陳志雲出事後，一班曾跟他合作過的藝人紛紛表態，尤其是他一班愛將，很多都希望他冇事，更撐他是無辜的，但亦有人想開香檳慶祝，認為陳總「應有此報」。


王賢誌
「有朋友SMS話我個Friend 有事，我要澄清，陳志雲唔係我個Friend，我離開TVB之後已經冇聯絡；其實佢之前做過官，又做過唔同部門高層，對呢?事應該比較敏感，不過今次ICAC調查得，肯定有問題。」


袁彌明
「可以講應有此報囉！講真，ICAC冇足夠證據，都唔會拉人或者搵人協助調查。佢被人拉咗，可以講為全港觀眾鬆一口氣啦！邊個鍾意睇佢嘅？係就唔會有人掟嘢啦！」

逃避回應


林峯
「我掛住拍戲，拍到天昏地暗，冇留意新聞，不過返到公司見到咁多記者，都知道大件事，我相信今次唔會影響正常運動。」


湯盈盈
「我唔知乜嘢係受賄，唔清楚成件事，唔回應喇，我趕住做嘢。」

撐雲一族


鄧健泓
「我唔方便回應呢件事，佢係我伯樂同師傅，當然擔心，希望佢冇事，我都有SMS慰問佢，總之自己工作如常。」


森美
「我信佢哋無辜，因為法庭一日未判，佢哋都係無罪！我唔會搵陳總住，亦相信呢件事唔會影響到TVB嘅運作。」


張繼聰
「陳志雲同TVB 都對我好，我好感激畀機會我演出，但其他事我並唔清楚，不能評論，但我都擔心陳志雲，希望佢冇事。」


陳奕迅
「我知呢件事，作為一個朋友，又識好耐，希望佢冇事。（有否SMS 慰問？）冇，相信佢嘅電話都唔通。」


薛家燕
「我聽到消息之後好愕然，個心好唔舒服，我覺得Stephen唔係一個計較金錢嘅人，希望件事快啲水落石出。」




埋堆成幫
自邵逸夫（六叔）退下火線後，方逸華便成為無綫揸弗人，其身邊紅人分別是總經理陳志雲和製作資源部總監樂易玲，兩人各出奇謀捧自己的愛將上場，因而被指不和。


網友反陳
陳志雲被廉署拘捕後，有人於網站Facebook以「祝賀電視廣播有限公司電視廣播業務總經理陳志雲被廉政公署拘捕」開了討論區，讓網友留言，大部分網友都認為陳總「抵死」。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄