stop Talking」 T恤，相當應景。

Eason先咀性向成疑嘅 Ellen（圖），再挨落 Fiona嘅長頸，似乎仲狼過振英喎！