只有周秀娜 Miss Sixty 擠入玲瓏牛仔褸高踭鞋 @ 明星靚相大分享☆

To be frank，衣櫃內從未出現 Miss Sixty出品。不是小記眼角生在額頭看不上眼，而是身軀擠不入其玲瓏出品。 Sixty小姐 cutting出名 slim cut，尤其 denim系列，話要突出女性線條美， fine，小記是 pro的，自己不能就找人代勞。 Who？非周秀娜莫屬。記者︰吳美美攝影︰林栢鈞Make up︰ MeganHair︰ Zap@Xenterspecial thanks︰ Tiffanny Flowers（ 2526 3606）

其他副刊影片放大圖片

①公主袖貼身牛仔褸$2,150、螢光粉紅×黑色 leggings$890、黑色釘珠高踭鞋$1,450（金色鏈 stylist's own）

放大圖片

②黑色暗閃牛仔褸$790、粉紅令面背心$2,290、 Disco Pixel Jeans$1,790、黑色釘珠高踭鞋$1,450（淺藍色 lace手套 stylist's own）

放大圖片

③白色嘴唇圖案背心$750、 Zip Shot Jeans$2,090、粉黃色 lace up露趾高踭鞋$1,990（粉紅×黃色 sunglasses stylist's own）

放大圖片

④綠色熱帶樹林圖案背心$990、 Panic Jeans$1,790（蝴蝶頭飾 stylist's own）

早就愛上 Sixty

Nobody會懷疑周秀娜（ Chrissie）的 body（請原諒我的中英夾雜，因為講 Miss Sixty好似要咁先夠 feel）。佢有好多個加零一，由小記以至唔鍾意佢嘅人都對佢 body嘖嘖稱奇， Miss Sixty× Miss Chrissie， Perfect Match啦！品牌內， denim系列最多人熱愛（比起品牌出品的 top的確突出好多）， Chrissie今次都拜倒石榴裙下：「其實本身都好鍾意 Miss Sixty，首先我覺得佢嘅剪裁好 fit身，好女性，好有線條美。其中有一套牛仔褸，我鍾意佢係公主袖，同埋啲鈕扣都有好多 details。着上身之後發覺好貼、好 fit、好有女性的形態，而我都知道今年好 hit牛仔造型，所以我覺得呢件牛仔褸，好啱今季潮流。」對於呢件牛仔褸， Chrissie讚唔停，小記都有同感，首先用公主袖將剛陽味減輕，公主袖無入膊更見挺身，兼造到今年依然興嘅闊膊視覺，同時當 top或 jacket都得，是幾 good choice的。

放大圖片
■公主袖 cutting幾靚，有少許斜身，先更易造挺膊效果。

■公主袖 cutting幾靚，有少許斜身，先更易造挺膊效果。

放大圖片
■ Miss Chrissie最愛的「大髀位是拋出嚟嗰套」，貪佢夠放鬆。

■ Miss Chrissie最愛的「大髀位是拋出嚟嗰套」，貪佢夠放鬆。

放大圖片
■今季大部份 denim設計，都有皺褶效果，着上身更立體。

■今季大部份 denim設計，都有皺褶效果，着上身更立體。

放大圖片
■褲的鈕扣造到成個 disco ball，有啞閃及令閃兩種。

■褲的鈕扣造到成個 disco ball，有啞閃及令閃兩種。

Chrissie揀褲想放鬆

Miss Chrissie講完 top講 botton，「頭先其中一條牛仔褲設計幾特別，就係大髀位拋出嚟嗰套，着上身成個蝴蝶形咁，自己好鍾意，而褲腳嘅位置睇到係收入去，可以令到雙腳更修長。平時自己都着開貼身牛仔褲，但有時都會覺得幾辛苦，有時都想休息、想放鬆一下。而這條牛仔褲的質地，做到貼身但又好舒服好柔軟，所以着上身都好輕鬆自在，亦無侷促的感覺。」 Chrissie所講嘅叫 Panic Jeans，幾夾呢幾年都 hit嘅 harem pants造型，不過 denim布料就會蝦人着，因大髀位呈扇狀及挺身，小腿粗嘅人着會顯得整條腿都更粗壯，要小心揀呀！其實六十小姐有些位置都幾花心思，首先多條 denim及 leggings，都於褲腳位置加入皺褶，褲的鈕釦就造到成個 disco ball，突顯今季八十年代的造型。 Leggings幾值得一提，質料比一般有硬性、柔軟和偏薄，夏天着時應該幾爽兼唔會焗，係 denim之外嘅推介。

放大圖片
■淺藍色直腳皺褶 jeans$1,850