孤獨食晏男友在樓下煲煙,本身在電視城拍緊《愛•回家》的朱慧敏,放飯時則獨自到 canteen買飯,和男友劃清界線。 

娛樂喧

難忍男友四圍溝女 朱慧敏電視城炒大鑊

04年港姐亞軍朱慧敏,與 EO2成員兼華星冰室老闆 Eddie(彭懷安)拍拖兩年,表面上愛得如膠似漆,實情 Eddie不時被拍得攬女夜蒲,激得女方紮紮跳。
據知逼婚無效的朱慧敏終忍無可忍發難。上月尾,有人目擊兩人在電視城內的 16廠化妝間嘈交。其間朱慧敏更向男方怒吼:「你有冇理過我感受㗎……成日講大話!」當日吵架事件更驚動無綫製作資源總監樂易玲。
上周,本刊訪問 Eddie,他迴避問題,更直言「冇諗過結婚。」 Eddie打死唔肯結婚,難怪恨嫁朱慧敏嬲到震!

 

「車震事件」過了八年, 32歲的朱慧敏修心養性,落力洗甩「小三」姣名。努力有回報,近年她除升呢做處境劇《愛•回家》的女主角,與 EO2成員 Eddie的感情亦穩定,有傳男方早前曾向她求婚,做人妻有望,但據知最近兩人感情又起暗湧。


今日各行各路 冇癮煲煙 正在拍《飛虎 II》的 Eddie,就算和女友同時身處電視城,二人都刻意冇碰面。正與朱慧敏冷戰中的 Eddie,一個人在錄影廠外煲煙,神情落寞。 

主動搭枱買完飯後,朱慧敏瞄到同劇配角羅天池同樣在 canteen食飯,即主動走過去搭枱,但心情麻麻的朱,全程冇同對方講說話。 

女方發難嘈交


昔日甜蜜拍拖朱慧敏和 Eddie拍拖兩年,多次被影到在街上調情耍花槍。 Eddie亦試過被拍到出入女友清水灣半島香閨,但二人至今仍堅稱只是好朋友關係。 

上月底,有幕後目睹朱慧敏和 Eddie在電視城內炒大鑊。據該幕後說:「 Eddie近排開緊《飛虎 II》。嗰日見到佢喺 16廠化妝間出面同個女仔講嘢講得好大聲,聽到個女仔話:『你有冇理過我感受㗎?去玩唔緊要,咪講聲囉。成日講大話,咁樣好難落去。』行近啲,先見到個女仔係 Queenie(朱慧敏)。 Eddie見有人行過,仲專登拉埋 Queenie一邊,不過 Queenie繼續好大聲話:『你尋晚話開工,點解有人見到你喺灣仔喎, call你又玩熄機,咁算點?』」據知,由於二人爭執聲浪頗大,途經的工作人員和藝人亦為之側目,而事件最後更傳至高層樂易玲耳中,樂事後亦有召見朱慧敏了解情況。

恨嫁心切

事實上,童年在單親家庭成長的朱慧敏,一直冇乜安全感,亦極度渴望組織小家庭。她亦直認恨嫁:「我好想結婚,有個完整家庭。」可惜,她前年箍唔住花心台灣 IT男友 Rick Chang,臨門一腳分手。自此她講明拍拖唔會再公開,驚一講就散。不久,她搭上 Eddie,二人除多次被影到拍拖睇戲和食飯外,早前更索性在清水灣半島同居。雖然多次遭斷正拍拖,兩人卻一直否認,造就男友繼續以單身形象溝女。
知情者透露:「 Eddie夜蒲慣, Queenie就鍾意匿喺屋企玩煮飯仔,拍拖初期, Eddie都有就佢,但耐咗就回復本性,晚晚去蒲。佢份人好 friendly,慣咗同女性朋友攬頭攬頸,舊年佢俾雜誌影過兩次攬女。 Queenie都有同佢嘈過,但佢講極唔聽。今次 Queenie喺大庭廣眾咁嘈,嬲到火遮眼,都唔係咁易𠱁。」
對於同朱慧敏嘈交,日前本刊訪問 Eddie,他最初避忌地說:「嘈交?冇冇冇,我哋冇喺 TVB見過。」問他嘈交是否因自己緋聞,他則扯開話題說:「啲人成日話我多緋聞啫,啲緋聞都唔係真。(你有冇諗過結婚?)冇諗過結婚喎。( Queenie 30幾歲唔等得喎?)咁我都 30幾歲啦,兩人都仲好細啫。」而在截稿前,本刊仍未聯絡到朱慧敏。恨嫁朱慧敏遇上爛蒲友,睇怕都係冇運行。


Eddie:冇諗過結婚日前,記者就與朱慧敏在電視城炒大鑊一事訪問 Eddie。最初他死口唔認朱是其女友,只說是好朋友,更堅稱從沒有在電視城和對方碰過面,但其後卻說:「冇諗過結婚,兩個都仲好細啫!」 

一直受車震女惡名纏身的朱慧敏,曾孭飛在處境劇《愛•回家》做女主角。近月被 cut戲份,加上和男友冷戰,禍不單行。 

專吼花心仔

04年港姐亞軍出身的朱慧敏,除了星運麻麻之外,情路更崎嶇坎坷,每次總遇上花弗男。

 


《壹週刊》圖片 

正印偷食
朱慧敏與 Eddie拍拖期間,已多次傳出男方偷食。去年 7月,更有雜誌拍得他與長髮索女手拖手蒲中環,最終得朱原諒。

 


《壹週刊》圖片 

闊少悔婚
09年朱慧敏高調宣布與台灣搞 IT生意的億萬闊少 Rick Chang拍拖,更透露隨時嫁得。豈料 Rick被拍得攬啜辣妹,最終男方悔婚,異地戀告吹。

 


《蘋果日報》圖片 

難忘車震
05年搭上當時有拍拖 7年女友鍾麗淇的梁榮忠,朱梁二人更被拍得深夜「車震」,轟動娛樂圈。兩人形象插水,至近年才回復工作量。


撰文:娛樂組 
攝影:攝影組 

arrow
arrow
    全站熱搜

    tvb4life 發表在 痞客邦 留言(0) 人氣()