選美（年紀）冇得呃！(真實對白)
法拉上週五（ 5日）聽到諸葛梓岐老過自己時，忍唔住擘大口笑到咔咔聲，仲要用手揞住免失儀態，由個心度笑出嚟。

一向低調處理與 Neway大少薛世恆戀情的陳法拉，連日來俾另一位薛家準新抱諸葛梓岐追住打，盛傳諸葛公主先向相熟傳媒放料踢爆法拉於美國秘密結婚，又話新年會問未來大嫂攞利是，不過就話「唔敢叫佢大嫂，費事叫老咗佢！」咬住唔放。
俾未來「妯娌」迫埋牆，法拉亦唔見得好蝦，針對弱點攻擊，一針見血「夭」中自稱 26歲的諸葛公主報細年齡痛腳，上週五對本刊揞嘴偷笑：「哈哈哈，我哋選美出身，白紙黑字（年紀）呃唔到人！」擺明反咬快將 31歲的諸葛公主一啖。

我唔再回應喇！(真實對白)
大少奶還擊，未來二少奶諸葛梓岐週日（ 7日）出席活動時一聽見本刊記者就法拉恥笑佢扮細，諸葛公主即時笑容僵硬說：「唔好意思，我唔回應喇！」恭喜法拉中咗。

27歲陳法拉與 Neway薛家大公子薛世恆拍拖 4年一直低調，每次接受訪問都只講公事，唔會靠緋聞博宣傳。

法拉：佢大過我

被人「恰」唔出聲只會被人?住打。經常將男友、 Neway二太子薛嘉麟掛喺口邊，跟某雜誌關係要好的諸葛梓岐，上月尾無故擺法拉上枱，涉嫌向傳媒爆料話法拉跟男友已秘密於美國私訂終身，又話法拉屈老公送千萬大屋，清純花旦變貪錢人妻。
放料人呼之欲出，諸葛仲要在公開活動爆陰毒，明講自己農曆年會去薛老太屋企拜年，實質暗寸法拉「思」縮冇家教。卒之辣?法拉八婆反擊，上週五（ 5日）法拉回應諸葛話驚叫佢做大嫂會叫老佢時，繼續還拖：「我係老過佢吖嘛，佢 26我 27，我哋選美出身，白紙黑字（年紀）呃唔到人！（其實佢就快 31歲（真實年齡）喇！）吓？哈哈哈，唔係呀嘛？我真係唔知佢大過我喎！」轉走實力路線的法拉，暗寸工夫一流。

19/1法拉火燒心實錄
死喇！又唔記得對白添！設計對白
收得工未呀？我就嚟頂唔住喇！設計對白

Honey，俾人踢爆點算好呀？設計對白

狂 NG累琴姐

無端被爆陰毒，搞到法拉近日神不守舍，據知被爆婚訊兩日後（本月 4日），焗住要為《公主嫁到》返無綫開工的法拉，全晚表現不在狀態，每組鏡頭最少 NG兩、三次，唔使埋位時又顧住講電話唔睇劇本，原本凌晨 3點收廠，結果過晒鐘都拍唔完，同平時甚少 NG的法拉直頭兩個樣。
累街坊遲收工，法拉因此辣?《公》劇監製梅小青：「小青姐知道套劇 over run，第二日即刻落 order，話要『 cher』爆班演員，唔可以再甩期！」知情人士透露。 27歲法拉就話襟捱，難為同場的 78歲李香琴，原本已經要日踩 10粒鐘做到暈，?家俾法拉拖一拖，每晚起碼唞少幾個鐘。呢次諸葛公主曲線累埋琴姐，琴姐唔好怪錯法拉呀！

駁火時間表︰ 19/1同場唔交戲
會去男友屋企拜年！
未來奶奶？邊位？
法拉同諸葛做商場騷同場表現疏離，寧願黐住唔熟絡的林莉，有心病連戲都懶得交，諸葛主動出擊話自己新年會去薛家拜年。

2/2諸葛先爆料
祝佢幸福快樂！呢件係開心事，總之要尊重老人家！
有雜誌爆法拉同薛大少秘密註冊結婚，諸葛又再強調一定會去薛家拜年，暗寸法拉唔孝順同冇家教。

3/2電話呻被屈
罵戰白熱化，兩人於同日齊齊發功，鬥寸反擊。

3/2插多一刀
如果自己結婚一定唔會秘密！我唔敢嗌佢大嫂，驚叫老佢！我會問佢攞利是，冇所謂啦，都係派錢！

7/2二少硬撐︰我唔再回應喇！
諸葛週日出席活動獲男友罕有到場支持，即刻收口唔再搞事。

真假公主

諸葛梓岐自稱為諸葛孔明第 63代後人，人前人後擺出公主姿態，更經常爆出「男友可以冇，但工人唔可以冇」等驚人金句，相比起出身音樂世家、叻到考到獎學金的法拉，講吹水，真係唔夠公主嚟。

諸葛梓岐（ Marie）

陳法拉（ Fala）

細少爭贏

法拉同諸葛梓岐日日開火，兩位薛家少爺亦要在家族爭寵爭上位。本來大少薛世恆會接手家族市值超過廿億的業務，但後來因卡拉 OK裝修費嚴重超支而被父親薛濟傑削權，去年退休時更改為欽點二少薛嘉麟接棒，成為上市公司中星集團（ Neway Group）主席，大少只能坐歪做中星旗下一間公司的董事。

薛嘉麟

諸葛梓岐同二少拍拖拍得高調，經常被影到孖公仔出巡，可惜二少唔知與「針」同眠。《蘋果日報》圖片

年齡： 31
學歷：中文大學市場拓展碩士
職銜：中星集團主席

薛世恆

有傳法拉因拍劇太搏太性感，令薛家兩老不滿，不過法拉與大少拍拖 4年依然恩愛，不時撐枱腳。

年齡： 32
學歷：澳洲新南威爾斯大學電腦系學士
職銜：中星集團旗下的新時代娛樂董事

明星靚相大分享☆復活板娛樂八掛週刊雜誌★娛樂八掛大放送★ 為食譜識飲識食街★ 任逍遙旅行萬里路 ★ 科技電玩一線通 ★ 寵物地帶 ★ 潮流男女打扮★ 健康之道★ 財經投資★ 五行玄學八卦風水★ 娛樂猛片放送站★ 伴我奔馳 賽馬貼士 提供★
明星靚相大分享(4月刊)★ 明星靚相大分享(5月刊)★ 明星靚相大分享(6月刊)★ 明星靚相大分享(7月刊)★明星靚相大分享(8月刊)★ 明星靚相大分享(9月刊)★ 明星靚相大分享(10月刊)★ 明星靚相大分享(11月刊)★ 明星靚相大分享(12月刊)★ 明星靚相大分享(01月刊)★ 明星靚相大分享(02月刊)★ 明星靚相大分享(02月刊)★ 週刊 及 雜誌(4-11月刊)☆ 週刊 及 雜誌(10-2月刊)☆


 

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄