Beauty Hunt

我可以去到盡 廖子妤

做新人最緊要夠搏,唔夠搏命隨時被 foul出局。來自馬來西亞的模特兒廖子妤( Fish),隻身來港發展,自知沒有強勁「事業線」,但勝在肯搏。
曾經在陳僖儀的〈蜚蜚〉 MV扮 Les,廖子妤終於有機會演戲,在處女作《末日派對》更全裸演出。首次拍戲就如此大犧性,廖子妤說:「咁難得有呢個機會,家人又支持我,我唔會輕易放棄。」為拍戲,廖子妤真係可以去到好盡。

 

 


 

23歲廖子妤自細在馬來西亞長大,畢業於當地韓新學院,修讀廣播電視傳播學系,讀書時已被星探發掘做 model,但有感在馬來西亞發展有限,於是廖子妤隻身來港衝闖天下。廖子妤不算傳統美女,但勝在思想夠潮,又肯搏,之前在已故歌手陳僖儀的〈蜚蜚〉 MV扮女同性戀者,本地 MV出現兩女 kiss鏡頭已夠突破。憶起 Sita,廖子妤說︰「同佢合作過一次,但好有印象,因為第一次攬女仔、仲有 kiss,佢好香㗎,同埋佢就算拍 MV,佢喺現場都會唱歌,佢把聲好有穿透力,好特別。」新戲《末日派對》,廖子妤更會全裸演出,她說︰「當時都有諗過,第一套戲就要全裸會唔會太快呢?但監製泰迪羅賓同我講,演員要當自己身體係一個工具先可以演好角色,我之後問屋企人,佢哋又好支持我,我咁遠嚟到香港就係要拍戲,我唔會輕易放棄。」


廖子妤首次拍戲唔只全裸,同關楚耀亦有接吻戲。 

監製泰迪羅賓同導演何康,覺得廖子妤外表硬朗,適合戲中飾演新移民嘅角色,經過三次面試,終於取錄。《蘋果日報》圖片


關楚耀教隊酒

到正式拍攝全裸演出當日,廖子妤緊張到冇晒胃口,全日只食了一隻蕉。她說‥「大家都知我好緊張, roll機前,關楚耀拉我埋一邊問我係咪好緊張?跟住攞咗罐啤酒畀我飲,點知飲完我仲緊張,差啲無力拍添!而謝安琪、黃貫中都好照顧我,佢兩個仲教我點『食光』同點走位。」
講到全裸,原來湯唯是廖子妤的偶像,她說‥「我好鍾意湯唯,佢做戲好自然。好似佢咁一炮而紅梗係好啦!當然,我唔可以同佢比。我唔算靚,又唔係 kawaii,更加冇『事業線』,但我好搏命!」




廖子妤之前喺已故歌手陳僖儀〈蜚蜚〉 MV入面,同 Sita一齊喺已清拆嘅九龍塘理想酒店「上床」,飾演女同性戀者,仲有 kiss戲。 

廖子妤來港後簽約 JamCast,一年來除咗 model工作外,亦拍 MV同電影,走型格路線嘅佢,成績不俗。《蘋果日報》圖片

廖子妤( Fish) Profile

年齡: 23
身高: 168cm
fb專頁: Fish Liew(粉絲人數 850人)
微博: Fish廖子妤(粉絲人數 650人)
Instagram: Fish331(粉絲人數 239人)


採訪、撰文:林通賢
攝影:崔百祥
化妝︰ Pinko.C

arrow
arrow
    全站熱搜

    tvb4life 發表在 痞客邦 留言(0) 人氣()