早排伍姑娘(伍詠薇)個老公練海棠,由司機駕駛名貴7人房車,喺灣仔堅拿道東天橋快線南行至皇后大道東對開時,發生交通意外,好彩只不過係輕微嘅交通意外,練海棠冇受傷,但係辣妹仲記得當日練海棠好心急,點解?因為練海棠當日其實係趕住返屋企同伍姑娘食飯,但係點知就發生咗單交通意外,嘩,呢個世界,真係有啲咁好嘅男人,真係羡慕死辣妹。而嗰單交通意外之後,睇嚟練海棠嘅座駕就應該仲未大修完,事關早幾日辣妹喺中環見到伍姑娘,由司機接載嘅名車,已經改為另一款同樣名貴嘅房車。

當日辣妹路過中環,突然眼前一亮,心諗邊位大美人一個人企喺條街到咁冇陰功,點知定神望清楚先發覺原來呢位靚女係伍姑娘。伍姑娘一向敢作敢為就大家都知,但估佢唔到仲夠膽死素顏出巡。不過諗真啲,如果辣妹都有伍姑娘咁正,又怕咩素顏出街?事關伍姑娘嘅皮膚真係靚到曉飛,冇化妝個人依然Sharp到爆。好似伍姑娘咁樣靚身材好,仲有個咁好嘅老公錫,呢個世界真係唔公平!


天生麗質??,就係唔使搞到自己鬼五馬六都能夠成為全場焦點,伍姑娘呢一個素顏兼撲素樣,咪就係最佳例子囉。


伍姑娘人好真係眾所周知,離遠見到辣妹就已經笑晒口,極有禮貌。




辣妹可以做證,伍姑娘收線唔夠3分鐘,司機已經喇喇聲到步接老闆娘,呢啲員工冇得頂呀!


早排練海棠架7人車撞?,為免老婆伍姑娘出街唔方便,喇喇聲換番架平治代步,真羡慕死人。

arrow
arrow
    全站熱搜

    stacylife 發表在 痞客邦 留言(0) 人氣()