名人潮
教汪圓圓婚前修身 湛琪清 速減十磅餐單
「宇宙最強」甄子丹表姨仔、模特兒出身的湛琪清（ Jessica Jann）最近殺入飲食界，鑽研健康營養食譜，於網上寫 blog分享美食，目的只求過到口癮又能 keep住身形。她更為了將於 11月嫁人的表姐汪圓圓，特製極速減磅餐單，務求在兩周內減十磅。
「我會揀高纖低脂嘅食物，只要用唔同烹調方法，享受到美食之餘又可以 keep fit。」幾時都話，扮靚是女人的終身事業。
湛琪清（右一）是表姐夫甄子丹公司旗下藝人，不時孖住兩個表姐去活動。上周四（ 12日），一行四人出席海洋公園「哈囉喂全日祭」記招。 
湛琪清來港初期，有成 130磅，不但身形較圓潤，臉容亦有點 baby fat，不時以鬆身裙示人。 
汪圓圓將於 11月與蔡加讚拉埋天窗，近月她開始食表妹湛琪清提供的修身餐單，明顯清減不少。
寫飲食 blog
湛琪清自小愛食，出街食飯冇停口，不時周圍試新菜。「香港咁多美食，每次食到好味道嘅嘢，就忍唔住影低同人 share。後來表姐（汪詩詩）話我好似 open rice咁，叫我不如試吓寫 blog，估唔到都有幾多人睇。
「做 model要 keep住身材，所以我依家專揀健康食品。女仔想減肥唔可以唔食嘢捱餓，冇精神點會靚，要少食多餐。我習慣朝早食多啲，咁樣成日都會覺得飽，先夠精神。出街嗰陣手袋一定要有水果，肚餓就食，避免食咁多外面嘅嘢。晚餐要多菜多魚，減低卡路里。」
餐單
早餐
空肚飲檸檬水，排清身體毒素。早餐可較豐富，例如一個水果、兩個白烚蛋白，火雞肉火腿通心粉一碗或麥包，盡量加入澱粉質食物，提供一天的熱量。
午餐
選一種水果作午餐，進食到飽肚為止，例如蘋果、梨等。
若下午感到肚餓，可用水果補充。
晚餐
晚上八時前進食晚餐，餐前必飲不含忌廉的湯水，有助減少食慾。
選擇高纖低脂的食物，主菜以沙律、魚或牛肉為主，少量醬油伴碟作調味，不可混合一起，以減少油鹽分量吸收。
貼士
●飲用有汽礦泉水代替白開水，增加飽肚感，有助減少食慾。
●每星期一日獎勵自己進食適量心愛食物，例如少量蛋糕、朱古力等，保持心境開朗，有助維持減肥意欲。
杧果牛油果醃鱸魚
鱸魚 100克
牛油果 100克
杧果 100克
黃瓜 100克
番茄 100克
菜苗 10克
番茄汁 少許
青檸汁 少許
香葉 少許
海鹽 少許
橄欖油 少許
辣椒 少許
番茄沙律
湛琪清最鍾意沙律當晚餐，貪其簡單易整，味道夠晒 fresh。「沙律係我最常整嘅菜，唔使十分鐘已經有得食，有啲材料唔使煮太熟可以保留營養，最啱做晚餐。」
吞拿魚番茄沙律配黑橄欖
番茄 1個
吞拿魚刺身 100克
菜苗 10克
香葉 少許
黑橄欖 少許
橄欖油 少許
黑胡椒 少許
海鹽 少許
1.去皮
先將番茄底部𠝹開十字，放入滾水浸 45秒，再轉浸冰水方便去皮。
2.去核
將番茄切開 3至 4片後，去除所有核，以免酸味影響餸菜味道。
3.調味
將預先切好的吞拿魚粒拌入黑橄欖，加上適量橄欖油、海鹽攪勻，配上菜苗、香葉便可上碟。
幫表姐修身
表姐汪圓圓將於 11月與蔡加讚舉行婚禮，身為伴娘的湛琪清，為圓圓特別設計極速修身餐單。「結婚係人生大事，為咗圓圓嘅婚禮，大家都好緊張。我一直都學緊烹飪，能分辨唔同食物嘅營養成分，所以為圓圓定咗呢個餐單出嚟，短短兩星期已減到十磅同去水腫，圓圓話連皮膚都靚咗。」
準新娘汪圓圓亦對表妹的餐單讚不絕口：「呢個餐單唔算地獄式減肥，食得好開心。我為咗籌備婚禮，好多時都要出去食飯，有時姊妹團飯局，又會同 Karson（蔡加讚）去 ball，好難食得好清。但一唔使出去，我就會跟足餐單食，唔只冇水腫、皮膚好咗，連睡眠質素都好埋。」
8歲拍李連杰
湛琪清於網頁介紹香港食店，教搵健康食品兼推介自家修身方法，儲下不少 fans。 
撰文：蔡靜雯
攝影：潘啟德
錄像：曹俊賢
協力：湯文峯
髮型： Kenji Ng@IL COLPO
場地： VI COOL
留言列表
