相戀 6年嘅蔡卓妍（阿 Sa）同鄭中基日前被爆已婚，消息一出兩人即高調宣佈已分手幾個月，雖然之後兩人都各自出席公開活動，但對已婚一事就從未正面回答，噚日阿 Sa喺上海做電影宣傳時，更寫了一句密令「希望他能夠盡快找到一個好的女朋友」，好似向舊愛祝福，但阿 Sa卻辯稱「他」係指爸爸。放大圖片 
蔡卓妍同師弟陳偉霆噚日去咗上海為新片《美麗密令》做宣傳。
放大圖片 
阿嬌復出又拍戲又開演唱會，完全回歸娛樂圈。資料圖片
介紹合適人選
噚日阿 Sa聯同導演王晶、陳偉霆等到上海宣傳新片《美麗密令》，阿 Sa成為全場焦點，雖然阿 Sa對傳媒嘅問題都表現合作，但因為電影公司嘅工作人員擋駕話只可以問關於電影嘅問題，令現場氣氛尷尬。之後阿 Sa喺玩遊戲環節時就語帶雙關寫咗一個「密令」，就係「希望他能夠盡快找到一個好的女朋友。」雖然阿 Sa強調話係寫畀爸爸，但大家就覺得佢所指其實係舊愛鄭中基，搞到阿 Sa急急解釋：「爸爸是一個非常不懂得照顧自己的人，希望他找到一個合適的人，如果我身邊有合適的人也會幫他留意。」
放大圖片 
再戰影壇嘅鍾欣桐（阿嬌）喺電影《前度》中同陳偉霆有場浴缸激情戲。
放大圖片 
阿嬌同向佐喺電影《前度》中亦不乏親嘴鏡頭，更傳出阿嬌力追男方嘅緋聞。
阿嬌狂咀向佐
阿 Sa亦透露同鍾欣桐（阿嬌）完成 4月嘅 Twins演唱會後，佢哋就會喺 5月接拍王晶嘅新片。而再戰影壇嘅阿嬌同師弟陳偉霆主演嘅《前度》就嚟上映，噚日英皇就發放咗電影嘅預告片，片中阿嬌嘅狀態唔錯，拍戲時清減過家好多，戲入面佢周旋喺幾個男仔身邊，仲同傳過緋聞嘅向佐同埋陳偉霆猛咁咀。 
近日高調宣佈分手嘅蔡卓妍狀態甚勇，似乎已從情傷中回復過來。
阿 Sa 密令 催 中基 覓新歡
全站熱搜
留言列表
